മനം നിറക്കാൻ മധുമന്ത്രങ്ങൾ:mantras to fill the mind-128

തെറ്റായ കാര്യങ്ങൾ പിന്തുടരുന്നത് നമ്മൾക്കു ഒത്തിരിയേറെ നഷ്ടങ്ങൾക്ക് ഒരുപക്ഷെ കാരണമായേക്കാം.

ശരികൾ എന്താണെന്ന് തിരിച്ചറിഞ്ഞാലാണ് തെറ്റുകൾ എന്തൊക്കെയാണെന്ന് യഥാർത്ഥത്തിൽ തിരിച്ചറിയാൻ സാധിക്കുക.

തെറ്റായ കാര്യങ്ങളിൽ നിന്നും മറ്റുള്ളവരെ പിന്തിരിപ്പിക്കാൻ കഴിവിന്റെ പരമാവധി ശ്രമിക്കേണ്ടതുണ്ട്.

ശരികൾ പിന്തുടരാനും,

തെറ്റുകൾ ആവർത്തിക്കുന്നത് ഒഴിവാക്കാനും നമ്മുടെ ഭാഗത്തുനിന്നും ബോധപൂർവമായ ശ്രമങ്ങൾ ആവശ്യമാണ്.

നമ്മൾക്കുള്ള ശരികൾ എല്ലായ്പോഴും മറ്റുള്ളവർക്ക് ശരികൾ ആകണമെന്നില്ല.

തെറ്റായ കാര്യങ്ങളിൽ ഏർപ്പെട്ടാൽ അതിന്റെ അനന്തരഫലം വളരെയേറെ സങ്കടകരമായിരിക്കും എന്നത് ഒരിക്കലും മറക്കാതിരിക്കുക.

മുന്നോട്ടു നേരായ വഴിക്ക് സഞ്ചരിക്കാൻ തെറ്റായ കാര്യങ്ങളിൽ നിന്നും പിന്തിരിയേണ്ടതിന്റെ ആവശ്യകത വളരെ വലുതാണ്.

നമ്മൾക്ക് ലഭിച്ചിട്ടുള്ള വിലപ്പെട്ട സമയം പാഴാക്കാതെ തെറ്റായ കാര്യങ്ങളിൽ നിന്നും എത്രയും വേഗം തന്നെ പിന്തിരിയാനും ശരിയായ വഴിയിലൂടെ മുന്നോട്ടു സഞ്ചരിക്കാനും എല്ലാവർക്കും സാധിക്കട്ടെ.