motivation-43

വേദനകൾ അകലാൻ അതിന്റെതായ സമയമുണ്ട്. നമ്മൾക്കുണ്ടാകുന്ന വേദനകൾ സാഹചര്യം അനുസരിച്ചു വ്യത്യസ്തമാണ്. മറ്റൊരാളുടെ വേദന നമ്മൾക്കോ, നമ്മളുടെ വേദന മറ്റൊരാൾക്കോ പകരത്തിനു പകരമായോ മറ്റേതെങ്കിലും രീതിയിലോ അനുഭവിക്കാൻ കഴിയില്ല.

ഓരോ വേദനയും നമ്മൾക്ക് ഒത്തിരി ദുഃഖങ്ങൾ സമ്മാനിക്കുന്നുണ്ട്. ഇന്ന് അല്ലെങ്കിൽ നാളെകളിൽ നമ്മുടെ വേദനകൾ നമ്മളെ ഒരുപക്ഷെ വിട്ടുപോയേക്കാം അതിനുവേണ്ടത് ക്ഷമയോടെ കാത്തിരിക്കുക, സമയം പാഴാക്കാതെ നല്ല കാര്യങ്ങൾക്കായി പ്രവർത്തിക്കുക എന്നതാണ്.

പുറമെ സന്തോഷവാനും സന്തോഷവതികളുമായി നമ്മളിൽ പലരും മറ്റുള്ളവരോട് പെരുമാറാറുണ്ടെങ്കിലും നമ്മളുടെ വേദനകൾ എത്രത്തോളമാണെന്ന് പലപ്പോഴും മറ്റുള്ളവരെ അറിയിക്കാൻ നമ്മളിൽ പലരും താല്പര്യപ്പെടുന്നില്ല.

നമ്മളുടെ വേദനകൾക്ക് ശ്വാശ്വതമായ പരിഹാരം കണ്ടെത്താൻ കഴിയേണ്ടതുണ്ട്.

നഷ്ടങ്ങളും, പരാജയങ്ങളും, ദുരിതങ്ങളും, ദുരന്തങ്ങളും, രോഗങ്ങളും, ദാരിദ്ര്യവും, സാമ്പത്തിക ബുദ്ധിമുട്ടുകളുമെല്ലാം എല്ലാവർക്കും പല സാഹചര്യത്തിലും വേദനകൾ സൃഷ്ടിച്ചുകൊണ്ട് കടന്നുപോയിട്ടുണ്ട്, അതിനെയെല്ലാം ധിരതയോടെ നേരിടാൻ കഴിഞ്ഞവർക്കൊക്കെ ആ വേദനകളെയൊക്കെ ഒരു പരിധിവരെയെങ്കിലും ഒഴിവാക്കാൻ കഴിഞ്ഞിട്ടുമുണ്ട്.

ഇന്നിന്റെ വേദനകൾ നമ്മൾ ഓരോരുത്തർക്കും വലിയൊരു തിരിച്ചറിവാണ് നൽകുന്നത്. നാളെകളിൽ വേദനകൾ ഉണ്ടാവാതിരിക്കാനുള്ള മുൻകരുതൽ അതിലുടെ നമ്മൾ ഓരോരുത്തരും സ്വീകരിക്കേണ്ടതാണ്.

ഇന്നിന്റെ സുഖങ്ങൾ പലതും നാളെകളിൽ വലിയൊരു ദുഃഖത്തിന് ഒരുപക്ഷെ കാരണമായേക്കാം.വേദനകൾ എല്ലാവർക്കും പല തരത്തിലാണ് അനുഭവപ്പെടുക. നമ്മൾക്കുണ്ടാകുന്ന വേദനകൾ നമ്മൾ തന്നെ സഹിച്ചേ മതിയാകുള്ളൂ.

വേദനകൾക്ക് നടുവിലും നാളെകളെക്കുറിച്ച് പ്രതീക്ഷയോടെ മുന്നേറാൻ നമ്മൾ ഓരോരുത്തർക്കും കഴിയട്ടെ.

ചെയ്യുന്ന കാര്യങ്ങളിൽ അതിവശ്രദ്ധ കൊടുത്താൽ മാത്രമാണ് വേദനകളെ ഒരു പരിധിവരെയെങ്കിലും ഒഴിവാക്കാൻ കഴിയുകയുള്ളു.

ഇന്നെലെകളിലെ വേദനകളിൽ നിന്നും തിരിച്ചറിവുകൾ നേടികൊണ്ട്, വേദന ഉണ്ടാവാനുള്ള സാഹചര്യം ഒഴിവാക്കാനുള്ള മുൻകരുതൽ സ്വീകരിക്കാൻ ഇനിയെങ്കിലും എല്ലാവർക്കും കഴിയട്ടെ.