motivation-53

ഈ നിമിഷവും കടന്നുപോകും. നമ്മളൊക്കെ പല വിധത്തിലുള്ള സാഹചര്യത്തിലൂടെ കടന്നുപോകുന്നവരാണ്. പലപ്പോഴും നമ്മൾക്കുണ്ടാകുന്ന ബുദ്ധിമുട്ടുകളിൽ നമ്മളൊക്കെ ആശ്വാസം കണ്ടെത്തുന്നത് ഈ നിമിഷവും കടന്നുപോകും എന്നുള്ള ചിന്തയിലാണ്.

നമ്മളൊക്കെ മുന്നോട്ടു യാത്ര ചെയ്യുമ്പോൾ ഒത്തിരിയേറെ തടസ്സങ്ങളെയും ബുദ്ധിമുട്ടുകളെയും ഒരുപക്ഷെ നേരിടേണ്ടി വന്നേക്കാം. ഏതൊരു ബുദ്ധിമുട്ട് ആയാലും അതിനെയൊക്കെ തരണം ചെയ്യാൻ നമ്മുടെ ഭാഗത്തു നിന്നും ആത്മാർത്ഥമായ പരിശ്രമം ഉണ്ടാവേണ്ടതുണ്ട്.

നമ്മൾക്ക് പുരോഗതി നേടണമെങ്കിൽ കാലത്തിനു അനുസരിച്ചു മാറ്റങ്ങൾ കൊണ്ടുവരാൻ ശ്രമിക്കേണ്ടതുണ്ട്.

കഴിഞ്ഞ കാലങ്ങളിലെ ദുഃഖങ്ങളും, കഷ്ടപ്പാടുകളും അകറ്റാൻ നല്ലതുപോലെ പരിശ്രമിക്കുക. സമയത്തെ വേണ്ട രീതിയിൽ പ്രയോജനപ്പെടുത്തുക.

ഈ നിമിഷവും കടന്നുപോകും എന്നൊക്കെ പറഞ്ഞുകൊണ്ട് ആരെയും ആശ്വസിപ്പിക്കാനും, സ്വയം ആശ്വസിക്കാനും എളുപ്പമാണെങ്കിലും സമയത്തെ വേണ്ടതുപോലെ ഉപയോഗപ്പെടുത്താൻ ശ്രദ്ധിക്കുക, ഇല്ലെന്നുണ്ടെങ്കിൽ നമ്മൾക്ക് തന്നെയാണ് നാളെകളിൽ ബുദ്ധിമുട്ട് ഉണ്ടാവുന്നത്.