മനം നിറക്കാൻ മധുമന്ത്രങ്ങൾ:mantras to fill the mind-295

നമ്മൾക്ക് വിലപ്പെട്ടതായിട്ട് ഈ ലോകത്തു ഒത്തിരി കാര്യങ്ങളുണ്ട്.

ഓരോരുത്തർക്കും അവരുടേതായ വിലപ്പെട്ട കാര്യങ്ങളുണ്ട്.

വിലപ്പെട്ട കാര്യങ്ങൾക്ക് വേണ്ടതുപോലെ പ്രാധാന്യം നൽകേണ്ടതുണ്ട്.

ഇന്നലെകളിൽ വിലപ്പെട്ട പലതും നമ്മളിൽ പലർക്കും ഇന്നിപ്പോൾ വിലപ്പെട്ടതാകണമെന്നില്ല.

ഓരോ കാര്യത്തിനും അതിന്റെതായ വില നൽകാൻ പഠിക്കേണ്ടതുണ്ട്.

സമയത്തിന്റെ വില മനസ്സിലാക്കാൻ കഴിഞ്ഞിരുന്നെങ്കിൽ വിലപ്പെട്ട സമയം പാഴാക്കി കളയില്ലായിരുന്നു.

വിലപ്പെട്ടതെന്താണ്, വിലപ്പെട്ടതല്ലാത്തത് എന്താണെന്ന് തിരിച്ചറിയേണ്ടതുണ്ട്.

വിലപ്പെട്ട കാര്യങ്ങൾക്ക് വേണ്ടി സമയം കണ്ടെത്തി വിനിയോഗിക്കുക. വിലപ്പെട്ട കാര്യങ്ങൾ നഷ്ടപ്പെടുത്താതിരിക്കുക.

ഇന്ന് വിലയില്ലാത്ത പലതിനും സാഹചര്യം നിമിത്തം നാളെകളിൽ വിലയുള്ളതായി ഒരുപക്ഷെ മാറിയേക്കാം.

നമ്മൾക്ക് വിലപ്പെട്ടത് മറ്റുള്ളവർക്ക് ഒരുപക്ഷെ വിലപ്പെട്ടതാകണമെന്നില്ല. നമ്മുടെ വിലപ്പെട്ടതിനു വേണ്ട പ്രാധാന്യം നൽകാൻ നമ്മൾ ഓരോരുത്തർക്കും ശ്രമിക്കാം.

കണ്ണുള്ളപ്പോൾ കണ്ണിന്റെ വില തിരിച്ചറിയുന്നില്ല എന്നു പറയുന്നതുപോലെ നമ്മളുടെ വില ഒരുപക്ഷെ മറ്റുള്ളവർ മനസ്സിലാക്കുക നമ്മുടെ അഭാവത്തിലായിരിക്കും.

നമ്മുടെ വില നഷ്ടപ്പെടുത്താതെ നല്ല പ്രവർത്തികളുമായി മുന്നോട്ടു പോകുവാൻ സാധിക്കട്ടെ.