നേർവഴി സഞ്ചാരങ്ങൾ:Straight Path Journeys-210

എല്ലാവരും ഓരോരോ ജീവിതസാഹചര്യത്തിലൂടെയാണ് കടന്നുപോകുന്നത്.

എല്ലായ്‌പോഴും നല്ല സാഹചര്യം മാത്രമായിരിക്കില്ല നമ്മൾക്കുണ്ടാവുക. മോശം സാഹചര്യത്തിലൂടെയൊക്കെ ഒരുപക്ഷെ കടന്നുപോകേണ്ടി വന്നേക്കാം.

എല്ലാവർക്കും നല്ല ജീവിതസാഹചര്യത്തിലൂടെ മാത്രം എല്ലായ്‌പോഴും കടന്നുപോകാൻ കഴിഞ്ഞെന്നു വരില്ലല്ലോ.

നല്ലതുപോലെ കഷ്ടപ്പെട്ടെങ്കിൽ മാത്രമേ എന്തെങ്കിലും നേടിയെടുക്കാൻ കഴിയുകയുള്ളു.

നാളെ കഷ്ടപ്പെടാം എന്നു കരുതി ഇന്ന് ചെയ്യേണ്ട കാര്യങ്ങൾ നാളെക്കായി മാറ്റിവെച്ചാൽ നഷ്ടങ്ങൾ നമ്മൾക്കായിരിക്കും ഉണ്ടാവുക.

നമ്മളുടെ ഇന്നിന്റെ പ്രവർത്തികളാണ് നാളെകളിൽ മോശം സാഹചര്യത്തിലൂടെയോ, നല്ല സാഹചര്യത്തിലൂടെയാണോ കടന്നുപോകേണ്ടതെന്ന് തീരുമാനിക്കുക.

നമ്മൾ ഒന്നും ചെയ്യാനില്ലാതെ അലസമായിരുന്ന് സമയം പാഴാക്കിയാൽ നാളെകളിൽ മോശം സാഹചര്യത്തെ ഒരുപക്ഷെ നേരിടേണ്ടി വന്നേക്കാം.

ഇന്നിപ്പോൾ നല്ല ജീവിതസാഹചര്യത്തിലൂടെ കടന്നുപോകുന്നവർക്കൊക്കെ ഒരുപക്ഷെ ഇന്നലെകളിൽ മോശം സാഹചര്യത്തെയൊക്കെ നേരിടേണ്ടി വന്നിട്ടുണ്ടാവാം.

ഇന്നലെകളിലെ മോശം സാഹചര്യങ്ങളിൽ തളരാതെ പ്രതീക്ഷയോടെ മുന്നേറിയതുകൊണ്ടാണ് നമ്മളിൽ പലർക്കും ഇന്നിപ്പോൾ നേട്ടങ്ങൾ സ്വന്തമാക്കാൻ കഴിഞ്ഞിട്ടുള്ളത്.

നല്ലതുപോലെ അധ്വാനിക്കാനുള്ള മനസ്സ് നമ്മൾക്കുണ്ടെങ്കിൽ മാത്രമേ എപ്പോഴായാലും നേട്ടങ്ങൾ നേടാൻ കഴിയുകയുള്ളു.

നമ്മുടെ ജീവിതസാഹചര്യം നല്ല നിലയിലെത്തിക്കേണ്ടത് നമ്മുടെ മാത്രം ഉത്തരവാദിത്തമാണ്.

പണം ഇല്ലാത്ത അവസ്ഥകൾ, ആരോഗ്യം ഇല്ലാത്ത അവസ്ഥകൾ, സഹായിക്കാൻ ആരുമില്ലാത്ത അവസ്ഥകൾ നമ്മളെ നിരാശപ്പെടുത്തിയേക്കാം.

നമ്മുടെ മോശപ്പെട്ട സാഹചര്യം മനസ്സിലാക്കികൊണ്ടു നേട്ടങ്ങൾക്കുവേണ്ടി ഉണർന്നു പ്രവർത്തിക്കാൻ ഇനിയെങ്കിലും കഴിയേണ്ടതുണ്ട്.

നമ്മൾക്കുണ്ടാകുന്ന ബുദ്ധിമുട്ടുകളെ അതിജീവിക്കാനുള്ള ശ്രമങ്ങൾ നമ്മുടെ ഭാഗത്തുനിന്നും ഉണ്ടാവണം.

ഇന്നലെകളിലെ നഷ്ടങ്ങളെയും പരാജയങ്ങളെയും അതിജീവിക്കാൻ നമ്മൾ ഓരോരുത്തർക്കും കഴിയേണ്ടതുണ്ട്.

നല്ല സാഹചര്യത്തിലൂടെ മാത്രം എത്ര കാലം മുന്നോട്ടു പോകുവാൻ കഴിയുമെന്ന് ആർക്കും ഉറപ്പ് പറയാൻ കഴിയില്ല.

ദുഃഖങ്ങളും സന്തോഷങ്ങളും നഷ്ടങ്ങളും ലാഭങ്ങളുമെല്ലാം ജീവിതത്തിന്റെ ഭാഗം തന്നെയാണ്.

ജീവിതസാഹചര്യം എല്ലായ്പോഴും എളുപ്പം ആവണമെന്നില്ലായെന്നുള്ള യാഥാർഥ്യം തിരിച്ചറിയാൻ നമ്മൾ ഓരോരുത്തർക്കും ഇനിയെങ്കിലും കഴിയട്ടെ.