SPECIAL PERSON(വ്യത്യസ്തനായ വ്യക്തി)13-GEETHU SURESH

എന്റെ പേര് ഗീതു സുരേഷ്. ഞാൻ ആലപ്പുഴ ജില്ലയിൽ കായംകുളത്താണ് താമസിക്കുന്നത്. ഞാനിപ്പോൾ വരയ്ക്കാൻ തുടങ്ങിയിട്ട് 4 വർഷത്തിൽ കൂടുതലായി. പത്താം ക്ലാസ്സിനു ശേഷം വര ഒന്നും ഉണ്ടായിരുന്നില്ല. പിന്നീട് ഫാഷൻ ഡിസൈനിങ് പഠിക്കാൻ പോയി അവിടെ നിന്നുമാണ് പീന്നീട് വരയിലോട്ട് മാറിയത്.

വരയ്ക്കാൻ തുടങ്ങിയതിനുശേഷം ഒരുപാട് പേരോട് വരയ്ക്കുന്നതിനെ കുറിച്ചു ചോദിച്ചിട്ടുണ്ട്, ആരും പറഞ്ഞൊന്നും തന്നിട്ടില്ല. അപ്പോൾ സ്വന്തമായി എന്റേതായ രീതിയിലാണ് ഞാൻ വരച്ചു തുടങ്ങിയതും. ഇപ്പോൾ വര മുൻപോട്ട് കൊണ്ടുപോകുന്നതും എന്റേതായ രീതിയിലാണ്.

രണ്ടു മുന്ന് വർഷം വരച്ചു കഴിഞ്ഞപ്പോൾ എനിക്ക് ചുവരിൽ വരയ്ക്കാൻ ആഗ്രഹം തോന്നി, ഞാൻ വാടക വീട്ടിൽ താമസിക്കുന്നതുകൊണ്ട് എനിക്ക് വരയ്ക്കാൻ അനുവാദം ലഭിച്ചില്ല, പിന്നീട് അടുത്തുള്ള വീട്ടുകാരോട് അനുവാദം ചോദിച്ചു അവരുടെ വീടിന്റെ ഭിത്തിയിൽ സൗജന്യമായി വരച്ചു, അതിനുശേഷമാണ് എന്നേ കുറിച്ചു വിവിധ മാധ്യമങ്ങളിൽ വാർത്ത വന്നുതുടങ്ങിയത്.48 സ്ക്വയർ ഫീറ്റിൽ 8 ദിവസം എടുത്തു പൂർത്തിയാക്കിയ ചിത്രമായിരുന്നു.

പിന്നീട് വലിയ ഒരു പെയിന്റിംഗ് ചെയ്യാനുള്ള ആഗ്രഹം കൊണ്ടു 9 അടിയിൽ ചെറിയ അളവിലുള്ള ക്യാൻവാസുകൾ തമ്മിൽ സ്വയം തുന്നി ചേർത്തുകൊണ്ടു 32 മണിക്കൂർ എടുത്തു വരച്ചു തീർത്തു, ഒരുപാട് സമയം എടുക്കുമെന്ന് വിചാരിച്ചിരുന്നതാണ്. ആ പെയിന്റിംഗിന് Asia book of records, International book of records എന്നിവ കിട്ടി. അതിനു ശേഷം എന്നേകുറിച്ചു  വിവിധ മാധ്യമങ്ങളിൽ വാർത്ത വന്നു.

സിനിമ നടി മഞ്ജുവാര്യരുടെ പടം വരച്ചതുകണ്ടു, എനിക്ക് വരച്ച ഫോട്ടോ നല്ലതാണെന്നു പറഞ്ഞത് വളരെയേറെ സന്തോഷം കിട്ടിയ നിമിഷങ്ങളായിരുന്നു.

പിന്നിട് കുറെയേറെ ക്യാമ്പുകളിലും എക്സിബിഷൻ സെന്ററുകളിലും പങ്കെടുത്തു.2022ൽ ആലപ്പുഴ ലളിത കലാ അക്കാദമിയിൽ വെച്ചുകൊണ്ട് സോളോ ചിത്രപ്രദർശനം നടത്തി.അന്നത്തെ കളക്ടർ ആയിരുന്ന കൃഷ്ണതേജസ്‌ സർ ആയിരുന്നു പ്രദർശനം ഉത്ഘാടനം ചെയ്തത്. സാറിന്റെ ചിത്രം വരച്ചുകൊടുക്കാൻ കഴിഞ്ഞു, സർ അതിനെപ്പറ്റി ഫേസ്ബുക് പേജിൽ പങ്കുവെക്കുകയും ചെയ്തു.

ഒരുപാട് ഭാഗ്യം പെയിന്റിംഗ് രംഗത്തേക്ക് വന്നതിനു ശേഷം ലഭിച്ചിട്ടുണ്ട്. കവടിയാർ പാലസിൽ പോകാൻ പറ്റി, ശ്രേഷ്ഠനായ ആദിത്യ വർമ്മ വ്യക്തിയുമായി സംസാരിക്കാൻ സാധിച്ചു.

ഇത്രയൊക്കെ ചെയ്തിട്ടും ആരും എന്നേ തിരിച്ചറിയുന്നില്ല എന്നതാണ് ഇപ്പോഴുള്ള വിഷമം. ഒരുപാട് പേർ അറിയുന്ന  വലിയൊരു കലാകാരി ആകണം എന്നാണ് എന്റെ വലിയ സ്വപ്നം.

2022 ഡിസംബർ മാസത്തിൽ 30-മത്തെ തിയതിൽ 2022 ലെ അവസാനത്തെ വർക്ക്‌ എന്ന് പറഞ്ഞു കൊണ്ടു എന്റെ പെയിന്റിംഗ് ഞാൻ ഫേസ്ബുക്ക്‌ പ്രൊഫൈലിൽ പോസ്റ്റ്‌ ചെയ്തിരുന്നു, അതുകണ്ടുകൊണ്ട് 2023 ജനുവരിയിൽ വിദേശ പൗരൻ എന്റെ പെയിന്റിംഗ് വാങ്ങിച്ചു. ഇന്ത്യക്കാരൻ അല്ലാത്തൊരാൾ എന്റെ പെയിന്റിംഗ് വാങ്ങിച്ചത് വലിയൊരു അനുഭവം തന്നെയായിരുന്നു.

എനിക്ക് നിങ്ങളോട് പറയാനുള്ളത് എനിക്ക് എന്റെ ജീവിതത്തിൽ ഒരുപാട് തിരസ്കാരങ്ങൾ ലഭിച്ചിട്ടുണ്ട്, ഇപ്പോഴും നേരിടേണ്ടി വന്നിട്ടുണ്ട്. ആരും നമ്മളെ സപ്പോർട്ട് ചെയ്യണം എന്നില്ല. ആരും ഒരുപക്ഷെ സപ്പോർട്ട് ചെയ്യത്തില്ല. നമ്മൾ വീട്ടിൽ ഇരുന്നിട്ട് എന്നേ ഇപ്പോൾ സപ്പോർട്ട് ചെയ്യാൻ ആളുകൾ വരുമെന്ന് പറഞ്ഞാൽ ആരും വരത്തില്ല. നമ്മൾ പരമാവധി കഷ്ടപ്പെടുക, നമ്മളെ തന്നെ പ്രൊമോട്ട് ചെയ്യുക. എന്നാൽ മാത്രമാണ് നമുക്ക് പുറത്തു വരാൻ പറ്റുക.

അതുപോലെ പുതുതായി വരച്ചു തുടങ്ങുന്ന ഒരാളോട് പറയാൻ ഉള്ളത് സ്വയം ടീച്ചർ ആവുക എന്നതാണ്. നിങ്ങൾ നിങ്ങൾക്കുതന്നെ ടീച്ചർ ആവുക. വരയ്ക്കുക തെറ്റും, പിന്നെയും വരയ്ക്കുക, തെറ്റുകൾ കണ്ടുപിടിച്ചു സ്വയം തിരുത്തുക, പിന്നെയും വരയ്ക്കുക, ഇത് തന്നെയാണ് ഞാൻ ചെയ്യുന്നത്. ഞാൻ ഒരുപാട് പേരോട് പഠിപ്പിച്ചു തരുമോ എന്നു ചോദിച്ചു, പക്ഷെ എനിക്ക് ആരും പഠിപ്പിച്ചു തന്നില്ല, എന്നിട്ടും ഞാൻ എന്റെ നിരന്തരമായിട്ടുള്ള കഠിന പരിശ്രമത്തിലൂടെ നേട്ടങ്ങൾ സ്വന്തമാക്കാൻ കഴിഞ്ഞു. ഇതുപോലെ നിങ്ങളും പരിശ്രമിച്ചു കൂടുതൽ നേട്ടങ്ങൾ സ്വന്തമാക്കാൻ കഴിയട്ടെ.

ഫോൺ നമ്പർ -9895933582