വാടാത്ത ലില്ലിപ്പൂക്കൾ-3

ലില്ലി-എന്റെ ജീവിതത്തിലെ ഏറ്റവും വലിയ ആഗ്രഹം അങ്ങനെ പൂവണിഞ്ഞു, ഞാനൊരു എയർഹോസ്റ്റസ്സായി... വർഷങ്ങൾ കടന്നുപോയി... വിട്ടിൽ വല്ലപ്പോഴും മാത്രം ചെല്ലുന്ന അതിഥിയായി ഞാൻ മാറി. ഇപ്പോൾ ഞാൻ 6 വർഷം എയർ ഹോസ്റ്റസ് ആയി സേവനം ചെയ്തു, ഇനി എനിക്ക് ജോലി ഉപേക്ഷിക്കണം...

മണിക്കുട്ടി-ജോലി ഉപേക്ഷിക്കണമെന്നോ, എന്തു വിഢിത്തമാണ് പറയുന്നത് ലില്ലി

ലില്ലി -അതെ മണിക്കുട്ടി, എനിക്ക് ഈ ജോലി ചെയ്തു മുന്നോട്ട് പോകുവാൻ കഴിയില്ല. എനിക്ക് എല്ലാവിധത്തിലുള്ള സുഖസൗകര്യങ്ങളും ലഭിച്ചിട്ടുണ്ട്. ആവശ്യത്തിന് സ്വത്തുക്കൾ എന്റെ പിതാവിന്റെയും ഗ്രാൻഡ് മദറിന്റെയും കയ്യിലുണ്ട്... അവർക്ക് ഞാൻ അല്ലാതെ വേറെ ആരും അവകാശികൾ ഇല്ല. എനിക്ക് അതുകൊണ്ട് ഇനിയുള്ള കാലം പാവപ്പെട്ട ആരെയെങ്കിലും തന്നാൽ കഴിയും വിധം സഹായിച്ചു ജീവിതം മുന്നോട്ട് കൊണ്ടുപോകാനാണ് ആഗ്രഹം...

മണിക്കുട്ടി - ആഗ്രഹം നല്ലതൊക്കെ തന്നെ അതിനു ജോലി ഉപേക്ഷിക്കേണ്ടതുണ്ടോ

ലില്ലി-വേണം മണിക്കുട്ടി, ഈ ജോലിയിൽ ഇരുന്നുകൊണ്ട് എനിക്ക് ഞാൻ ഇഷ്ടപ്പെട്ട കാര്യങ്ങൾ ചെയ്യാൻ സാധിക്കില്ല

മണിക്കുട്ടി- ശരി, എങ്കിൽ അങ്ങനെ ആവട്ടെ, വിട്ടിൽ പറഞ്ഞോ ഇങ്ങനെ ഒരു ആഗ്രഹം...

ലില്ലി - ഇല്ല, പതുക്കെ സമയം പോലെ പറയാം, അതിനുമുൻപ് എനിക്ക് മണിക്കുട്ടിയെ ഇഷ്ടപ്പെട്ട കാര്യം ഡാഡിയെ അറിയിക്കണം, ഡാഡിയുടെ സമ്മതം വാങ്ങിയിട്ട് കല്യാണം കഴിക്കാം....

മണിക്കുട്ടി -എനിക്ക് പെട്ടെന്നൊന്നും കല്യാണം കഴിക്കാൻ പറ്റില്ല ലില്ലി, ലില്ലിക്ക് അറിയോ ഞാൻ സാധാരണ വീട്ടിലെയാണ്... എന്റെ വിട്ടിൽ സുഖമില്ലാത്ത മാതാപിതാക്കളുണ്ട്, അവരുടെ കാര്യങ്ങൾ നോക്കി നടത്തുന്നതിന്റെ ശ്രമത്തിലാണ് ഞാൻ ഇപ്പോൾ ഉള്ളത്....