SPECIAL PERSON(വ്യത്യസ്തനായ വ്യക്തി)18-KALADY S MURALEEDHARAN

എന്റെ പേര് കാലടി എസ് മുരളീധരൻ, എറണാകുളം ജില്ലയിൽ കാലടിക്ക് അടുത്തുള്ള മറ്റൂരിൽ താമസിക്കുന്നു. വീട്ടിൽ ഭാര്യ, രണ്ടു മക്കൾ എന്നിവരാണുള്ളത്.13-ാമത്തെ വയസ്സുമുതൽ നാളിതുവരെയായി 45 വർഷത്തിലേറേക്കാലമായി ഗ്രന്ഥശാലാപ്രവർത്തന രംഗത്തുണ്ട്.

തിരുവനന്തപുരം സ്റ്റേറ്റ് സെൻട്രൽ ലൈബ്രറിയിൽ നിന്നും ഗ്രന്ഥാലയശാസ്ത്രത്തിൽ സർട്ടിഫിക്കറ്റ് നേടി.

ഗ്രാമീണലൈബ്രറി, പഞ്ചായത്ത് ലൈബ്രറി, മുനിസിപ്പൽ ലൈബ്രറി, കോളേജ് ലൈബ്രറി, പോളിടെക്‌നിക് ലൈബ്രറി, ഡയറ്റ് ലൈബ്രറി തുടങ്ങിയ ലൈബ്രറികളിൽ വിവിധ തലത്തിൽ സേവനം അനുഷ്ഠിച്ചിട്ടുണ്ട്.തൃശൂർ ഗവണ്മെന്റ് ലോ കോളേജിൽ നിന്നും ലൈബ്രേറിയൻ ആയി 2020 ജനുവരി 31ന് ഗവൺമെന്റ് സർവീസിൽ നിന്നും വിരമിച്ചു.

അഞ്ഞൂറിലേറെ ഒറിഗാമി ശില്പശാലകൾക്ക് നേതൃത്വം നൽകിയിട്ടുണ്ട്. ഒരു ലക്ഷത്തിലേറെ പുസ്തകങ്ങൾ അക്സഷൻ രജിസ്റ്ററിൽ എഴുതിച്ചേർത്തിട്ടുണ്ട്. ഇന്ത്യയിലെ ഏറ്റവും പ്രസിദ്ധമായ ലൈബ്രറികൾ സന്ദർശിച്ചു പഠനം നടത്തിയിട്ടുണ്ട്.

കണ്ണൂരിൽ നടന്ന ഇന്ത്യൻ ലൈബ്രറി കോൺഗ്രസിൽ പങ്കെടുത്തു പ്രബന്ധം അവതരിപ്പിച്ചിട്ടുണ്ട്.

ആകാശവാണി കൊച്ചി എഫ് എം നിലയത്തിൽ സുഭാഷിതം അവതരിപ്പിച്ചിട്ടുണ്ട്.

1947 ൽ സ്ഥാപിതമായ കാലടി എസ്.എൻ.ഡി.പി വായനശാലയുടെ നേതൃത്വത്തിൽ ബുധസംഗമം 15 വർഷകാലമായി 780 ആഴ്ചകളിലായി എല്ലാ ബുധനാഴ്ചയും വൈകുന്നേരം 6 മണിക്ക് നടത്തിവരുന്നു.

ബുധസംഗമം പ്രതിവാര സാംസ്കാരിക കൂട്ടായ്‌മയുടെ മികച്ച സംഘാടനത്തിന് കേരള പ്രവാസി സംഘത്തിന്റെ ആദരവ് 2014 വർഷത്തിൽ ലഭിച്ചു.

മികച്ച ഗ്രന്ഥശാലാപ്രവർത്തനത്തിന് കാലടി ഗ്രാമപഞ്ചായത്തിന്റെ പ്രതിഭാപുരസ്‌കാരം 2015 വർഷത്തിൽ ലഭിച്ചു.

മികച്ച സാമൂഹ്യപ്രവർത്തനത്തിന് കേരള ഗവൺമെന്റ് സാംസ്കാരിക വകുപ്പിന്റെ കീഴിലുള്ള മാവേലിക്കര നരേന്ദ്രപ്രസാദ് സ്മാരക പഠനകേന്ദ്രത്തിന്റെ പുരസ്‌കാരം 2015 വർഷത്തിൽ ലഭിച്ചു.