motivation-157

ഏതൊരാൾക്കും ഏറ്റവും കൂടുതൽ ആവശ്യം വേണ്ടത് മനഃസമാധാനമാണ്. ഒത്തിരി കാര്യങ്ങൾ തെറ്റായത് ചെയ്തുകഴിഞ്ഞാൽ മനഃസമാധാനം നഷ്ടമായേക്കാം.

സുഖസൗകര്യങ്ങളോ, പണമോ ഉണ്ടായതുകൊണ്ടുമാത്രം മനഃസമാധാനം ഉണ്ടാവണമെന്നില്ല.

മനസ്സിനെ അസ്വസ്ഥതപ്പെടുത്തുന്ന കാര്യങ്ങളിൽ നിന്നും വിട്ടുനിൽക്കാൻ നമ്മൾ ഓരോരുത്തരും വളരെയേറെ ശ്രദ്ധിക്കേണ്ടതുണ്ട്.

മനഃസമാധാനം നഷ്ടമാകാതിരിക്കാൻ ശരിയല്ലാത്ത കാര്യങ്ങളിൽ നിന്നും അകലം പാലിക്കുക വളരെ പ്രധാനപ്പെട്ടതാണ്.

ആവശ്യത്തിന് പണം ഇല്ലെങ്കിലും, ആവശ്യത്തിൽ കൂടുതൽ പണം ഉണ്ടെങ്കിലും ചിലർക്കെങ്കിലും മനഃസമാധാനം നഷ്ടപ്പെട്ടേക്കാം.

പരാജയങ്ങൾ നേരിടേണ്ടി വരുന്നത്,ആരോഗ്യം നഷ്ടപ്പെടുന്നത്, നഷ്ടങ്ങൾ ഉണ്ടാവുന്നത്, അപമാനങ്ങൾ നേരിടേണ്ടി വരുന്നത്, ഒഴിവാക്കലുകൾ അനുഭവിക്കേണ്ടി വരുന്നത് എല്ലാം തന്നെ നമ്മളിലെ മനഃസമാധാനം ഒരുപക്ഷെ നഷ്ടപ്പെടുത്തിയേക്കാം.

മനഃസമാധാനം കിട്ടുന്ന പ്രവർത്തികളിൽ ഏർപ്പെടുക. സമയം വെറുതെ പാഴാക്കാതിരിക്കുക.

മനഃസമാധാനം നഷ്ടപ്പെടാനുള്ള സാഹചര്യം ഒഴിവാക്കുക. ആരോഗ്യത്തിനും, സമ്പത്തിനും, സുഖസൗകര്യങ്ങൾക്കും വേണ്ട പ്രാധാന്യം നൽകുക.

മനഃസമാധാനം നഷ്ടപ്പെടുത്തുന്ന പ്രവർത്തികളിൽ നിന്നും വിട്ടുനിൽക്കാനും മനഃസമാധാനം നേടിയെടുക്കാൻ ആത്മാർത്ഥമായി പ്രവർത്തിക്കുവാനും നമ്മൾ എല്ലാവർക്കും സാധിക്കട്ടെ.