നേർവഴി സഞ്ചാരങ്ങൾ:Straight Path Journeys-99

ഓരോ ദിവസവും നമ്മൾക്ക് പുതിയ അനുഭവങ്ങളാണ് നൽകികൊണ്ടിരിക്കുന്നത്. നമ്മൾ ഇന്നലെകളെക്കാൾ കൂടുതൽ മെച്ചപ്പെടാനാണ് നോക്കേണ്ടത്.

നമ്മുടെയൊക്കെ ജീവിതത്തിൽ നാളെകളിൽ എന്തു സംഭവിക്കുമെന്ന് ആർക്കും മുൻകുട്ടി പറയാൻ കഴിയില്ല.

നമ്മൾ ഈ ഭൂമിയിൽ ആയിരിക്കുന്നിടത്തോളം കാലം ഒത്തിരി നല്ല കാര്യങ്ങൾ ചെയ്യാൻ ശ്രമിക്കുക.

ഇന്നലെകളിൽ വരുത്തിയ തെറ്റുകൾ തിരുത്തിയാൽ മാത്രമേ നമ്മൾക്ക് നേട്ടങ്ങൾ സ്വന്തമാക്കാൻ കഴിയുകയുള്ളു.

പുതിയ കാര്യങ്ങൾ പഠിക്കേണ്ടത് തോൽവികളിൽ നിന്നും മുന്നേറാൻ വളരെയേറെ ആവശ്യമാണ്. ഓരോ കാര്യവും കൂടുതൽ മനസ്സിലാക്കുമ്പോഴാണ് അതിലുടെ നേട്ടങ്ങൾ സ്വന്തമാക്കാൻ കഴിയുക.

നമ്മളുടെ ജീവിതത്തിൽ പരാജയങ്ങൾ ഉണ്ടാകാനുള്ള പ്രധാനപ്പെട്ട കാരണമെന്നത് നമ്മൾക്ക് പലതും അറിയാതെ പോകുന്നതുകൊണ്ടാണ്.

എന്തുകാര്യവും അറിയണമെങ്കിൽ നമ്മൾ അതിനായിട്ട് ഇറങ്ങി തിരിക്കണം. നേട്ടങ്ങൾ സ്വന്തമാക്കിയവർ എല്ലാം തന്നെ അവരുടേതായ പരിമിതികളിൽ നിന്നുകൊണ്ട് നല്ലതുപോലെ പരിശ്രമിച്ചവരാണ്.

നമ്മുടെ ഭാഗത്തു നിന്നുമുള്ള തെറ്റുകൾ എത്രയും നേരത്തെ തിരുത്തുക, എങ്കിൽ മാത്രമാണ് നേട്ടങ്ങളിലേക്ക് കൂടുതലായി അടുക്കാൻ കഴിയുകയുള്ളു.

നമ്മളിലുള്ള കുറവുകൾ കണ്ടെത്തികൊണ്ട് വേണ്ട വിധത്തിൽ പരിഹരിക്കാൻ ശ്രമിക്കേണ്ടതുണ്ട്.

വിജയം നേടുക എല്ലായ്‌പോഴും അത്ര എളുപ്പമല്ല, നമ്മുടെ ഭാഗത്തു നിന്നും നല്ലതുപോലെ പരിശ്രമം ആവശ്യമാണ്.

ഇന്നലെകളിലെ നമ്മുടെ സങ്കടങ്ങളും, നഷ്ടങ്ങളും നമ്മൾക്ക് മാറ്റിയെടുക്കാൻ ഇന്നിന്റെ സമയങ്ങളെ വേണ്ടതുപോലെ ഉപയോഗിക്കാൻ കഴിയേണ്ടതുണ്ട്.

നമ്മുടെ ഓരോ നിമിഷവും വളരെയേറെ വിലപ്പെട്ടതാണെന്ന ചിന്ത നമ്മളിലേക്ക് കടന്നുവരണം.സമയം പാഴാക്കുന്ന കാര്യങ്ങളിൽ നിന്നും അകന്നു നിൽക്കണം.

ഓരോ ദിവസവും നമ്മൾക്ക് വിഷമിക്കാൻ ഒത്തിരിയേറെ കാരണങ്ങൾ കണ്ടേക്കാം.

ഒറ്റപ്പെടൽ, സാമ്പത്തികമില്ലായ്‌മ, രോഗങ്ങൾ തുടങ്ങി ഒത്തിരി കാരണങ്ങൾ നമ്മൾക്ക് വേദനകൾ നൽകിയേക്കാം. നമ്മൾ എത്രത്തോളം പരിശ്രമിക്കുന്നുവോ അതിനനുസരിച്ചു മാത്രമേ നമ്മളുടെ ജീവിതത്തിൽ കാതലായ മാറ്റങ്ങൾ കൊണ്ടുവരാൻ കഴിയു.

നമ്മുടെ ജീവിതത്തിൽ ഉണ്ടാകുന്ന ഓരോ നഷ്ടങ്ങളും, പരാജയങ്ങളും നമ്മൾ വേണ്ട വിധത്തിൽ മനസ്സിലാക്കാൻ ശ്രമിക്കണം.

നമ്മളുടെ ആരോഗ്യത്തിന്റെ വില നമ്മളിൽ പലരും ഒരുപക്ഷെ തിരിച്ചറിയുക ആരോഗ്യം ഇല്ലാതാവുമ്പോഴായിരിക്കും. ആരോഗ്യം എത്രത്തോളം പ്രാധാന്യമുണ്ടെന്നു തിരിച്ചറിയുന്ന വ്യക്തികൾ ഒരിക്കലും ആരോഗ്യം നശിപ്പിക്കുന്ന കാര്യങ്ങൾ ചെയ്യാൻ ശ്രമിക്കില്ല.

നമ്മളുടെ ജീവിതത്തിൽ സുഖദുഃഖങ്ങൾ മാറിമാറി കടന്നുവന്നേക്കാം, അതെല്ലാം വേണ്ട വിധത്തിൽ ഉൾകൊള്ളാൻ കഴിയണം.

പുതിയ കാര്യങ്ങൾ പഠിക്കാൻ ശ്രമിക്കുക. വളർച്ച നേടേണ്ടത് നമ്മുടെ മാത്രം ആവശ്യമാണ്.