മനം നിറക്കാൻ മധുമന്ത്രങ്ങൾ:mantras to fill the mind-321

അറിവുകൾ വേർതിരിച്ചറിയാൻ ശ്രമിക്കേണ്ടതുണ്ട്. നല്ല അറിവുകളും തെറ്റായ അറിവുകളും നമ്മുടെ ചുറ്റിലുമുണ്ട്.

നല്ല അറിവുകളെ സ്വീകരിക്കാനും തെറ്റായ അറിവുകളെ ഉപേക്ഷിക്കാനും സാധിക്കേണ്ടതുണ്ട്.

തെറ്റായ അറിവുകൾ നമ്മൾക്ക് പരാജയത്തിനും, സങ്കടത്തിനും, ദുരിതങ്ങൾക്കും കാരണമായേക്കാം.

തെറ്റായ അറിവുകളെ ഉപേക്ഷിക്കാൻ തയ്യാറാവേണ്ടതുണ്ട്.

ഇന്നലെകളിൽ വിശ്വസിച്ചിരുന്ന പല കാര്യങ്ങളും തെറ്റായിരുന്നുവെന്ന് നമ്മളിൽ പലർക്കും കാലം തെളിയിച്ചു നൽകിയിട്ടുണ്ട്. തെറ്റുകൾ തിരുത്താൻ നമ്മൾ എല്ലാവരും ആത്മാർത്ഥമായി ശ്രമിക്കേണ്ടതുണ്ട്.

തെറ്റായ അറിവുകൾ തിരുത്തിയില്ലായെങ്കിൽ ഉയർച്ചകൾ നേടാൻ സാധിച്ചെന്നു വരില്ല. ശരിയായ അറിവുകൾ മാത്രമേ നമ്മളെ ഉയർച്ചയിൽ എത്തിക്കുകയുള്ളൂ.

ശരിയായ അറിവുകൾ മാത്രം മറ്റുള്ളവർക്ക് പകർന്നു കൊടുക്കാൻ സാധിക്കേണ്ടതുണ്ട്.

ശരിയായ അറിവുകൾ കണ്ടെത്താൻ നിരന്തര ശ്രമങ്ങൾ നടത്തികൊണ്ടിരിക്കുക.

നമ്മൾക്ക് കിട്ടുന്ന ഓരോ അറിവുകളും ശരിയാണോയെന്ന് പരിശോധിച്ചു ഉറപ്പു വരുത്തേണ്ടതുണ്ട്.

തെറ്റായ അറിവുകൾ ആർക്കും പറഞ്ഞു കൊടുക്കാതിരിക്കുക.ശരിയായ അറിവുകൾ മാത്രം പറഞ്ഞു കൊടുക്കുക.

ഇനിയുള്ള നാളുകളിൽ ശരിയായ അറിവ് കണ്ടെത്താൻ സാധിക്കട്ടേ.