നേർവഴി സഞ്ചാരങ്ങൾ:Straight Path Journeys-231

നമ്മൾ ഓരോരുത്തർക്കും എന്തെങ്കിലുമൊക്കെ കഴിവുകളുണ്ടാകും. നമ്മളിലെ കഴിവുകളെ വേണ്ട രീതിയിൽ വളർത്തിയെടുക്കേണ്ടത് നമ്മുടെ ഉത്തരവാദിത്തമാണ്.

നമ്മൾ വേണ്ടതുപോലെ പരിശ്രമിച്ചില്ലെങ്കിൽ നമ്മളുടെ കഴിവുകൾ വളർത്താൻ കഴിയില്ല.

നമ്മളുടെ കഴിവുകൾ നമ്മൾക്ക് മാത്രം കിട്ടുന്ന ഒന്നാണ്. നമ്മൾ എത്രത്തോളം നമ്മളുടെ കഴിവുകൾക്ക് പ്രാധാന്യം കൊടുക്കുന്നുവോ അതിനനുസരിച്ചു മാത്രമായിരിക്കും നമ്മൾക്ക് കഴിവുകളെ മികച്ചതാക്കാൻ കഴിയുള്ളു.

കഴിവുകൾ വളർത്തിയെടുക്കാൻ നിരന്തരം പരിശീലനം ചെയ്യേണ്ടതുണ്ട്.

മറ്റുള്ളവരുടെ കഴിവുകൾ കണ്ടുകൊണ്ട്, അവരെപോലെ നമ്മൾക്ക് കഴിവില്ലല്ലോ എന്നോർത്തു വിഷമിക്കാതെ മുന്നോട്ടു പോകാൻ കഴിയണം.

ഏതൊരാൾക്കും അവരുടെ കഴിവിൽ മുൻപന്തിയിൽ എത്താൻ കഴിഞ്ഞിട്ടുണ്ടെങ്കിൽ അതിനുപിന്നിൽ നല്ലതുപോലെ കഠിനാധ്വാനം ഉണ്ടായിട്ടുണ്ട്.

പരിശ്രമിക്കാൻ മടിയുള്ളവർക്കൊന്നും കഴിവുകളെ വേണ്ടതുപോലെ മികച്ചതാക്കാൻ കഴിയില്ല.

എല്ലാവർക്കും കഴിവുകൾ ഒരുപോലെ ഉണ്ടാവില്ല. നമ്മളിലെ കഴിവുകളും കുറവുകളും തിരിച്ചറിയാൻ നമ്മൾ ശ്രമിക്കണം.

നമ്മൾ വളരാൻ ആഗ്രഹിക്കുന്നുവെങ്കിൽ നമ്മളുടെ കഴിവുകളെ വേണ്ടതുപോലെ വളർത്തിയെടുക്കാൻ കഴിയേണ്ടതുണ്ട്.

വേണ്ടപ്പെട്ട കാര്യങ്ങളിൽ കഴിവ് ഉണ്ടായില്ലായെന്ന് പറഞ്ഞുകൊണ്ട് വിഷമിച്ചിരിക്കാതെ നമ്മൾക്കുള്ള കഴിവുകളെ വേണ്ടതുപോലെ വളർത്തിയെടുക്കുക.

പരാജയങ്ങളെയും, പ്രതിസന്ധികളെയും, നഷ്ടങ്ങളെയും, ദുരിതങ്ങളെയുമെല്ലാം നേരിടേണ്ടി വന്നേക്കാം അവിടെയെല്ലാം ആത്മവിശ്വാസത്തോടെ മുന്നോട്ടു പോകുവാൻ സാധിക്കേണ്ടതുണ്ട്.

നമ്മുടെ കഴിവില്ലായ്മയിൽ പലരും നമ്മളെ കുറ്റപ്പെടുത്തിയേക്കാം, കളിയാക്കിയേക്കാം, അപമാനിച്ചേക്കാം അപ്പോഴൊക്കെ തളരാതെ സ്വന്തം കഴിവിൽ വിശ്വസിച്ചുകൊണ്ട് പോരാടാൻ സാധിക്കേണ്ടതുണ്ട്.

നമ്മുടെ കഴിവുകളെ നല്ലതുപോലെ മിനുക്കിയെടുക്കുക, എങ്കിൽ മാത്രമാണ് കിട്ടുന്ന അവസരങ്ങളിലെല്ലാം വേണ്ടതുപോലെ ഉപയോഗപ്പെടുത്താൻ കഴിയുകയുള്ളു.

കഴിവുകൾ വളർത്തിയെടുക്കേണ്ട ചുമതല അവരവർക്കാണ്. ഓരോരുത്തരും നല്ലതുപോലെ കഷ്ടപ്പെട്ടുകൊണ്ടാണ് അവരുടെ കഴിവുകൾ വളർത്തിയെടുക്കുന്നത്.

എത്രത്തോളം കഷ്ടപ്പെടാൻ തയ്യാറാകുന്നുവോ അതിനനുസരിച്ചു മാത്രമായിരിക്കും നമ്മൾക്ക് നേട്ടങ്ങൾ കൈവരിക്കാൻ കഴിയുക.

നെഗറ്റീവ് വാക്കുകൾക്ക് പരിഗണന കൊടുക്കാതെ സ്വന്തം കഴിവുകൾ തിരിച്ചറിയാൻ ശ്രമിക്കണം. നമ്മൾ കഷ്ടപ്പെട്ടാൽ മാത്രമേ നമ്മളിലെ കഴിവുകളെ വേണ്ടതുപോലെ പുറത്തെടുക്കാൻ കഴിയുകയുള്ളു.

മറ്റുള്ളവരുടെ കഴിവുകളുമായി താരതമ്യം ചെയ്യാതിരിക്കുക.ഓരോരുത്തർക്കും വ്യത്യസ്തങ്ങളായ കഴിവുകളാണുള്ളതെന്നു തിരിച്ചറിയുക.

നമ്മുടെ കഴിവുകളെ വേണ്ട രീതിയിൽ വളർത്തികൊണ്ടുവരാനും അതിലുടെ വലിയ നേട്ടങ്ങൾ സ്വന്തമാക്കാനും സാധിക്കട്ടെ.