നേർവഴി സഞ്ചാരങ്ങൾ:Straight Path Journeys-46

 തളർച്ചകൾ പല കാരണങ്ങൾ കൊണ്ടും നമ്മൾക്ക് ഉണ്ടായേക്കാം. തളരാതെ പരിശ്രമിക്കാൻ കഴിഞ്ഞെങ്കിൽ മാത്രമേ വിജയം നേടിയെടുക്കാൻ കഴിയുകയുള്ളു.

ഓരോ വ്യക്തികൾക്കും അവരുടേതായ കാരണങ്ങൾ കാണും പരാജയപ്പെടാനും, തളരാനും.

വിജയത്തിനായുള്ള പരിശ്രമങ്ങൾക്കിടയിൽ പരാജയപ്പെടാനുള്ള സാധ്യതകൾ ഒത്തിരിയേറെ കടന്നുവന്നേക്കാം.

നഷ്ടങ്ങൾക്കും, പ്രതിസന്ധികൾക്കും, തോൽവികൾക്കുമിടയിൽ തളരാതെ മുന്നേറുക എല്ലായ്പോഴും അത്ര എളുപ്പമല്ല.

ഇന്നലെകളിലെ വേദനകളെയും, നഷ്ടങ്ങളെയും, പരാജയങ്ങളെയുംപറ്റി ആലോചിച്ചുകൊണ്ട് നിരാശയിൽ കഴിഞ്ഞാൽ മുന്നോട്ടുള്ള നാളുകളിൽ തളരാനുള്ള സാധ്യത വളരെ കൂടുതലാണ്.

നമ്മൾ തളർന്നിരുന്നാൽ നഷ്ടങ്ങൾ മറ്റാരെയുംകാൾ നമ്മൾക്ക് തന്നെയായിരിക്കുമെന്നത് മറക്കാതിരിക്കുക.

നമ്മൾ ഓരോരുത്തർക്കും തളർന്നിരിക്കാൻ നിരവധി കാരണങ്ങൾ കണ്ടേക്കാം, പക്ഷെ എങ്കിൽ തളരാതെ നല്ല ലക്ഷ്യങ്ങൾക്കായി ഉണർന്നു പ്രവർത്തിക്കാൻ നമ്മൾ മുന്നിട്ടിറങ്ങിയാൽ മാത്രമാണ് വിജയം നമ്മളെ തേടിയെത്തുകയുള്ളു.

ഇനിയുള്ള നാളുകളിൽ സമയം പാഴാക്കി കളയാതെ, തളരാതെ നോക്കേണ്ടത് നമ്മുടെ ഓരോരുത്തരുടെയും ഉത്തരവാദിത്തമാണ്. ഓരോ പ്രശ്‌നവും നമ്മളെ വളരെയേറെ തളർത്തിയേക്കാം അവിടെയെല്ലാം ക്ഷമയോടെ ശരിയായ വിധത്തിലുള്ള പരിഹാരം കണ്ടെത്തികൊണ്ട് മുന്നോട്ടു പോകുവാൻ നമ്മൾക്ക് കഴിയേണ്ടതുണ്ട്.

നമ്മൾക്ക് നേരിടേണ്ടി വരുന്ന ഓരോ തളർച്ചകളും നമ്മളെ ഓരോരുത്തരെയും വളരെയധികം സ്വാധിനിച്ചുവെന്നു വരാം. ഓരോ തളർച്ചക്കും പിന്നിലുള്ള കാരണങ്ങളെ ശരിയായ വിധത്തിൽ കണ്ടെത്തി പരിഹരിക്കാൻ ശ്രമിക്കേണ്ടതുണ്ട്.

തളരാതെ മുന്നേറുകയെന്നത് അത്ര എളുപ്പമല്ല എല്ലാ സാഹചര്യത്തിലും, എങ്കിൽ പോലും നമ്മൾ ഓരോരുത്തരും നേട്ടങ്ങൾക്കായി നല്ലതുപോലെ പരിശ്രമിക്കാൻ തയ്യാറാവുക.

പരാജയപ്പെടാനും, തളരാനുമുള്ള സാധ്യതകൾ നമ്മുടെ ഓരോരുത്തരുടെയും മുൻപിൽ ഇഷ്ടം പോലെ ഉണ്ടെങ്കിൽ കൂടിയും വിജയം കൈവരിക്കണമെന്ന വാശിയോടെ നേട്ടങ്ങൾക്കായി സമയം പാഴാക്കി കളയാതെ പരിശ്രമിക്കാൻ ഇനിയുള്ള നാളുകളിൽ കഴിയേണ്ടതുണ്ട്.

നാളെകളിൽ വിജയങ്ങൾ നേടിയെടുക്കാൻ ഇന്നിന്റെ തളർച്ചകളെ അകറ്റിനിർത്തികൊണ്ട്, അലസത ഉപേക്ഷിച്ചുകൊണ്ട് പരിശ്രമിക്കാൻ നമ്മൾ ഓരോരുത്തർക്കും തയ്യാറാവാം.

നമ്മൾക്കുണ്ടാവുന്ന പ്രതിസന്ധികളിലും, പരാജയങ്ങളിലും, നഷ്ടങ്ങളിലും, ദുഃഖങ്ങളിലും തളരാതെ മുന്നേറാൻ നമ്മൾ എല്ലാവർക്കും ആത്മാർഥമായി പരിശ്രമിക്കാൻ ഇനിയുള്ള കാലം കഴിയട്ടെ.