motivation-143

ജീവിതത്തിൽ എപ്പോഴും സന്തോഷം മാത്രമായിരിക്കില്ല ഉണ്ടാവുക, ഒരുപക്ഷെ സങ്കടങ്ങളും ഉണ്ടായെന്നു വന്നേക്കാം.

നമ്മൾ ആഗ്രഹിച്ചതൊക്കെ നമ്മൾക്ക് എല്ലായ്പോഴും ഒരുപക്ഷെ നേടാൻ സാധിച്ചെന്നു വരില്ല.പരാജയങ്ങൾ ഒരുപക്ഷെ നിരവധി തവണ ഏറ്റുവാങ്ങേണ്ടി വന്നേക്കാം, എങ്കിൽ പോലും വിജയം നേടും വരെ പോരാടാനുള്ള മനസ്സ് നമ്മൾക്ക് ഉണ്ടാവണം.

ജീവിതത്തിൽ ഉണ്ടാകുന്ന കഷ്ടപ്പാടുകൾ ക്ഷമയോടെ സഹിച്ചെങ്കിൽ മാത്രമേ മുന്നോട്ടു പല കാര്യങ്ങളും നമ്മൾക്ക് നേടിയെടുക്കാൻ സാധിക്കുകയുള്ളു.

നമ്മളുടെ ജീവിതത്തിൽ ഉണ്ടാകുന്ന ഓരോ മാറ്റങ്ങളെയും നമ്മൾ ശരിയായ വിധത്തിൽ ഉൾകൊള്ളാൻ പഠിക്കേണ്ടതുണ്ട്.

നമ്മൾ എത്ര സമ്പാദിച്ചാലും, നേട്ടങ്ങൾ സ്വന്തമാക്കിയാലും ഈ ലോകത്തിൽ നിന്നും ഒന്നും തന്നെ കൊണ്ടുപോകുന്നില്ല.

ജീവിതത്തിൽ ഉണ്ടായിട്ടുള്ള നഷ്ടങ്ങളിൽ മനസ്സ് വേദനിക്കാതെ വിജയം നേടും വരെ ആത്മാർത്ഥമായി പരിശ്രമിക്കാൻ നമ്മൾ ഓരോരുത്തർക്കും സാധിക്കേണ്ടതുണ്ട്.

നമ്മളെ കളിയാക്കാനും, കുറ്റപ്പെടുത്താനും, തോൽപ്പിക്കാനും, ചതിക്കാനും ചുറ്റിലും ആളുകൾ ഒരുപക്ഷെ ഉണ്ടായേക്കാം അപ്പോഴൊക്കെ അതിനെയെല്ലാം ക്ഷമയോടെ നേരിട്ടുകൊണ്ട് വിജയത്തിലൂടെ ചെറുത്തു തോൽപ്പിക്കാൻ നമ്മൾക്ക് കഴിയണം.

പണം എല്ലായ്പോഴും നമ്മുടെ പക്കൽ ഉണ്ടായെന്നു വരില്ല. പണം ഇല്ലെങ്കിൽ പോലും ഉള്ളതിൽ തൃപ്തിപ്പെട്ടുകൊണ്ട് മുന്നോട്ടു പോകാൻ നമ്മൾക്ക് കഴിയണം.

നമ്മൾ നല്ലതുപോലെ കഷ്ടപ്പെട്ടാൽ തീർച്ചയായും നമ്മൾക്ക് ഒരുനാൾ വിജയം നേടിയെടുക്കാൻ ഒരുപക്ഷെ സാധിച്ചേക്കും.

ജീവിതം ആസ്വദിക്കാൻ പലപ്പോഴും നമ്മൾക്ക് കഴിയാത്തതിന് കാരണം നമ്മുടെ പക്കൽ ആവശ്യത്തിന് കഴിവോ, സാമ്പത്തിക സ്ഥിതിയോ ഒന്നും തന്നെ ഇല്ലാത്തതുകൊണ്ടായിരിക്കാം.

നമ്മുടെ ചുറ്റിലും നോക്കിയാൽ എത്രയെത്ര മനുഷ്യരാണ് അവരുടെ ജീവിതം ഒന്നുമില്ലായ്‌മയിൽ പോലും ആസ്വദിക്കുന്നത്.

ദുഃഖങ്ങളും, ദുരിതങ്ങളും, നഷ്ടങ്ങളും ഉണ്ടെങ്കിൽ പോലും എന്നെങ്കിലുമൊരിക്കൽ നമ്മൾക്ക് ജീവിതത്തിൽ സന്തോഷം കണ്ടെത്താൻ സാധിക്കുമെന്നുള്ള ഉറച്ച വിശ്വാസത്തിൽ മുന്നോട്ടു പോകുവാനും അതിനായി ആത്മാർത്ഥതയോടെ പരിശ്രമിക്കാനും സാധിക്കട്ടെ.