നേർവഴി സഞ്ചാരങ്ങൾ:Straight Path Journeys-72

അശ്രദ്ധ നമ്മളുടെ ഭാഗത്തു നിന്നും ഉണ്ടായാൽ വളരെയേറെ ബുദ്ധിമുട്ട് ഉണ്ടായേക്കാം.

ഏതൊരാൾക്കും ഒരു പരിധിവിട്ടുകൊണ്ട് എന്തു കാര്യത്തിലായാലും ശ്രദ്ധിക്കാൻ ഒരുപക്ഷെ കഴിയണമെന്നില്ല.

നമ്മൾക്ക് ഇഷ്ടമില്ലാത്ത കാര്യങ്ങൾ നമ്മൾക്ക് എല്ലായ്‌പോഴും ശ്രദ്ധിക്കാൻ കഴിയണമെന്നില്ല.

നമ്മുടെ ചുറ്റുപാടുമുള്ള എന്തു കാര്യത്തിലും നമ്മൾ ശ്രദ്ധ നൽകുന്നുണ്ടെങ്കിൽ അതിന്റെ പിന്നിൽ നമ്മൾക്ക് അത്രയേറെ താല്പര്യം ഉള്ളതുകൊണ്ടാണ്.

ഒരു നിമിഷത്തിൽ തന്നെ ഒത്തിരിയേറെ കാര്യങ്ങൾ ശ്രദ്ധിക്കുന്നതിനു മനുഷ്യർക്ക് പരിമിതികളുണ്ട്.

ഉറങ്ങാനുള്ള സാധ്യതയുണ്ടെങ്കിൽ ഒരു കാരണവശാലും വാഹനം ഓടിക്കാൻ ശ്രമിക്കരുത്. വാഹനം ഓടിക്കുന്നതിനിടയിൽ ഉറക്കം വന്നു ശ്രദ്ധ തെറ്റി ഒത്തിരി അപകടങ്ങൾക്ക് കാരണമായേക്കാം.ഏതു സാഹചര്യം ആയാൽ പോലും ആവശ്യത്തിന് വിശ്രമിച്ചതിനുശേഷം മാത്രം വാഹനം ഓടിക്കാവു, ഇല്ലെങ്കിൽ നമ്മുടെ ജീവനു മാത്രമല്ല മറ്റുള്ളവരുടെ ജീവൻ കൂടെ ഒരുപക്ഷെ ആപത്തിൽ ആയേക്കാം.

നമ്മൾ എത്ര ശ്രദ്ധിച്ചാലും, മറ്റുള്ളവരുടെ ഭാഗത്തു നിന്നുള്ള ചെറിയൊരു അശ്രദ്ധ മതി അപകടം ഉണ്ടാവാനായിട്ട്.

നമ്മൾക്ക് ഉയർച്ച നേടണമെങ്കിൽ ശ്രദ്ധ നൽകേണ്ട കാര്യങ്ങൾക്ക് വേണ്ട വിധത്തിൽ ശ്രദ്ധ കൊടുക്കുക തന്നെ വേണം.

നമ്മുടെ ശ്രദ്ധ എന്തിലാണോ കൂടുതലുള്ളത്, അതനുസരിച്ചായിരിക്കും നമ്മളുടെ ജീവിതത്തിൽ നേട്ടങ്ങളും, കോട്ടങ്ങളും മാറിമാറി ഉണ്ടാവുക.

ശ്രദ്ധിക്കേണ്ട കാര്യങ്ങൾ ശ്രദ്ധിക്കേണ്ട സമയത്തു തന്നെ ശ്രദ്ധിക്കണം, ഇല്ലെങ്കിൽ ഭാവിയിൽ ഒത്തിരിയേറെ സങ്കടപ്പെടേണ്ടി വന്നേക്കാം.

ഇന്നിപ്പോൾ ശ്രദ്ധിക്കേണ്ട കാര്യങ്ങൾ ഇപ്പോൾ തന്നെ ശ്രദ്ധിക്കാൻ ശ്രമിക്കുക, നാളെക്കായി മാറ്റിവെക്കാതിരിക്കുക.

ശ്രദ്ധിക്കേണ്ട കാര്യങ്ങളിൽ നിന്നും എപ്പോൾ നമ്മളുടെ ശ്രദ്ധ അകലുന്നുവോ അതനുസരിച്ചു നമ്മൾക്ക് പരാജയങ്ങളും, നഷ്ടങ്ങളും, ദുഃഖദുരിതങ്ങളും ഒരുപക്ഷെ ഉണ്ടായെന്നു വരാം.

നമ്മൾ ചെയ്യുന്ന ഓരോ കാര്യവും വേണ്ട വിധത്തിൽ കൈകാര്യം ചെയ്യാൻ ശ്രമിക്കണം.

ശ്രദ്ധ നഷ്ടപ്പെടുത്തുന്ന ഒത്തിരി കാര്യങ്ങൾ നമ്മുടെ ചുറ്റിലുമുണ്ടായേക്കാം, അതെല്ലാം വേണ്ട വിധത്തിൽ ഒഴിവാക്കാൻ കഴിയേണ്ടതുണ്ട്.

നമ്മൾക്ക് ശ്രദ്ധ കൂടുതൽ വേണ്ട കാര്യങ്ങൾക്ക്, ശ്രദ്ധ കൂടുതലായി കൊടുക്കുവാൻ ഒത്തിരിയേറെ കാര്യങ്ങൾ ഒഴിവാക്കേണ്ടതായിട്ട് വന്നേക്കാം.

ശ്രദ്ധ എപ്പോൾ മുതൽ നമ്മളിൽ നിന്നും അകലാൻ തുടങ്ങിയോ അപ്പോൾ മുതൽ പരാജയത്തിന്റെ സാദ്ധ്യതകൾ നമ്മൾക്ക് മുന്നിൽ തുറന്നേക്കാം.

നമ്മുടെ ചുറ്റിലുമുള്ള പലരുടെയും ജീവൻ നഷ്ടപ്പെട്ടത്, ശ്രദ്ധിക്കേണ്ട കാര്യങ്ങളിൽ ശ്രദ്ധിക്കാൻ ചുമതലപ്പെട്ടവർ ശ്രദ്ധിക്കാതിരുന്നതുകൊണ്ടാണ്.

നമ്മുടെ മനസ്സിലേക്ക് കടന്നുവരുന്ന പല തരത്തിലുള്ള ചിന്തകൾ നമ്മളുടെ ശ്രദ്ധയെ ഒരുപക്ഷെ വഴി തെറ്റിച്ചേക്കാം.

നമ്മൾ ചെയ്യുന്ന ജോലികൾ വളരെയേറെ ഉത്തരവാദിത്തം നിറഞ്ഞതാണ്, അതുകൊണ്ട് തന്നെ നമ്മളെ ഏല്പിച്ച ജോലി ഭംഗിയായി പൂർത്തിയാക്കുവാൻ ശ്രദ്ധ നഷ്ടപ്പെടുത്താതെ മുന്നോട്ട് പോകേണ്ടത് നമ്മുടെ ആവശ്യമാണ്.

അശ്രദ്ധ ഒഴിവാക്കി മുന്നേറാൻ, ശ്രദ്ധയോടെ കാര്യങ്ങൾ കൈകാര്യം ചെയ്യാൻ നമ്മൾ ഓരോരുത്തർക്കും കഴിയട്ടെ.