നേർവഴി സഞ്ചാരങ്ങൾ:Straight Path Journeys-95

ഓരോ നിമിഷവും പുതിയ കാര്യങ്ങൾ പഠിക്കാൻ ശ്രമിക്കുക. പഠനമാണ് ഉയർച്ച നേടാൻ നമ്മളെ വളരെയധികം സഹായിക്കുക.

പഠിച്ചു പരീക്ഷയിൽ വിജയിച്ചാൽ മാത്രമേ ഉയർന്ന ജോലിക്ക് യോഗ്യത നേടാൻ കഴിയുകയുള്ളു.

പലർക്കും ഇഷ്ടമുള്ള കാര്യങ്ങൾ പഠിക്കാൻ സാമ്പത്തികമില്ലാത്തതിന്റെ പേരിൽ ഒരുപക്ഷെ സാധിക്കുന്നുണ്ടാവില്ല.

ഇഷ്ടമില്ലാതെ മറ്റുള്ളവരുടെ നിർബന്ധം കാരണം, അല്ലെങ്കിൽ കൂടുതൽ പണം നേടാൻ കഴിയും എന്നതുകൊണ്ട് പഠിക്കുന്നവരുമുണ്ട്.

പഠനത്തിൽ അലസത ഉണ്ടായാൽ പരാജയപ്പെടാനുള്ള സാധ്യത വളരെ കൂടുതലാണ്.

ഏതു വിഷയമാണെങ്കിലും താൽപ്പര്യത്തോടെ പഠിക്കുക.

നമ്മൾക്കുണ്ടാകുന്ന പരാജയങ്ങളെ അതിജീവിച്ചുകൊണ്ട് കൂടുതലായി പഠിക്കാൻ ശ്രമിക്കുക.

പണ്ടുള്ളവർക്ക് പഠിക്കാൻ നല്ല സാഹചര്യം ഉണ്ടായിരുന്നില്ല, ഇന്നിപ്പോൾ വളരെയേറെ പുരോഗതി പഠനത്തിന്റെ കാര്യത്തിൽ നമ്മൾക്ക് കൈവരിക്കാൻ കഴിഞ്ഞിട്ടുണ്ട്.

പഠിക്കാൻ കിട്ടുന്ന നല്ല അവസരങ്ങൾ വേണ്ട വിധത്തിൽ ഉപയോഗപ്പെടുത്തുക.

സ്വയം വളരാൻ നമ്മളെ ഏറ്റവും കൂടുതൽ സഹായിക്കുക നമ്മളുടെ പഠനമാണ്.

പഠനം ശരിയായ വിധത്തിൽ ആണെങ്കിൽ മാത്രമേ അതിന്റെതായ പ്രയോജനം കിട്ടുകയുള്ളു.

പുതിയ കാര്യങ്ങൾ പഠിക്കുന്നതിനുവേണ്ടി നിശ്ചിത സമയം മാറ്റിവെക്കണം. 

പഠിച്ച കാര്യങ്ങൾ ഒരുപക്ഷെ നമ്മൾ മറന്നു പോയെന്ന് വരാം. ആവശ്യമുള്ള കാര്യങ്ങൾ ഓർമ്മയിൽ നിൽക്കാൻ വീണ്ടും വീണ്ടും പഠിക്കേണ്ടതുണ്ട്.

നമ്മൾ പഠിക്കുന്ന വിഷയം എന്തുമായികൊള്ളട്ടെ എല്ലായ്പോഴും എളുപ്പം മനസ്സിലാക്കാൻ സാധിക്കണമെന്നില്ല.നിരന്തരമായിട്ടുള്ള ശ്രമങ്ങളാണ് നമ്മളെ വിജയത്തിൽ എത്തിക്കുക.

പഠനത്തെ സ്നേഹിച്ചാൽ മാത്രമേ പഠനത്തെ മടുപ്പ് കൂടാതെ കൂടെ കൊണ്ടുപോകാൻ കഴിയുള്ളു.

ഓരോ വ്യക്തികൾക്കും അവരവരുടെ കഴിവിന് അനുസരിച്ചു മാത്രമാണ് പഠനത്തിൽ ഉയർച്ച നേടാൻ കഴിയുള്ളു.

പഠിക്കാൻ ഇഷ്ടം പോലെ കാര്യങ്ങൾ നമ്മൾക്ക് മുന്നിലുണ്ട്.പഠിക്കുന്ന കാര്യങ്ങൾ ഇഷ്ടപ്പെടുക എന്നത് വളരെ പ്രധാനപ്പെട്ടതാണ്.

ഇന്നിപ്പോൾ എന്തിനെ കുറിച്ചുള്ള അറിവുകൾ നമ്മൾക്ക് ഇന്റർനെറ്റ്‌ വഴി ഒരു പരിധിവരെ ലഭ്യമാണ്.

പഠനത്തെ ഇഷ്ടപ്പെടുവാൻ, ഉയർച്ചകൾ കൈവരിക്കാൻ ഇനിയുള്ള കാലം ഇഷ്ടമുള്ള നല്ല വിഷയങ്ങൾ നല്ലതുപോലെ പഠിക്കാൻ കഴിയട്ടെ.