motivation-152

നമ്മുടെ ഓരോ പ്രവർത്തികളിലും തുടക്കസമയത്ത് ഒത്തിരി പോരായ്മകൾ ഒരുപക്ഷെ കണ്ടേക്കാം. നമ്മളിലെ പോരായ്മകൾ ശരിയായ വിധത്തിൽ നികത്തിയെടുത്താൽ മാത്രമാണ് മുന്നോട്ടു നേട്ടങ്ങൾ സ്വന്തമാക്കാൻ കഴിയുകയുള്ളു.

പോരായ്മകൾ നമ്മൾ തിരിച്ചറിയാൻ ശ്രമിക്കേണ്ടതുണ്ട്.നമ്മൾക്ക് ഉയർച്ച നേടണമെങ്കിൽ പോരായ്മകളെ ഒഴിവാക്കിയേ മതിയാകുള്ളൂ.

പണത്തിന്റെ പോരായ്മകൾ പണം കൊണ്ട് മാത്രമാണ് പലപ്പോഴും നികത്താൻ കഴിയുകയുള്ളു.

പണം കൊടുത്തു നേടാൻ കഴിയാത്ത ഒത്തിരി കാര്യങ്ങൾ ഈ ലോകത്തുണ്ട്. നമ്മൾ ഏതൊരു കാര്യവും തുടക്കത്തിൽ ചെയ്യുമ്പോൾ അതിന്റെതായ പോരായ്മകൾ ഉണ്ടായെന്നു വരാം.നിരന്തരമായിട്ടുള്ള ശ്രമത്തിലൂടെയാണ് നമ്മളിലെ പോരായ്മകൾ ഒരുപരിധിവരെയെങ്കിലും നികത്തിയെടുക്കാൻ കഴിയുക.

നമ്മുടെ പോരായ്മകൾ ഓർത്തോർത്തു വിഷമിച്ചിരിക്കാതെ മുന്നോട്ടു കരുത്തോടെ സഞ്ചരിക്കാൻ നമ്മൾ എല്ലാവർക്കും കഴിയേണ്ടതുണ്ട്.

പോരായ്മകൾ വേണ്ടതുപോലെ പരിഹരിക്കാൻ ശ്രമിച്ചില്ലെങ്കിൽ നമ്മളിൽ ഒരുപക്ഷെ നിരാശകൾ ഉണ്ടായേക്കാം.

പരിഹരിക്കാൻ എളുപ്പം കഴിയാത്ത പോരായ്മകൾ ഒരുപക്ഷെ ഉണ്ടായേക്കാം. നമ്മളുടെ കഴിവിന്റെ പരമാവധി ശ്രമിച്ചെങ്കിൽ മാത്രമേ പോരായ്മകളെ പരിഹരിക്കാൻ സാധിക്കുകയുള്ളൂ.

മറ്റുള്ളവരിലേ പോരായ്മകൾ കണ്ടുകൊണ്ട് ഒരിക്കലും അവരെ കളിയാക്കരുത്. നമ്മൾക്ക് ലഭിച്ച കഴിവുകൾ, സുഖസൗകര്യങ്ങൾ ഒന്നും തന്നെ നമ്മുടെ മികവുകൊണ്ടൊന്നും ലഭിച്ചതല്ലല്ലോ.

നമ്മുടെ പോരായ്മകൾ ശരിയായ വിധത്തിൽ പരിഹരിച്ചുകൊണ്ട് മുന്നേറാൻ നമ്മൾ എല്ലാവർക്കും സാധിക്കട്ടെ.