നേർവഴി സഞ്ചാരങ്ങൾ:Straight Path Journeys-77

ഒത്തിരിയേറെ പരിമിതികളാണ് നമ്മൾക്ക് മുന്നിലുള്ളത്. പരിമിതികളെ അകറ്റാൻ ഇനിയുള്ള നാളുകളിൽ നമ്മൾ ഓരോരുത്തരും നല്ലതുപോലെ പരിശ്രമിക്കണം.

നമ്മുടെ ഭാഗത്തുനിന്നും വേണ്ടത്ര പരിശ്രമങ്ങൾ ഇല്ലാത്തതുകൊണ്ടാണ് പല പരിമിതികളെയും ഇപ്പോഴും പരിമിതികളായി തന്നെ നേരിടേണ്ടി വരുന്നത്.

ഇന്നലെകളിലെ പല പരിമിതികളും പരിഹരിക്കാൻ നമ്മൾക്കിപ്പോൾ സാധിച്ചതിനു പിന്നിൽ ഒത്തിരി പേരുടെ പരിശ്രമം കൊണ്ടാണ്.

പരിമിതികളിൽ നിന്നുകൊണ്ട് മുന്നോട്ടു ചുവടുകൾ ആരും തന്നെ വെച്ചില്ലായിരുന്നുവെങ്കിൽ നമ്മൾക്ക് ആർക്കും തന്നെ ഇന്നിപ്പോൾ അനുഭവിക്കാൻ കഴിയുന്ന പല സുഖസൗകര്യങ്ങളും ഉപയോഗിക്കാൻ കഴിയാതെ പോയേനേ.

പരിമിതികൾ നമ്മൾക്ക് മുന്നിൽ ഒത്തിരിയേറെ കടന്നുവന്നേക്കാം, അതിനെയെല്ലാം നേരിടാൻ നമ്മൾക്ക് കഴിയേണ്ടതുണ്ട്.

നമ്മളുടെ കഴിവിന്റെ പരമാവധി ശ്രമിക്കുക പരിമിതികളെ വേണ്ട വിധത്തിൽ ഒഴിവാക്കുവാനായിട്ട്.

ഓരോ മനുഷ്യരിലും എന്തെങ്കിലും തരത്തിലുള്ള പരിമിതികൾ കണ്ടേക്കാം, അതുകൊണ്ട് തന്നെ മറ്റൊരാളുടെ പരിമിതിയിൽ ആ വ്യക്തിയെ ഒരു കാരണവശാലും പരിഹസിക്കാതിരിക്കുക.

നമ്മളിലെ കഴിവുകളെ കണ്ടെത്തികൊണ്ട് നമ്മളുടെ പരിമിതികളെ പരമാവധി കുറയ്ക്കുവാൻ ശ്രമിക്കുക.

ഓരോ പുതിയ കണ്ടുപിടുത്തങ്ങളും ഇന്നലെകളിലെ പരിമിതികളെ ഒരു പരിധി വരെയെങ്കിലും ഇല്ലാതാക്കാൻ സഹായിക്കുന്നവയാണ്.

നമ്മളുടെ ചുറ്റിലും ഒട്ടനവധി പ്രശ്നങ്ങളുണ്ട് അതിനെല്ലാം എല്ലായ്‌പോഴും ഒരുപക്ഷെ നമ്മൾക്ക് എളുപ്പം പരിഹാരം കാണാൻ കഴിഞ്ഞെന്നു വരില്ല.

നമ്മുടെ കഴിവ് കൊണ്ട് പരിഹരിക്കാൻ കഴിയുന്ന പ്രശ്നങ്ങളെ പരിഹരിക്കാൻ നമ്മൾ ഓരോരുത്തരും ശ്രമിക്കുക.

ഓരോ മനുഷ്യരുടെയും ജീവിതചുറ്റുപാട് വളരെ വ്യത്യസ്തമാണ്. എല്ലാവർക്കും എല്ലാ കാര്യങ്ങളിലും പൂർണ്ണത കൈവരിക്കാൻ കഴിയില്ലല്ലോ.

ഓരോ മനുഷ്യർക്കും കഴിവുകൾ ഉള്ളതുപോലെ തന്നെ ധാരാളം പരിമിതികളും ഉണ്ടായേക്കാം. മനുഷ്യരുടെ പരിമിതികളെ ശരിയായ വിധത്തിൽ ഉൾകൊള്ളാനും, കൈകാര്യം ചെയ്യാനും സാധിക്കേണ്ടതുണ്ട്.

എന്തുകാര്യത്തിലായാലും പരിമിതികൾ തിരിച്ചറിയുക എന്നത് വളരെ പ്രധാനപ്പെട്ടതാണ്. പരിമിതികൾ തിരിച്ചറിഞ്ഞാൽ മാത്രമാണ് അതിനു വേണ്ടതായ പരിഹാരം കണ്ടെത്താൻ സാധിക്കുകയുള്ളു.

ഇന്ന് നമ്മൾക്ക് പല അസുഖങ്ങൾക്കും മരുന്നുകൾ ലഭ്യമാണ്. പണ്ട് ഒത്തിരിയേറെ അസുഖങ്ങൾക്ക് മരുന്നുകൾ വേണ്ടത്ര ലഭ്യമല്ലായിരുന്നു.മരുന്നുകൾ ലഭ്യമല്ലാത്തിടത്തുനിന്ന് ലഭ്യമായതിലേക്കുള്ള മാറ്റത്തിനു കാരണം പരിമിതികളെ നേരിടാൻ മുന്നിട്ടിറങ്ങിയതുകൊണ്ടാണ്.

പരിമിതികളെക്കുറിച്ച് വിശദമായി മനസ്സിലാക്കിയാൽ മാത്രമേ വേണ്ട വിധത്തിലുള്ള പരിഹാരം ഉപയോഗപ്പെടുത്താൻ കഴിയുകയുള്ളു.

നമ്മളുടെ ഓരോ ശ്രമങ്ങളും നമ്മൾക്ക് നേരിട്ടുകൊണ്ടിരിക്കുന്ന പരിമിതികളെ അകറ്റാൻ സാധിക്കുന്നതാകട്ടെ.