മനം നിറക്കാൻ മധുമന്ത്രങ്ങൾ:mantras to fill the mind-335

സന്തോഷം ആഗ്രഹിക്കാത്തവരായിട്ട് നമ്മൾക്കിടയിൽ ആരും തന്നെയില്ല. ഒത്തിരി സന്തോഷം നമ്മൾക്കു കിട്ടുന്ന സന്ദർഭങ്ങളുണ്ട്. ഒട്ടും തന്നെ സന്തോഷം കിട്ടാത്ത നിമിഷങ്ങളുമുണ്ട്.

നമ്മൾ എല്ലാവരും പരിശ്രമിക്കുന്നതുതന്നെ സന്തോഷം സ്വന്തം നിലയ്ക്കും, മറ്റുള്ളവർക്കും കിട്ടുന്നതിനുവേണ്ടിയാണ്.

നമ്മുടെ ജീവിതത്തിൽ പല സന്തോഷങ്ങളും കടന്നുപോയികൊണ്ടിരിക്കും. ഇന്നലെകളിൽ സന്തോഷം നൽകിയ പല കാര്യങ്ങളും ഇന്നിപ്പോൾ നമ്മൾക്ക് വളരെയേറെ ദുഃഖത്തിന് കാരണം ആയിട്ടുണ്ടാകാം.

നേരായ വഴിക്കുള്ള സന്തോഷം കണ്ടെത്തുക അല്ലാത്തവയ്ക്ക് എല്ലാം അൽപ്പം നേരത്തെ ആയുസ്സുണ്ടാവുള്ളു.

നമ്മൾ ആഗ്രഹിച്ച സമയത്തു ആഗ്രഹിച്ചത് എല്ലാം തന്നെ ലഭിക്കണമെന്നില്ല.നമ്മൾക്ക് ചിലതൊക്കെ ലഭിക്കാത്തതിൽ വിഷമിച്ചിരിക്കാതെ ആത്മാർത്ഥമായി പരിശ്രമിക്കുക. നമ്മുടെ നിരന്തരമായ പരിശ്രമത്തിലൂടെ നേട്ടങ്ങൾ സ്വന്തമാക്കാൻ കഴിയട്ടെ.

നമ്മുടെ നല്ല കഴിവുകളെ വളർത്തികൊണ്ടുവന്നു മുന്നേറാൻ, നേരായ വഴികളിലൂടെ മാത്രം സന്തോഷം കണ്ടെത്താൻ നമ്മൾ എല്ലാവർക്കും സാധിക്കട്ടെ.