മനം നിറക്കാൻ മധുമന്ത്രങ്ങൾ:mantras to fill the mind-212

എല്ലാ കാലത്തും എല്ലാവർക്കും വേണ്ട രീതിയിൽ പിന്തുണ കിട്ടിയെന്ന് വരില്ലല്ലോ.

പിന്തുണ കിട്ടിയില്ലെങ്കിലും മുന്നോട്ടു പോകുവാൻ നമ്മൾക്ക് കഴിയേണ്ടതുണ്ട്.

എല്ലാവരും തന്നെ നമ്മൾക്ക് ആവശ്യനേരത്ത് പിന്തുണ നൽകാൻ കൂടെ ഉണ്ടാവണമെന്നില്ല. മറ്റുള്ളവരുടെ പിന്തുണ കിട്ടിയാൽ മാത്രമേ മുന്നോട്ട് പോകുള്ളൂവെന്ന് കരുതിയിരുന്നാൽ നമ്മൾക്ക് മുന്നോട്ടു എല്ലായ്പോഴും ഉയർച്ച നേടാൻ ഒരുപക്ഷെ കഴിയണമെന്നില്ല.

ഉയർച്ചക്കായി നമ്മൾ തന്നെ നിരന്തരം കഷ്ടപ്പെട്ടുകൊണ്ടിരിക്കണം.

നമ്മൾക്ക് നേട്ടങ്ങൾ ഉണ്ടാവണമെങ്കിൽ നമ്മൾ തന്നെ പരിശ്രമിക്കേണ്ടതായിട്ടുണ്ട്.

എല്ലാവരിലും അവരവരുടേതായ കുറവുകൾ ഒരുപക്ഷെ കാണുമായിരിക്കും എങ്കിൽ പോലും നേട്ടങ്ങൾ സ്വന്തമാക്കാനായി നല്ലതുപോലെ കഷ്ടപ്പെടാനുള്ള താല്പര്യം നമ്മൾ ഓരോരുത്തർക്കും ഉണ്ടാവണം.

ആരുടെയും പിന്തുണ ഇല്ലെങ്കിലും മുന്നോട്ടു പോകുവാനുള്ള മനകരുത്ത് നമ്മൾ സ്വന്തമാക്കണം.

ഇന്ന് നമ്മൾക്കു ആരും പിന്തുണ നൽകിയില്ലെങ്കിലും വിഷമിക്കാതിരിക്കുക നാളെകളിൽ നമ്മൾക്കു ഒരുപക്ഷെ പലരിൽ നിന്നും പിന്തുണ കിട്ടിയേക്കാം.

മറ്റുള്ളവരുടെ പിന്തുണ കിട്ടാൻ വേണ്ടിയാകരുത് നമ്മുടെ മുന്നോട്ടുള്ള പരിശ്രമങ്ങൾ. നമ്മൾ, നമ്മൾക്ക് നേടേണ്ട ലക്ഷ്യങ്ങൾക്കുവേണ്ടിയാകണം പരിശ്രമിക്കേണ്ടത്.

എല്ലാവർക്കും ആവശ്യമായ പിന്തുണ ആരിൽ നിന്നും കിട്ടിയില്ലെങ്കിലും ആത്മവിശ്വാസത്തോടെ, മനകരുത്തോടെ മുന്നേറാൻ സാധിക്കട്ടെ.