മനം നിറക്കാൻ മധുമന്ത്രങ്ങൾ:mantras to fill the mind-237

നമ്മളിൽ പലരും ഭാവിയെപ്പറ്റി നല്ല നല്ല സ്വപ്നങ്ങൾ കാണുന്നവരാണ്, സ്വപ്നം യാഥാർഥ്യമാക്കാൻ കഴിവിന്റെ പരമാവധി ശ്രമിക്കുന്നവരാണ്.

ഏതൊരു പദ്ധതിയുടെയും തുടക്കമെന്നത് ആരുടെയെങ്കിലും മനസ്സിലുണ്ടാകുന്ന ചിന്തയാണ്.

നമ്മൾ ലോകത്തിനുവേണ്ടി നല്ലത് ചെയ്യാൻ ശ്രമിക്കുക. ഒരുപക്ഷെ ലോകത്തിൽ ചെറുതായിട്ടാണെങ്കിലും നല്ലൊരു മാറ്റം നമ്മളിലൂടെ കൊണ്ടുവരാൻ സാധിച്ചെന്നിരിക്കും.

നമ്മൾക്ക് മുന്നോട്ടു നേട്ടങ്ങൾ കൈവരിക്കാൻ കൃത്യമായ പദ്ധതികൾ കണക്ക് കൂട്ടേണ്ടതായിട്ടുണ്ട്.

നമ്മുടെ ഇന്നിന്റെ അവസ്ഥകൾക്ക് മാറ്റം ആവശ്യമാണെന്നുള്ള ഉത്തമ ബോധ്യം നമ്മളിൽ ഉണ്ടാവണം മുന്നോട്ടു നല്ല പദ്ധതികൾ കണ്ടെത്തുവാനായിട്ട്.

നമ്മുടെ പദ്ധതികൾ ഒരുപക്ഷെ എല്ലായ്പോഴും വിജയിച്ചെന്നു വരില്ല എങ്കിൽ പോലും അടുത്ത പദ്ധതിക്കായി പരിശ്രമം തുടരുക. നമ്മുടെ പദ്ധതികൾ എല്ലാം തന്നെ നേരായ മാർഗത്തിൽ ഉള്ളവയായിരിക്കണം, ആരെയും യാതൊരു തരത്തിൽ ബുദ്ധിമുട്ടിക്കുന്നതാവരുത്.

നമ്മുടെയുള്ളിലുള്ള ഭാവിപദ്ധതികൾ എല്ലാം തന്നെ വിജയം കൈവരിക്കാൻ നമ്മുടെ ഭാഗത്തുനിന്നും ആത്മാർത്ഥമായ പരിശ്രമം ഉണ്ടാവട്ടെ.

ഭാവിപദ്ധതികളിലൂടെ വിജയം കൈവരിച്ചുകൊണ്ട് നമ്മൾക്കും, മറ്റുള്ളവർക്കും ഉപകാരപ്രദവും മുന്നോട്ടു കൂടുതൽ പദ്ധതികൾക്ക് ആരംഭം കുറിക്കാൻ പ്രചോദനവുമായി തീരട്ടെ.