നേർവഴി സഞ്ചാരങ്ങൾ:Straight Path Journeys-65

 മുന്നോട്ടു നമ്മൾ ഓരോരുത്തർക്കും നേട്ടങ്ങൾ സ്വന്തമാക്കുന്നതിന് പഠനം വളരെയേറെ ആവശ്യമാണ്. ഓരോരുത്തർക്കും അവരവർക്ക് ഉചിതമായ രീതിയാണ് പഠനത്തിനായിട്ട് സ്വീകരിക്കേണ്ടത്.

എല്ലാവർക്കും എല്ലായ്‌പോഴും പഠിക്കാനുള്ള സാഹചര്യം ഉണ്ടായികൊള്ളണമെന്നില്ല. പഠനത്തെ ഇഷ്ടപ്പെട്ടാൽ മാത്രമാണ് ഏതു വിഷയത്തെപറ്റിയുള്ള പഠനമാണെങ്കിലും വിജയം നേടാൻ കഴിയുകയുള്ളു.

പഠനത്തിൽ വിജയം എല്ലാവർക്കും എപ്പോഴും നേടാൻ കഴിഞ്ഞെന്ന് വരില്ല. പഠനത്തിൽ ചിലപ്പോഴെങ്കിലും തോൽവികളെ നേരിടേണ്ടി വന്നേക്കാം എങ്കിൽ പോലും വിജയം നേടാനുള്ള ആഗ്രഹത്തോടെ മുന്നോട്ടു വളരെയേറെ പരിശ്രമിക്കാൻ കഴിയേണ്ടതുണ്ട്.

നമ്മൾ എത്രത്തോളം ആഗ്രഹിക്കുന്നുവോ അതിനനുസരിച്ചു മുന്നോട്ടു പഠിക്കാൻ ശ്രമിക്കുക. പഠനത്തിൽ അലസത കാണിച്ചാൽ ഭാവിയിൽ ഒത്തിരിയേറെ ദുഃഖങ്ങൾക്ക് ഒരുപക്ഷെ കാരണമായേക്കാം.

ഓരോരുത്തരുടെയും ബുദ്ധിപരമായ നിലവാരം അനുസരിച്ചു മാത്രമാണ് പഠനത്തിൽ മികവ് നേടിയെടുക്കാൻ ഒരുപക്ഷെ കഴിയുകയുള്ളു.

ഓരോ വിഷയവും പഠിക്കുമ്പോഴും അതിലുടെ കിട്ടുന്ന നേട്ടങ്ങൾ എന്തെല്ലാമാണെന്ന് തിരിച്ചറിവ് ഉണ്ടാവണം.

പഠനം നമ്മൾ ഉപേക്ഷിച്ചാൽ പല കാര്യങ്ങളും നമ്മൾക്ക് ഒരുപക്ഷെ നഷ്ടപ്പെട്ടേക്കാം.

പഠനത്തിന് വേണ്ട വിധത്തിലുള്ള പ്രാധാന്യം നൽകുവാൻ ശ്രമിക്കുക. സ്വന്തമായിട്ട് പഠനത്തിന് പ്രായം ഒരു തടസ്സമല്ല, നമ്മളുടെ ഉള്ളിലെ ആഗ്രഹമാണ് വളരെ പ്രധാനപ്പെട്ടത്.

കാര്യങ്ങൾ പഠിക്കുംതോറുമാണ് നമ്മൾ ഈ ലോകത്തെപറ്റി കൂടുതൽ മനസ്സിലാക്കുന്നത്.

ജീവിതത്തിൽ ഉയർച്ചകൾ കൈവരിക്കാൻ ആഗ്രഹിക്കുന്നുവെങ്കിൽ പഠിക്കുന്ന വിഷയത്തെ ഇഷ്ടപ്പെടാനും, കഴിവിനനുസരിച്ചു പഠിക്കാനും സാധിക്കണം.

നമ്മുടെ ഓരോരുത്തരുടെയും ഉയർച്ചക്കായിട്ടുള്ള പഠനം ശരിയായ വിധത്തിൽ ആയിരിക്കട്ടെ.