മനം നിറക്കാൻ മധുമന്ത്രങ്ങൾ:mantras to fill the mind-317

നാളിതുവരെയായി ഒത്തിരിയേറെ കാര്യങ്ങൾ നമ്മളെ വേദനിപ്പിക്കാറുണ്ട്.

ഇന്നലെകളിലെ വേദനകളെ നമ്മളിൽ പലരും പരമാവധി മറക്കാൻ ശ്രമിക്കുന്നുണ്ടെങ്കിൽ പോലും പലപ്പോഴും പരാജയപ്പെടുകയാണ് സംഭവിക്കുന്നത്.

വേദനിപ്പിക്കുന്ന കാര്യങ്ങൾ അത്ര പെട്ടെന്നൊന്നും ആർക്കും മറക്കാൻ കഴിഞ്ഞെന്ന് വരില്ല.

നമ്മൾക്ക് അത്രമേൽ പ്രിയപ്പെട്ടത് നഷ്ടപ്പെടുമ്പോഴാണ് ഒരുപക്ഷെ നമ്മളിൽ പലർക്കും വേദനകളുണ്ടാവുന്നത്.

വേദനിപ്പിക്കുന്ന കാര്യങ്ങൾ ഓർക്കാതിരിക്കണമെങ്കിൽ സന്തോഷം കിട്ടുന്ന കാര്യങ്ങൾ അത്രമാത്രം നമ്മുടെയൊക്കെ ജീവിതത്തിൽ ഉണ്ടായിരിക്കണം.

വേദനിപ്പിക്കുന്ന ഓർമ്മകളെ അതിജീവിക്കാൻ നമ്മുടെ ഭാഗത്തുനിന്നും നല്ലതുപോലെ പരിശ്രമം ഉണ്ടാവേണ്ടതുണ്ട്.

വേദനിപ്പിക്കുന്ന ഓർമ്മകളാണ് നമ്മൾക്ക് പിന്നീട് കൂടുതൽ കരുത്തോടെ പല സാഹചര്യത്തിലും മുന്നോട്ടു സഞ്ചരിക്കാൻ പ്രേരിപ്പിക്കുന്നത്.

നിസ്സഹായാവസ്ഥകളിൽ കരയാൻ മാത്രമേ നമ്മളിൽ പലർക്കും പലപ്പോഴും ഒരുപക്ഷെ കഴിയാറുള്ളു.

വേദനിപ്പിക്കുന്ന കാര്യങ്ങൾ ഓർക്കാതിരിക്കാൻ ശ്രദ്ധിക്കുവാനും സന്തോഷം ലഭിക്കുമെന്നുള്ള നല്ല കാര്യങ്ങളിൽ കൂടുതൽ ശ്രദ്ധ കേന്ദ്രികരിക്കാനും, നമ്മുടെയും മറ്റുള്ളവരുടെയും സന്തോഷത്തിനായി നല്ല രീതിയിൽ പരിശ്രമിക്കാനും ഇനിയുള്ള നാളുകളിൽ സാധിക്കട്ടെ.