motivation-107

നമ്മുടെ ചുറ്റിലുമുള്ള നല്ല കാര്യങ്ങൾക്ക് പ്രോത്സാഹനം നൽകേണ്ടതുണ്ട്. നമ്മുടെ ഭാഗത്തു നിന്നുള്ള പ്രോത്സാഹനം ഉണ്ടെങ്കിൽ മാത്രമേ പലപ്പോഴും കൂടുതൽ ഊർജസ്വലതയോടെ നമ്മൾക്ക് തന്നെയാണെങ്കിലും മുന്നോട്ടു പല സാഹചര്യങ്ങളിലും പ്രവർത്തിക്കാൻ കഴിയുകയുള്ളു.

വേണ്ടത്ര പ്രോത്സാഹനം ആരിൽ നിന്നും സമയത്തിനും സാഹചര്യത്തിനും അനുസരിച്ചു കിട്ടാത്തതുകൊണ്ട് നമ്മളിൽ പലർക്കും പല കാര്യത്തിലും ഒരുപക്ഷെ മുന്നേറാൻ സാധിക്കാതെ പോയിട്ടുണ്ട്.

നല്ല കാര്യങ്ങൾ പ്രോത്സാഹിപ്പിക്കുവാൻ മടിവിചാരിക്കരുത്. ഒരുപക്ഷെ ചെറുപ്പത്തിൽ ആരെങ്കിലും പ്രോത്സാഹനം നൽകിയിരുന്നുവെങ്കിൽ നമ്മളിൽ പലർക്കും പല കാര്യത്തിലും നേട്ടങ്ങൾ കൈവരിക്കാൻ സാധിക്കുമായിരുന്നു.

നമ്മൾ വളരേണ്ടതും, നേട്ടങ്ങൾ സ്വന്തമാക്കേണ്ടതും മറ്റുള്ളവരേക്കാൾ അധികമായി നമ്മുടെ മാത്രം ആവശ്യമാണ്.

കുറവുകൾ നമ്മൾക്ക് ഉണ്ടായേക്കാം, അതിന്റെ പേരിൽ ചുറ്റുമുള്ളവർ നമ്മളെ കളിയാക്കുകയോ, കുറ്റപ്പെടുത്തുകയോ, നിരുത്സാഹപ്പെടുത്തുകയോ ചെയ്തേക്കാം, എന്നാൽ പോലും തളരാതെ മുന്നോട്ടു പോകുവാൻ നമ്മൾ ഓരോരുത്തർക്കും സാധിക്കേണ്ടതുണ്ട്.

മറ്റുള്ളവരെ സാമ്പത്തികമായി സഹായിക്കാൻ ഒരുപക്ഷെ നമ്മൾക്ക് എല്ലായ്പോഴും കഴിയണമെന്നില്ല, എങ്കിൽ പോലും കഴിവ് പോലെ നല്ല കാര്യങ്ങൾക്കായി പ്രോത്സാഹനം നൽകാൻ നമ്മൾ ഓരോരുത്തർക്കും കഴിയേണ്ടതുണ്ട്.

മറ്റുള്ളവരിൽ നിന്നുള്ള പ്രോത്സാഹനം ഒരുപക്ഷെ നമ്മളുടെ ജീവിതത്തിൽ പലപ്പോഴും കിട്ടാതെ വന്നേക്കാം എങ്കിൽ പോലും അതിലൊന്നും തളരാതെയും, നിരാശപ്പെടാതെയും മുന്നോട്ടു പോകുവാൻ നമ്മൾ എല്ലാവർക്കും സാധിക്കേണ്ടതുണ്ട്.

ആരും തന്നെ വേണ്ട രീതിയിൽ നമ്മളെ പ്രോത്സാഹിപ്പിക്കുവാൻ ഒരു പക്ഷെ നമ്മുടെ തുടക്കസമയത്തു ഉണ്ടാകണമെന്നില്ല.

നമ്മുടെ കഴിവുകൾ കണ്ടെത്തുക, കഴിവുകൾ പ്രയോജനകരമായ രീതിയിൽ ഉപയോഗപ്പെടുത്തുക.

ഈ ഭൂമിയിൽ പിറന്നു വീണ ഏതൊരു മനുഷ്യനും എന്തെങ്കിലുമൊക്കെ കഴിവുകൾ ഉണ്ടാവാം. കഴിവുകളെ കണ്ടെത്തി വേണ്ട രീതിയിൽ വളർത്തികൊണ്ട് വന്നാൽ മാത്രമാണ് ആർക്കായാലും അതിലുടെ പ്രയോജനം ലഭിക്കുകയുള്ളു.

എല്ലാവർക്കും നല്ല കാര്യങ്ങൾക്കായി മറ്റുള്ളവർക്ക് നല്ലതുപോലെ പ്രോത്സാഹനം നൽകാൻ ഇനിയുള്ള കാലം സാധിക്കട്ടെ.