നേർവഴി സഞ്ചാരങ്ങൾ:Straight Path Journeys-75

നമ്മുടെ ജീവിതത്തിൽ നാളിതുവരെയായി ഒത്തിരിയേറെ മണിക്കൂറുകൾ കടന്നുപോയി. ഓരോ നിമിഷവും നമ്മൾക്ക് ഇന്നിപ്പോൾ ഓർമ്മകൾ മാത്രമായി.

ഇന്നലെകളിൽ ഒത്തിരി സന്തോഷം നൽകിയവയും, ദുഃഖം നൽകിയവയുമെല്ലാമുണ്ട്.

നമ്മുടെ മനസ്സിൽ ഇന്നും തീരാദുഃഖമായി ഇന്നലെകളിലെ പലതും കടന്നുവന്നേക്കാം.

ഒറ്റപ്പെടലിന്റെ, കളിയാക്കിയതിന്റെ, പരാജയപ്പെട്ടതിന്റെ, നഷ്ടപ്പെട്ടതിന്റെ, ഉപേക്ഷിക്കപ്പെട്ടതിന്റെ, കുറ്റപ്പെടുത്തിയതിന്റെ, വേണ്ടപ്പെട്ടവരുടെ വേർപാടുകളും, ബന്ധങ്ങളിലെ അകൽച്ചകളും എന്നു തുടങ്ങി ഒത്തിരിയേറെ കാരണങ്ങൾ നമ്മൾക്കുണ്ടാവും ഒരുപക്ഷെ ഇന്നും നമ്മളെ വേദനിപ്പിക്കുന്ന, നിരാശപ്പെടുത്തുന്ന അനുഭവങ്ങളായിട്ട്.

ഇന്നലെകളിലെ മോശപ്പെട്ട അനുഭവങ്ങളെ പറ്റി ചിന്തിച്ചിരുന്നാൽ ഇന്നിപ്പോൾ നഷ്ടങ്ങൾ കൂടുകയല്ലാതെ കുറയുകയില്ല.

നമ്മുടെ വിലപ്പെട്ട നിമിഷങ്ങൾ പൂർണ്ണമായും പ്രയോജനപ്പെടുത്താൻ നമ്മൾ ഓരോരുത്തർക്കും കഴിയേണ്ടതുണ്ട്. നമ്മൾ എത്ര മാത്രം നമ്മൾക്ക് ലഭിച്ച സമയത്തെ വേണ്ട വിധത്തിൽ ഉപയോഗപ്പെടുത്തുന്നുവോ അതിനനുസരിച്ചായിരിക്കും നമ്മൾക്കുണ്ടാകുന്ന ഓരോ നേട്ടങ്ങളും.

ഈ നിമിഷം നഷ്ടപ്പെടുത്തിയാൽ അതെല്ലാം നമ്മളിൽ നിന്നും എന്നന്നേക്കുമായി നഷ്ടപ്പെടുക തന്നെ ചെയ്യുമെന്ന് ഒരിക്കലും മറക്കാതിരിക്കുക.

ഈ നിമിഷം വളരെയേറെ വിലപ്പെട്ടതാണെന്നും, ഇനിയൊരിക്കലും ഈ നിമിഷത്തിലേക്ക് യാതൊരു വിധത്തിലുള്ള കടന്നുപോക്കില്ലായെന്നും നമ്മൾ ഓരോരുത്തരും തിരിച്ചറിയേണ്ടതുണ്ട്.

നമ്മുടെ സമയത്തെ വെറുതെ നഷ്ടപ്പെടുത്തി കളയാൻ ഇനിയെങ്കിലും അനുവദിച്ചുകൂടാ.

നമ്മൾക്കുണ്ടാകുന്ന ഓരോ അനുഭവങ്ങളും വളരെ വലിയ തിരിച്ചറിവുകളാണ് നമ്മൾ ഓരോരുത്തർക്കും സമ്മാനിക്കുന്നത്.

ഇന്നലെകളിലെ തെറ്റുകൾ തിരുത്താൻ നമ്മുടെ ഭാഗത്തുനിന്നും ആത്മാർത്ഥമായ ശ്രമങ്ങൾ ഇന്നിപ്പോൾ മുതലെങ്കിലും ഉണ്ടാവേണ്ടതുണ്ട്.

ഇന്നി നിമിഷം പൂർണ്ണമായി പ്രയോജനപ്പെടുത്താൻ ശ്രമിക്കുക.

നമ്മൾ ചെയ്യുന്ന പല കാര്യങ്ങളിലും തെറ്റുകൾ സംഭവിച്ചേക്കാം, അതെല്ലാം കൃത്യമായി മനസ്സിലാക്കി തിരുത്തികൊണ്ട് മുന്നേറാൻ സാധിക്കണം.

ഇന്നലെകളിലെ മോശപ്പെട്ട അനുഭവങ്ങളെ പറ്റി ചിന്തിച്ചു നിരാശയിലായിരുന്നുകൊണ്ട് അലസതയിൽ കഴിയാതെ ഊർജസ്വലതയോടെ കൂടുതൽ നേട്ടങ്ങൾ സ്വന്തമാക്കാനായി പരിശ്രമിക്കുക.

ഈ നിമിഷം ഇനി തിരിച്ചുവരില്ലായെന്ന യാഥാർഥ്യം ഉൾക്കൊണ്ട്‌ മുന്നേറാൻ, സമയം നഷ്ടപ്പെടുത്താതെ ഉപയോഗപ്രദമാക്കാൻ നമ്മൾ ഏവർക്കും കഴിയട്ടെ.