നേർവഴി സഞ്ചാരങ്ങൾ:Straight Path Journeys-205

നമ്മൾ ഓരോരുത്തർക്കും ഓരോരോ സാഹചര്യങ്ങളിലൂടെ കടന്നുപോകേണ്ടതായിട്ട് വന്നേക്കാം.

ഇന്ന് ചെയ്യേണ്ട കാര്യങ്ങൾ ഇന്നുതന്നെ ചെയ്യാൻ നമ്മൾ ഓരോരുത്തരും വളരെയേറെ ശ്രദ്ധിക്കണം.

നല്ല സാഹചര്യം എപ്പോഴും നമ്മൾക്ക് ഉണ്ടാവണമെന്നില്ല.

നല്ല സാഹചര്യം വരുന്നതുവരെ നല്ല പ്രവർത്തനങ്ങളുമായി ക്ഷമയോടെ കാത്തിരിക്കേണ്ടതായിട്ട് വരും.

നമ്മൾക്കു മുന്നിലുള്ള എല്ലാ സാഹചര്യങ്ങളെയും വേണ്ട വിധത്തിൽ നേരിടാൻ കഴിഞ്ഞെന്നു വരില്ല.

നല്ല സാഹചര്യത്തിൽ നിന്നും മോശം സാഹചര്യത്തിലേക്കും, മോശം സാഹചര്യത്തിൽ നിന്നും നല്ല സാഹചര്യത്തിലേക്കും എപ്പോൾ വേണമെങ്കിലും മാറ്റങ്ങൾ സംഭവിക്കാം.

സാഹചര്യം അനുസരിച്ചു ഓരോ കാര്യങ്ങളും ചെയ്യേണ്ടതായിട്ടുണ്ട്.

സാഹചര്യങ്ങളെ ശരിയായ വിധത്തിൽ നേരിടാൻ ശരി തെറ്റുകൾ തിരിച്ചറിയാനുള്ള ശ്രമങ്ങൾ ആവശ്യമാണ്. 

മറ്റുള്ളവർ നമ്മളോട് മോശമായി പെരുമാറി എന്നുകരുതി നമ്മളും അവരോട് അതേ രീതിയിൽ പെരുമാറാൻ നിന്നാൽ മോശം സാഹചര്യം മാത്രമായിരിക്കും ഒരുപക്ഷെ ഉണ്ടാവുക, അപ്പോഴൊക്കെ വേണ്ട വിധത്തിൽ പരിഹരിക്കാനുള്ള ശ്രമങ്ങളാണ് ഉണ്ടാവേണ്ടത്, ആവശ്യമെങ്കിൽ നിയമസഹായം തേടണം.

എത്ര നല്ല സാഹചര്യത്തിലാണെങ്കിലും തെറ്റുകൾക്ക് പിന്നാലെ പോയാൽ നല്ല സാഹചര്യം നമ്മൾക്ക് വളരെ പെട്ടെന്ന് തന്നെ നഷ്ടപ്പെട്ടേക്കാം.

തെറ്റുകളിൽ തുടർന്നുകൊണ്ടിരുന്നാൽ ഒരിക്കലും നല്ല സാഹചര്യം നമ്മൾക്ക് നേടിയെടുക്കാൻ കഴിയില്ല.

നല്ല സാഹചര്യത്തിൽ ജനിക്കാൻ കഴിയാത്തത് നമ്മുടെ തെറ്റല്ല.നല്ല സാഹചര്യത്തിനുവേണ്ടി പ്രവർത്തിക്കാതിരിക്കുന്നതാണ് തെറ്റ്.

മോശപ്പെട്ട സാഹചര്യത്തിൽ നിന്നും എപ്പോഴും അകലാൻ ശ്രമിക്കുക.

ശരിയായ അറിവില്ലായ്മയാണ് നല്ല സാഹചര്യത്തിലേക്ക് പലപ്പോഴും നമ്മളിൽ പലർക്കും എത്തിപ്പെടാൻ സാധിക്കാത്തതിന് കാരണം.

നാളത്തെ സാഹചര്യം എന്തായിരിക്കുമെന്ന് ആർക്കും മുൻകൂട്ടി പറയാൻ കഴിഞ്ഞെന്ന് വരില്ല.

അലസതയെ വിട്ടു ഉപേക്ഷിക്കാൻ തയ്യാറായെങ്കിൽ മാത്രമാണ് നമ്മൾക്ക് നല്ല സാഹചര്യം ലഭിക്കുകയുള്ളു.

സാഹചര്യം അനുസരിച്ചു പ്രവർത്തിച്ചാൽ മാത്രമാണ് മുന്നോട്ടുള്ള ഓരോ പ്രവർത്തനങ്ങളും നല്ല രീതിയിൽ മുന്നോട്ടു കൊണ്ടുപോകുവാൻ കഴിയുകയുള്ളു.

ഇന്നിന്റെ സാഹചര്യം അനുസരിച്ചു പ്രവർത്തിച്ചില്ലെങ്കിൽ നാളെകളിൽ ഒരുപക്ഷെ സങ്കടപ്പെടേണ്ടി വന്നേക്കാം.

എല്ലാം ലഭിച്ചിട്ട് മാത്രം മുന്നോട്ടു പോകാമെന്നു കരുതിയാൽ നമ്മൾക്ക് ഉണ്ടാവുന്ന നഷ്ടങ്ങൾ ഒരുപക്ഷെ വളരെ വലുതായിരിക്കും.

ഇപ്പോഴുള്ള സാഹചര്യം പരിമിതമാണെങ്കിലും ആ സാഹചര്യത്തിൽ നിന്നുകൊണ്ട് തന്നെ കഴിവിന് അനുസരിച്ചു നല്ലതുപോലെ പ്രവർത്തിക്കുക.

ഇന്നിപ്പോൾ മോശം അവസ്ഥയിലാണെന്ന് കരുതി എല്ലാ കാലവും അങ്ങനെ ആവണമെന്നില്ല.

കാലങ്ങൾ മാറുന്നത് അനുസരിച്ചു ആവശ്യമായ മാറ്റങ്ങൾ നമ്മൾക്കു ചുറ്റിലും ഉണ്ടാവും.

നമ്മുടെ മോശം സാഹചര്യത്തിൽ നമ്മളെ ഒറ്റപ്പെടുത്താനും, കുറ്റപ്പെടുത്താനും ആളുകൾ കണ്ടേക്കാം, അവിടെയെല്ലാം തളരാതെ പൊരുതികൊണ്ടിരിക്കണം.

സാഹചര്യം അനുസരിച്ചു ഉചിതമായ രീതിയിൽ പ്രവർത്തിക്കാൻ നമ്മൾ ഓരോരുത്തർക്കും കഴിയട്ടെ.