മനം നിറക്കാൻ മധുമന്ത്രങ്ങൾ:mantras to fill the mind-322

ശരിയായ അറിവ് കണ്ടെത്തേണ്ടതിന്റെ ആവശ്യകത വളരെ വലുതാണ്.

ശരിയായ അറിവുകളുടെ അഭാവമാണ് നമ്മളെ പലപ്പോഴും തെറ്റിലേക്കും, പരാജയത്തിലേക്കും, സങ്കടത്തിലേക്കും നയിക്കുന്നത്.

ശരിയായ അറിവുകൾ കണ്ടെത്താൻ നമ്മുടെ ഭാഗത്തുനിന്നും ആത്മാർത്ഥമായ ശ്രമങ്ങൾ ആവശ്യമാണ്.

ഏതു മേഖലയിൽ ആയാലും പുരോഗതി നേടാൻ ശരിയായ അറിവ് ആവശ്യമാണ്.

ഓരോരുത്തർക്കും ഉണ്ടാകുന്ന അനുഭവങ്ങളിൽ നിന്നും ശരിയായ അറിവുകൾ കണ്ടെത്താൻ ഒരു പരിധിവരെ സാധിച്ചേക്കാം.

നമ്മൾ നാളുകളായി ശരിയായ അറിവുകളെന്ന് വിശ്വസിച്ചു പോരുന്ന പലതും ഇന്നിപ്പോൾ ഒരുപക്ഷെ തെറ്റായെന്ന് വന്നേക്കാം.

കാലഘട്ടത്തിനു അനുസരിച്ചു നമ്മൾക്ക് കിട്ടികൊണ്ടിരിക്കുന്ന അറിവുകൾക്ക് മാറ്റങ്ങൾ സംഭവിച്ചുകൊണ്ടിരിക്കും. ഇന്നലെകളിലെ ശരികൾ ഇന്നിപ്പോൾ തെറ്റായി മാറിയേക്കാം. ഇന്നലെകളിലെ തെറ്റുകൾ ഇന്നിപ്പോൾ ശരിയായി മാറിയേക്കാം.

കഠിനമായ പരിശ്രമത്തിലൂടെ ശരിയായ അറിവുകൾ കണ്ടെത്തികൊണ്ട് പുരോഗതി നേടിയെടുക്കാൻ എല്ലാവർക്കും സാധിക്കട്ടെ.