motivation-117

ക്ഷമിക്കാൻ കഴിയാതെ പോകുന്നതാണ് ജീവിതത്തിൽ നമ്മളിൽ പലർക്കും പലപ്പോഴും സന്തോഷവും സമാധാനവും ഇല്ലാതെയാക്കുന്നത്.

ക്ഷമിക്കാൻ കഴിയുക ഏതൊരാൾക്കും അത്ര എളുപ്പം സാധിക്കുന്ന ഒന്നല്ല. നമ്മൾ എത്രത്തോളം വേദന മറ്റൊരാൾ കാരണം അനുഭവിക്കാൻ ഇടയായിട്ടുണ്ടോ അത്ര മാത്രം നാം ആ വ്യക്തിയെ ഒരുപക്ഷെ വെറുത്തെക്കാം.

നമ്മൾ കാരണം ഇനിയൊരിക്കലും മറ്റൊരാളും വേദനിക്കാൻ പാടില്ലായെന്ന് തീരുമാനിക്കണം, അതിനായി നമ്മുടെ ഭാഗത്തു നിന്നും മോശം പ്രവർത്തികൾ ഉണ്ടാവാതിരിക്കാൻ ശ്രദ്ധിക്കണം. നമ്മുടെ പ്രവർത്തികൾ ഒരിക്കലും മറ്റുള്ളവർക്ക് ദോഷം വരുത്തിവെക്കുന്നത് ആകരുത്.

ക്ഷമിക്കാൻ കഴിയുക അത്ര എളുപ്പം അല്ലെങ്കിൽ കൂടിയും ആഗ്രഹിച്ചാൽ ഒരുപരിധിവരെയെങ്കിലും ക്ഷമിക്കാൻ സാധിച്ചെന്നിരിക്കും.

ക്ഷമ നൽകാൻ എല്ലാവർക്കും ഒരുപോലെ സാധ്യമല്ല, അതിനെല്ലാം അതിന്റെതായ സമയം ആവശ്യമാണ്.

പ്രായത്തിന്റെ അറിവില്ലായ്മകൊണ്ടൊക്കെ തെറ്റുകൾ നമ്മളിൽ പലർക്കും സംഭവിച്ചെന്ന് വരാം.

നമ്മുടെ ഭാഗത്തുനിന്നും ഏതെങ്കിലും തരത്തിൽ മറ്റുള്ളവരോടായി തെറ്റു കുറ്റങ്ങൾ ഉണ്ടായിട്ടുണ്ടെങ്കിൽ, അതിന്റെ പേരിൽ ബുദ്ധിമുട്ട് അനുഭവിച്ച വ്യക്തികളോട് ക്ഷമ ചോദിക്കാൻ നമ്മൾ ബാധ്യസ്ഥരാണ്.

ക്ഷമ കിട്ടുക ഒരു ആശ്വാസമാണ്. നാളെകൾ വീണ്ടും അത്തരത്തിൽ തെറ്റുകൾ ആവർത്തിക്കാതിരിക്കാനുള്ള പരിശ്രമം നമ്മുടെ ഭാഗത്തു നിന്നും മുന്നോട്ടുള്ള കാലയളവിൽ ഉണ്ടാവേണ്ടതുണ്ട്.

നമ്മളെ ദ്രോഹിച്ചവരോട് നമ്മളാൽ കഴിയുന്നതുപോലെ ക്ഷമിക്കാൻ സാധിക്കട്ടെ. നമ്മൾ ദ്രോഹിച്ചവരോട് നമ്മളാൽ കഴിയുന്നതുപോലെ ക്ഷമ ചോദിക്കാനും സാധിക്കട്ടെ.