നേർവഴി സഞ്ചാരങ്ങൾ:Straight Path Journeys-68

ഒരു പരിധി കഴിഞ്ഞാൽ ആർക്കും തളർച്ചകൾ ഉണ്ടാവാം. ഓരോരുത്തർക്കും ഉണ്ടാവുന്ന തളർച്ചകൾക്ക് പിന്നിൽ ഓരോരോ കാരണങ്ങളാണ്.

തളർച്ചക്കുള്ള കാരണങ്ങളെ കണ്ടെത്തി വേണ്ട വിധത്തിൽ പരിഹരിച്ചെങ്കിൽ മാത്രമേ ഉന്മേഷത്തോടെ മുന്നേറാൻ കഴിയുള്ളു.

നമ്മുടെ ശാരീരിക ആരോഗ്യത്തോടൊപ്പം മാനസിക ആരോഗ്യത്തിനും വേണ്ടത്ര പ്രാധാന്യം കൊടുക്കേണ്ടതുണ്ട്.

മാനസികമായ വിഷമതകൾ നമ്മുടെ ശരീരത്തിനു തളർച്ചക്ക് ഒരുപക്ഷെ കാരണമായേക്കാം.

മുന്നോട്ടുള്ള യാത്രയിൽ തളർച്ചകൾ ഉണ്ടായേക്കാമെന്ന് കരുതി പിന്മാറിയാൽ നഷ്ടം നമ്മൾക്ക് തന്നെയാണ്. തളർച്ചകൾ വന്നു കഴിഞ്ഞാൽ നേരിടാനുള്ള മാർഗങ്ങൾ മുൻകൂട്ടി കണ്ടെത്തുവാൻ നമ്മൾക്ക് കഴിയണം.

നമ്മൾ ഓരോരുത്തർക്കും പുരോഗതി കൈവരിക്കാൻ മുന്നോട്ടു യാത്ര ചെയ്തെങ്കിൽ മാത്രമേ സാധിക്കുകയുള്ളു.

നമ്മുടെ ലക്ഷ്യങ്ങൾ പൂർത്തിയാക്കാൻ നമ്മൾ ഓരോരുത്തരും നല്ലതുപോലെ കഷ്ടപ്പെടേണ്ടതായിട്ടുണ്ട്.

നമ്മളെ സഹായിക്കാനോ, പിന്തുണക്കാനോ ഒരുപക്ഷെ ആരും പല സാഹചര്യത്തിലും ഉണ്ടായെന്നു വരില്ല.

നമ്മുടെ ഉയർച്ച നമ്മൾ മുന്നോട്ടു എടുക്കുന്ന ചുവടുവയ്പ്പിലാണ്.

പ്രതിസന്ധികളും, പരാജയങ്ങളും, നഷ്ടങ്ങളും, കളിയാക്കലുകളും, ഒറ്റപ്പെടുത്തലുകളുമെല്ലാം നമ്മൾക്ക് പലപ്പോഴായി നേരിടേണ്ടി വന്നേക്കാം, അവിടെയെല്ലാം കരുത്തോടെ പൊരുതാൻ നമ്മൾക്ക് കഴിയേണ്ടതുണ്ട്.

നമ്മുടെ ആരോഗ്യസ്ഥിതി മനസ്സിലാക്കിയാൽ തളർച്ചകളെ ഒരുപരിധിവരെ തടയാൻ കഴിയും. തളർച്ചകൾക്ക് വിശ്രമവും, ഊർജം ലഭിക്കാൻ ആവശ്യമായ ഭക്ഷണവസ്തുക്കളും ആവശ്യമാണ്.

എത്ര ആരോഗ്യമുള്ള വ്യക്തിയാണെങ്കിൽ കൂടിയും മോശം ഭക്ഷണം കഴിച്ചു കഴിഞ്ഞാൽ ശരീരത്തിനു തളർച്ച അനുഭവപ്പെടാം.

നല്ലതുപോലെ അധ്വാനിക്കാനും നല്ലതുപോലെ വിശ്രമിക്കാനും കഴിയണം.

പണം ലഭിക്കാൻ നല്ലതുപോലെ കഷ്ടപ്പെടണം. ആവശ്യത്തിന് പണം ഇല്ലാത്തത് ആരിലും മാനസികമായി വിഷമങ്ങൾ ഉണ്ടാക്കിയേക്കാം.

നിരന്തരമായ ശ്രമത്തിലൂടെ നമ്മളിലെ കഴിവുകളെ കണ്ടെത്താനും, ആ കഴിവുകളെ വേണ്ട രീതിയിൽ നമ്മുടെയും, മറ്റുള്ളവരുടെയും വളർച്ചക്കായി ഉപയോഗപ്പെടുത്താനും സാധിക്കേണ്ടതുണ്ട്.

അധ്വാനിക്കുന്ന ഏതൊരാൾക്കും അതിനനുസരിച്ചുള്ള വിശ്രമം ആവശ്യമാണ്, ഇല്ലെങ്കിൽ പ്രതീക്ഷിക്കാത്ത സമയത്തു തളർന്നു പോയേക്കാം.

നമ്മൾക്കുണ്ടാകുന്ന തളർച്ചകളെ ശരിയായ വിധത്തിൽ കൈകാര്യം ചെയ്യാൻ നമ്മൾ ഓരോരുത്തരും ശ്രമിക്കേണ്ടതുണ്ട്.

തളർച്ചകളെ ധിരമായി നേരിട്ടുകൊണ്ട് വിജയത്തിനുവേണ്ടി മുന്നോട്ടു യാത്ര ചെയ്യാൻ നമ്മൾ ഓരോരുത്തർക്കും കഴിയട്ടെ.