വാടാത്ത ലില്ലിപ്പൂക്കൾ-12

കല്യാണതിരക്കിനിടയിൽ നിന്നെ വിളിക്കാൻ ഞാൻ മറന്നു പോയി.ഒരു കണക്കിന് നോക്കിയാൽ അതെന്തായാലും നന്നായി എന്ന് ഇപ്പോൾ എനിക്ക് തോന്നുന്നു, അല്ലെങ്കിൽ പിന്നെ ലില്ലിക്ക് ഇത്രയും ദുരം യാത്ര ചെയ്തു വന്നിട്ടു എന്റെ കല്യാണത്തിനു പങ്കെടുക്കാൻ കഴിയാതെ പോകുമായിരുന്നല്ലോ......

ലില്ലി -സാരമില്ല, നി വിഷമിക്കാതെ,  നിനക്ക് ദൈവം നല്ലൊരു ജീവിത പങ്കാളിയെ എവിടെയോ കണ്ടുവെച്ചിട്ടുണ്ട്, സമയം ആകുമ്പോൾ തീർച്ചയായും അവൾ നിന്റെ അടുത്തെത്തും...

മണിക്കുട്ടി -പിന്നെ പിന്നെ ദൈവത്തിനിപ്പോൾ എന്റെ ഭാര്യ ആകുന്നവളെ വണ്ടിയിൽ ഇരുത്തി എന്റെ മുൻപിൽ കൊണ്ടാക്കുന്നതല്ലേ പണി....

ലില്ലി-സാരമില്ല, ഞാൻ പ്രാർത്ഥിക്കാം നിനക്ക് നല്ലത് വരാൻ വേണ്ടി... ഇനി ഞാൻ നിന്നോട് ഒരു കാര്യം പറയട്ടെ... ഒരു സന്തോഷവാർത്തയുണ്ട്..... ഞാൻ മനസ്സിൽ കൊണ്ട് നടന്ന സ്വപ്നം പാവങ്ങളെ സഹായിക്കുക എന്ന് നിന്നോട് മുൻപ് പറഞ്ഞിരുന്നില്ലേ, അതു ഉടനെ തന്നെ നടപ്പിലാക്കാൻ പോകുന്നു..... ആദ്യം തന്നെ ഞാൻ തുടങ്ങാൻ പോകുന്ന കമ്പനിയിലേക്ക് ജോലിക്ക് എടുക്കുന്നത് വിധവകളെയും വിവാഹ ബന്ധം വേർപിരിഞ്ഞു നിൽക്കുന്ന സ്ത്രീകളെയുമാണ്.... അവർ അവസാനമായി വാങ്ങിച്ച ശമ്പളത്തേക്കാൾ കൂടുതൽ തുകയാണ് ഞാൻ അവർക്ക് എന്റെ കമ്പനിയിൽ ഓഫർ ചെയ്യുന്നത്. അവർക്ക് എന്റെ സ്ഥാപനത്തിൽ ആവശ്യത്തിന് സ്വാതന്ത്ര്യം ലഭിക്കുന്നത് ആയിരിക്കും.... അവരിൽ പലരും ഒരേ അവസ്ഥയിലൂടെ കടന്നുപോകുന്നവർ ആയത് കൊണ്ട് അവർക്ക് പരസ്പരം വിഷമങ്ങൾ കേട്ടു ആശ്വസിപ്പിക്കാൻ കഴിയും.... എന്റെ സ്ഥാപനത്തിൽ ജോലിക്ക് വരുന്ന വ്യക്തികളുടെ ജീവിതത്തിൽ ഉയർച്ചകൾ കണ്ടിട്ട് വേണം എനിക്ക് കണ്ണടക്കാൻ..... എന്റെ ഈ ഒരു ജന്മം കൊണ്ട് കുറച്ചു പേർക്കെങ്കിലും അവരുടെ  ജീവിതത്തിൽ നിന്നും ഇരുട്ട് മാറ്റികൊണ്ട് പ്രകാശം നിറക്കണം എന്നാണ് എന്റെ ഇനിയുള്ള ആഗ്രഹം.....

മണിക്കുട്ടി -ലില്ലിയെപ്പോലെ സമൂഹത്തിനുവേണ്ടി നല്ലത് ചെയ്യാൻ ആളുകൾ മുന്നോട്ട് വന്നിരുന്നുവെങ്കിൽ എന്ന് ഞാൻ ആഗ്രഹിച്ചുപോകുകയാണ്.... എന്തായാലും ലില്ലിയുടെ സംരംഭം വളരെ വിജയകരമായി മുന്നോട്ട് കൊണ്ട് പോകുവാൻ കഴിയട്ടെ.....

ഇനി ഞാൻ മറ്റൊരു വിവാഹത്തെപ്പറ്റി തല്ക്കാലം ആലോചിക്കുന്നില്ല ലില്ലിയെ... എനിക്ക് ബസിൽ കണ്ട കുട്ടിയെ കുറിച്ചുള്ള നല്ല ഓർമ്മകൾ എന്റെ മനസ്സിൽ ഇപ്പോഴും മായാതെ കിടപ്പുണ്ട്, അതോർത്തു ഞാൻ ആർക്കും ശല്യം ആകാതെ മുന്നോട്ട് ജീവിച്ചോളാം.....

ലില്ലി-ഓരോ മനുഷ്യനും അവരുടെ ജീവിതത്തിൽ എന്തെങ്കിലും ലക്ഷ്യങ്ങളുണ്ടാകണം... നമ്മളിലൂടെ അടുത്ത തലമുറകൾ ഈ ഭൂമിയിൽ ഉണ്ടാകണം... നമ്മൾ അതിനു നിമിത്തമാകണം......നാളെ നമ്മുടെ രാജ്യത്തെ ജനങ്ങളെ നേർവഴിക്കു നയിക്കുന്നവരായി നമ്മളുടെ മക്കൾ മാറേണ്ടവരായിരിക്കാം .....

മണിക്കുട്ടി-കല്യാണം കഴിക്കാൻ ആഗ്രഹം ഇല്ലാഞ്ഞിട്ടല്ല, ഇപ്പോഴത്തെ എന്റെ അവസ്ഥയിൽ ഒരാളെയും കൂടെ സ്വീകരിക്കാൻ പറ്റുന്ന അവസ്ഥയിൽ അല്ല ഞാൻ ഇപ്പോൾ ഉള്ളത്... അതുകൊണ്ടാണ് ഇപ്പോൾ ഇനി കല്യാണത്തെപ്പറ്റി തല്ക്കാലം ആലോചിക്കുന്നില്ലായെന്ന് ലില്ലിയോട് പറഞ്ഞത്......