നേർവഴി സഞ്ചാരങ്ങൾ:Straight Path Journeys-73

നമ്മളിൽ പലരും വളരെയേറെ ആഗ്രഹിക്കുന്ന കാര്യമാണ് പഴയ കാലത്തിലേക്കുള്ള തിരിച്ചുപോക്ക്.

നമ്മൾ ജനിച്ച നാൾ തൊട്ട് ഇന്നുവരെ ഒത്തിരിയേറെ അനുഭവത്തിലൂടെ കടന്നുവന്നവരാണ്.

നമ്മളുടെ അനുഭവത്തിൽ ചിലർക്കൊക്കെ ഇന്നലെകൾ ആയിരുന്നിരിക്കാം നല്ല സുഖസൗകര്യങ്ങൾ ഉണ്ടായിട്ടുണ്ടായിരുന്നിട്ടുണ്ടാവുക.

ഏതൊരു മനുഷ്യർക്കായാലും എല്ലാ കാലത്തും സുഖം മാത്രമായിരിക്കില്ല ഉണ്ടാവുക.

ഇന്നലെകളിലെ ദുഃഖങ്ങൾക്കുള്ള കാരണങ്ങൾ കണ്ടെത്തി ശരിയായ വിധത്തിൽ പരിഹരിക്കാനുള്ള ശ്രമങ്ങൾ നമ്മുടെ ഭാഗത്തുനിന്നും ഉണ്ടാവേണ്ടതുണ്ട്.

ഇന്നലെകളിലെ തോൽവികളെയും, നഷ്ടങ്ങളെയും പറ്റി ആലോചിച്ചു നിരാശപ്പെട്ടിരുന്നാൽ ഇന്നിന്റെ വിലപ്പെട്ട സമയങ്ങളാണ് നമ്മൾ ഓരോരുത്തർക്കും നഷ്ടപ്പെടുകയെന്നത് തിരിച്ചറിയുക.

ആരും തന്നെ എത്ര ശ്രമിച്ചാലും പഴയകാലം ഒരിക്കലും തിരിച്ചു കിട്ടില്ല. 

പഴയ കാലത്തിലെ വേദനിപ്പിക്കുന്ന ഓർമ്മകൾ എളുപ്പം നമ്മൾക്ക് മറക്കാൻ കഴിയില്ല. ഇന്നലെകളിലെ നഷ്ടങ്ങളെയും, വേദന സമ്മാനിച്ച അനുഭവങ്ങളെയും ഓർത്തു കൊണ്ടിരുന്നാൽ നമ്മൾക്ക് പല സാഹചര്യത്തിലും മുന്നോട്ടു പോകാൻ സാധിച്ചെന്നു വരില്ല.

കാലം മാറുന്നത് അനുസരിച്ചു നമ്മുടെ ചുറ്റുപാടിൽ ഒത്തിരിയേറെ നല്ലതും, മോശമായതുമായ മാറ്റങ്ങൾ സംഭവിക്കുന്നുണ്ട്.

എത്ര പണം നൽകിയാലും പഴയകാലത്തിലേക്ക് തിരിച്ചുപോക്ക് സാധ്യമല്ല.

ഇന്നലെകളെക്കാൾ കൂടുതൽ മെച്ചപ്പെട്ട നിലയിൽ ജീവിക്കാൻ നമ്മൾ ഓരോരുത്തരും നല്ലതുപോലെ പരിശ്രമിക്കണം.

ഇന്നലെകളിലെ മോശപ്പെട്ട സാഹചര്യങ്ങളിൽ നിന്നും നല്ല സാഹചര്യങ്ങളിലേക്ക് നമ്മൾക്ക് സഞ്ചരിക്കാൻ കഴിയേണ്ടതുണ്ട്.

ഒരു വ്യക്തിയുടെ പക്കൽ പണം ആവശ്യത്തിലേറെ ഉണ്ടായതുകൊണ്ട് സന്തോഷവും, സമാധാനവും ഉണ്ടാവണമെന്നില്ല. പണം എത്ര കൊടുത്താലും സന്തോഷവും, സമാധാനവും വിലക്ക് വാങ്ങാൻ കഴിയണമെന്നുമില്ല.

പഴയ കാലങ്ങളിൽ നിന്നും ഉണ്ടായിട്ടുള്ള അനുഭവങ്ങളെ വേണ്ട വിധത്തിൽ ഉൾകൊള്ളാനും, ആവശ്യമായ തിരുത്തലുകൾ വരുത്താനും നമ്മൾ ഓരോരുത്തരും ശ്രമിക്കേണ്ടതുണ്ട്.

ഇന്നിന്റെ ഈ നിമിഷം മാത്രമാണ് നമ്മുടെ പക്കലുള്ളു, അതു വേണ്ട വിധത്തിൽ ഉപയോഗപ്പെടുത്തിയില്ലെങ്കിൽ ഒരുപക്ഷെ ഭാവിയിൽ നിരാശയിൽ കഴിയേണ്ടി വന്നേക്കാം.

പഴയകാലത്ത് അനുഭവിച്ച ദുഃഖദുരിതങ്ങൾ ഇന്ന് ആലോചിക്കുമ്പോൾ പലർക്കും വളരെയേറെ സങ്കടത്തിന് കാരണമായേക്കാം.

പണ്ട് ഒരു നേരത്തെ ഭക്ഷണത്തിനു വേണ്ടി ഒത്തിരിയേറെ കരഞ്ഞിട്ടുണ്ടെങ്കിൽ, ഇന്നിപ്പോൾ പലർക്കും അവരോരുത്തരുടെയും കഠിനാധ്വനത്തിന്റെ ഫലമായി പട്ടിണിയില്ലാതെ ജീവിക്കാനുള്ള സുഖസൗകര്യങ്ങളൊക്ക ലഭ്യമായിട്ടുണ്ട്.

ഇന്നലെകളിൽ അനുഭവിച്ച ദുഃഖദുരിതങ്ങളിൽ തളരാതെ നല്ലതുപോലെ പരിശ്രമിച്ചതുകൊണ്ടാണ് ഇന്നിപ്പോൾ പലർക്കും ഉയർച്ചകൾ നേടാൻ കഴിഞ്ഞിട്ടുള്ളത്.

പഴയ കാലം ഇനിയൊരിക്കലും തിരിച്ചു വരില്ലായെന്നുള്ള യാഥാർഥ്യം ഉൾകൊണ്ട് മുന്നോട്ടു നേട്ടങ്ങൾക്കായി നല്ലതുപോലെ പ്രവർത്തിക്കാൻ നമ്മൾ ഓരോരുത്തർക്കും കഴിയട്ടെ.