നേർവഴി സഞ്ചാരങ്ങൾ:Straight Path Journeys-160

സമയം നമ്മൾക്കായി ഒരിക്കലും കാത്തിരിപ്പില്ല. സമയം വേണ്ട വിധത്തിൽ ഉപയോഗിച്ചില്ലെങ്കിൽ നഷ്ടങ്ങൾ ഉണ്ടാവുക അവരവർക്കാണ്.

സമയം നഷ്ടപ്പെടുത്തിയിട്ട് ദുഃഖിച്ചിരിക്കുന്നതിൽ അർത്ഥമില്ല.

സമയം വളരെയേറെ വിലപ്പെട്ടതാണ്. സമയത്തെ വേണ്ട വിധത്തിൽ ഉപയോഗിക്കാൻ പഠിക്കേണ്ടതുണ്ട്.

ഇന്നലെകളിൽ നമ്മൾക്ക് പറ്റിയ തെറ്റുകൾ തിരുത്താനുള്ള സമയമാണ് ഇന്നിപ്പോൾ നമ്മുടെ മുന്നിലുള്ളത്. ഈ സമയം ഇന്നലെകളിലെ പരാജയങ്ങളെപ്പറ്റി, നഷ്ടപ്പെട്ടതിനെപ്പറ്റി ആലോചിച്ചു നിരാശപ്പെട്ടിരുന്നാൽ ഉള്ള സമയം കൂടിയാണ് നഷ്ടപ്പെടുക.

സമയം പാഴാക്കി കളയാനുള്ളതല്ല എന്നുള്ള തിരിച്ചറിവ് നേടാൻ നമ്മൾ ഓരോരുത്തർക്കും കഴിയണം.

ആർക്കാർക്കും ഉപകാരമില്ലാത്ത പ്രവർത്തികളിൽ നിന്നും വിട്ടുനിൽക്കാൻ വളരെയേറെ ശ്രദ്ധിക്കണം.

ഓരോ കാര്യവും മനസ്സിലാക്കാൻ നിശ്ചിത കാലം ആവശ്യമാണ്. ക്ഷമയോടെ പ്രവർത്തിച്ചാൽ മാത്രമേ പല കാര്യങ്ങളും നേടാൻ കഴിയുകയുള്ളു.

സമയം കൃത്യമായി ഉപയോഗിക്കാൻ ആവശ്യമായ തയ്യാറെടുപ്പുകൾ നടത്തേണ്ടതുണ്ട്.

സമയത്തിന്റെ വില മനസ്സിലാക്കിയാൽ സമയത്തെ വേണ്ട രീതിയിൽ ഉപയോഗിക്കാൻ ശ്രമിക്കും.

സമയം നമ്മുടെ ജീവിതത്തിൽ വളരെ പ്രധാനപ്പെട്ടതാണ്. മുന്നോട്ടുള്ള ഓരോ നിമിഷവും നമ്മുടെ ആയുസ്സിന്റെ ദൈർഘ്യം കുറഞ്ഞു വരികയാണ്.

ഈ ലോകത്തുള്ള നമ്മുടെ ജീവിതം വളരെ കുറവാണ്. നമ്മുടെ ഭാഗത്തു നിന്നുള്ള ഓരോ പ്രവർത്തികളും സമൂഹത്തിന് ഉപകാരമുള്ളതാകണം.

സമയങ്ങൾ വളരെ പെട്ടെന്നാണ് കടന്നുപോയികൊണ്ടിരിക്കുന്നത്. ഇന്ന് ചെയ്യാനുള്ളത് ഇന്ന് തന്നെ ചെയ്യാൻ ശ്രമിക്കുക. ഇന്ന് ചെയ്യേണ്ട കാര്യങ്ങൾ നാളെക്കായി മാറ്റിവെച്ചാൽ നമ്മൾക്ക് തന്നെയാണ് അതിന്റെതായ നഷ്ടം ഉണ്ടാവുക.

അനാവശ്യ കാര്യങ്ങൾക്കായി നമ്മുടെ വിലപ്പെട്ട സമയം ഉപയോഗിക്കാതിരിക്കുക. നമ്മുടെ ഓരോ പ്രവർത്തികളും നമ്മുടെ ഉയർച്ചക്ക് വേണ്ടിയുള്ളതാവട്ടെ.

സമയം വേണ്ട വിധത്തിൽ ഉപയോഗിക്കാൻ ഇനിയുള്ള കാലം കഴിയട്ടെ.