നേർവഴി സഞ്ചാരങ്ങൾ:Straight Path Journeys-240

ഏതൊരു വിജയത്തിന് പിന്നിലും ഒത്തിരിയേറെ കഷ്ടപ്പാടുകളുണ്ട്. വെറുതെയിരുന്നാൽ ആർക്കും തന്നെ ഒന്നും നേടാൻ കഴിയില്ല. എല്ലാം തികഞ്ഞിട്ട് ചെയ്യാമെന്ന് കരുതിയാൽ ഒരുപാട് സമയം നമ്മൾക്ക് നഷ്ടപ്പെട്ടേക്കാം.

നമ്മുടെ പരിമിതികളിൽ നിന്നുകൊണ്ട് കഴിവിന്റെ പരമാവധി ചെയ്യാൻ ശ്രമിക്കുക, പതിയെ പതിയെ നേട്ടങ്ങൾ സ്വന്തമാക്കികൊണ്ട് മുന്നോട്ടു പോകുക.

നമ്മളെ പ്രോത്സാഹിപ്പിക്കാനോ, സഹായിക്കാനോ ഒരുപക്ഷെ ആരും ഉണ്ടായെന്നു വരില്ല. മുന്നോട്ട് വളർച്ച നേടാൻ അവരവർ തന്നെ നല്ലതുപോലെ പരിശ്രമിച്ചേ മതിയാകുള്ളൂ.

മറ്റുള്ളവരുടെ വളർച്ച കണ്ടു നമ്മൾക്കും അതുപോലെ വളർച്ച കൈവരിക്കാൻ കഴിഞ്ഞില്ലായെന്നോർത്തു ദുഃഖിച്ചിരുന്നാൽ നഷ്ടം നമ്മൾക്ക് മാത്രമാണ്.

കുറ്റപ്പെടുത്തലുകളിൽ, കളിയാക്കലുകളിൽ നമ്മൾ തളർന്നിരുന്നാൽ നഷ്ടം നമ്മൾക്ക് തന്നെയാണ്.

നമ്മൾക്ക് നേരിടേണ്ടി വരുന്ന തോൽവികളിൽ, നഷ്ടങ്ങളിൽ, പ്രതിസന്ധികളിൽ തളരാതെ മുന്നേറാൻ കഴിയേണ്ടതുണ്ട്.

നമ്മളുടെ വളർച്ചക്ക് പിന്നിൽ നമ്മളുടെ കഷ്ടപ്പാടുകളാണ്. കഷ്ടപ്പാടുകൾ നേരിടാൻ തയ്യാറല്ലെങ്കിൽ വളർച്ച കൈവരിക്കാൻ സാധിക്കണമെന്നില്ല.

നല്ല നാളെക്കായി ഇന്നിപ്പോൾ മുതൽ നല്ലതുപോലെ കഷ്ടപ്പെടാൻ തയ്യാറാകുക.

അലസത നമ്മുടെ ജീവിതത്തിൽ നഷ്ടങ്ങളും തോൽവികളുമാണ് എപ്പോഴും സമ്മാനിക്കുക, അലസതയെ എത്ര നേരത്തെ ഒഴിവാക്കുന്നുവോ അത്ര നേരത്തെ വിജയം നേടാൻ ഒരുപക്ഷെ കഴിഞ്ഞേക്കും. 

ഇന്നിന്റെ ആവശ്യങ്ങൾ അല്ല നാളെകളിൽ നമ്മൾക്ക് അഭിമുഖികരിക്കേണ്ടി വരിക. നമ്മളെ നിരാശപ്പെടുത്തുന്ന ചിന്തകളെ പൂർണ്ണമായി ഒഴിവാക്കുക.

നെഗറ്റീവ് മാത്രം പറയുന്നവരിൽ നിന്നും വേണ്ടത്ര അകൽച്ച പാലിക്കുക.

നമ്മൾക്കുണ്ടാകുന്ന ഓരോ പരാജയത്തിൽ നിന്നും പാഠങ്ങൾ ഉൾകൊള്ളാൻ കഴിയേണ്ടതുണ്ട്. നമ്മളുടെ നേട്ടങ്ങൾ നമ്മൾ എത്രത്തോളം പരിശ്രമിക്കുന്നു എന്നതിന്റെ അടിസ്ഥാനത്തിലാണ്.

നമ്മൾ എത്ര അധ്വാനിക്കുന്നുവോ അതിനനുസരിച്ചു മാത്രമായിരിക്കും നമ്മൾക്ക് നേട്ടങ്ങൾ സ്വന്തമാക്കാൻ കഴിയുക.

ഇന്നിന്റെ മോശപ്പെട്ട അവസ്ഥയോർത്ത് ദുഃഖിച്ചിരിക്കാതെ നല്ല നാളെകൾ നമ്മൾക്കുണ്ടാകുമെന്നുള്ള ശുഭപ്രതീക്ഷയിൽ നേട്ടങ്ങൾക്കായി നല്ലതുപോലെ പരിശ്രമിക്കാൻ കഴിയട്ടെ.

സ്വന്തം കഴിവിൽ വിശ്വസിച്ചുകൊണ്ട് നേട്ടങ്ങൾക്കായി നല്ലതുപോലെ കഷ്ടപ്പെടാൻ നമ്മൾ ഓരോരുത്തർക്കും കഴിയട്ടെ.

നമ്മുടെ സമയത്തിന് വില നൽകാൻ പഠിക്കുക. സമയം വെറുതെ നഷ്ടപ്പെടുത്തി കളയാതിരിക്കുക.

നമ്മളിൽ നല്ല മാറ്റങ്ങൾ ഉണ്ടാവണമെങ്കിൽ നമ്മുടെ ഭാഗത്ത്‌ നിന്നും നല്ലതുപോലെ അധ്വാനം ഉണ്ടായേ തിരുള്ളൂ.

വിജയം നേടുവാനായി തെറ്റുകൾ ആവർത്തിക്കാതിരിക്കാനും, തെറ്റുകൾക്ക് പിന്നാലെ പോകാതിരിക്കാനും വളരെയേറെ ശ്രദ്ധിക്കേണ്ടിയിരിക്കുന്നു.

നമ്മളുടെ ജീവിതത്തിൽ എന്തെങ്കിലും തരത്തിൽ ഉയർച്ച ഉണ്ടാവണമെങ്കിൽ നമ്മൾ അത്രത്തോളം പരിശ്രമിക്കേണ്ടിയിരിക്കുന്നു.

മറ്റുള്ളവരെപോലെ കഴിവോ, നല്ല സാഹചര്യങ്ങളോ ഒന്നും തന്നെ നമ്മൾക്ക് ഇല്ലെങ്കിൽ പോലും അതേകുറിച്ച് ആലോചിച്ചു നിരാശപ്പെട്ടിരിക്കാതെ നമ്മളുടെ കഴിവുകൾ തിരിച്ചറിഞ്ഞുകൊണ്ട് മുന്നേറാൻ സാധിക്കേണ്ടതുണ്ട്.

നമ്മൾ കഷ്ടപ്പെട്ടാൽ മാത്രമാണ് നമ്മൾക്ക് വളരാൻ കഴിയുള്ളുവെന്ന ചിന്ത നമ്മളിൽ ഉണ്ടാവട്ടെ.

നല്ല നാളെക്കായി ഇന്നിന്റെ വിലപ്പെട്ട സമയങ്ങളെ വേണ്ടതുപോലെ ഉപയോഗിക്കാൻ നമ്മൾ ഓരോരുത്തർക്കും കഴിയട്ടെ.