motivation-158

നമ്മളിൽ പലർക്കും ചെറുപ്പം തൊട്ടു പലരിൽ നിന്നും കളിയാക്കലുകൾ ഒരുപക്ഷെ നേരിടേണ്ടി വന്നിട്ടുണ്ടാവാം.കുഞ്ഞുനാളിൽ ഉണ്ടായ കളിയാക്കലുകൾ നമ്മളിൽ ഒത്തിരി വേദനക്ക് കാരണമായിട്ടുണ്ടാവാം.

ഒത്തിരി കാലം കഴിഞ്ഞിട്ടും നമ്മളിൽ ചിലരെങ്കിലും പണ്ട് കളിയാക്കൽ നേരിടേണ്ടി വന്ന അനുഭവം മറക്കാതെ മനസ്സിൽ സൂക്ഷിക്കുന്നുണ്ടാവും.

ഒരുപക്ഷെ പലരും തമാശക്ക് കളിയാക്കിയതാണെങ്കിൽ കൂടിയും അവരൊക്കെ അന്നേരം തന്നെ ആ സംഭവങ്ങൾ മറന്നുപോയിട്ടുണ്ടാവാം, എന്നാൽ കളിയാക്കൽ നേരിടേണ്ടി വന്ന വ്യക്തി ഒത്തിരി നാൾ അതുമൂലം ഉണ്ടായ വിഷമങ്ങൾ അനുഭവിക്കുന്നുവെന്നത് വളരെയേറേ ദുഃഖകരമാണ്.

ആരെയും മനഃപൂർവ്വം കളിയാക്കാതിരിക്കാൻ ശ്രദ്ധിക്കുക. കളിയാക്കുന്നതിലൂടെ കളിയാക്കൽ നേരിടുന്ന വ്യക്തി അനുഭവിക്കുന്ന ബുദ്ധിമുട്ട് എത്രമാത്രമാണെന്ന് കളിയാക്കുന്നവർ തിരിച്ചറിയണമെങ്കിൽ സ്വന്തം അനുഭവത്തിൽ ഒരുപക്ഷെ വരേണ്ടി വരും.

കളിയാക്കലുകൾ വഴി ഉണ്ടാകുന്ന മാനസിക ബുദ്ധിമുട്ട് ഒത്തിരി അധികമാണ്. എല്ലാവരും എല്ലാം തികഞ്ഞല്ല ഈ ഭൂമിയിൽ ജനിച്ചു വീണത്. നമ്മൾക്ക് കിട്ടിയ സൗകര്യങ്ങൾ ഒന്നും തന്നെ നമ്മുടെ കഴിവുകൊണ്ട് നേടിയതല്ലല്ലോ. മറ്റുള്ളവരെ കളിയാക്കാതിരിക്കാൻ നമ്മൾ ഓരോരുത്തർക്കും ഇനിയുള്ള കാലം ശ്രമിക്കാം.