motivation-190

നമ്മൾ ജീവിക്കുന്ന ഈ പ്രപഞ്ചത്തിൽ ഇരുട്ടും പ്രകാശവുമുണ്ട്. ഇരുട്ട് അനുഭവപ്പെടുന്നത് പ്രകാശം നഷ്ടപ്പെടുമ്പോഴാണ്. പ്രകാശം തിരിച്ചറിയാൻ കഴിയുക ഇരുട്ട് അകലുമ്പോഴാണ്.

ഇരുട്ടിനു അപ്പുറം പ്രകാശമുണ്ടെന്നുള്ള തിരിച്ചറിവ് നമ്മൾക്ക് ഉണ്ടാവേണ്ടതുണ്ട്.

മുന്നോട്ടുള്ള വഴികൾ നമ്മൾക്ക് മുന്നിൽ പലപ്പോഴും ഇരുട്ടായിട്ട് അനുഭവപ്പെട്ടേക്കാം. ഇരുട്ടിനെ വേണ്ടതുപോലെ പ്രതിരോധിക്കാൻ നമ്മൾക്ക് കഴിയേണ്ടതുണ്ട്, എങ്കിൽ മാത്രമാണ് പ്രകാശം കണ്ടെത്താൻ ഒരുപക്ഷെ കഴിയുകയുള്ളു.

ഓരോ ഇരുട്ടിനു പിന്നിലും എന്തെങ്കിലുമൊക്കെ കാരണങ്ങൾ കണ്ടേക്കാം. ഇരുട്ടിന്റെ കാരണങ്ങൾ ശരിയായ വിധത്തിൽ പരിഹരിച്ചില്ലെങ്കിൽ ഒരുപക്ഷെ ഇരുട്ടിൽ തന്നെ നമ്മളിൽ പലർക്കും തുടരേണ്ടി വന്നേക്കാം.

ഒന്നും ചെയ്യാതിരുന്നാൽ നമ്മുടെയൊക്കെ ജീവിതത്തിൽ ഇരുട്ട് നിറഞ്ഞേക്കാം. നമ്മുടെ ജീവിതത്തിൽ പ്രകാശം നിറ യ്ക്കാൻ നമ്മൾക്ക് ഇനിയെങ്കിലും കഴിയേണ്ടതുണ്ട്.

ഇരുട്ടിനെ അകറ്റാൻ നമ്മളുടെ ഭാഗത്തുനിന്നും നിരന്തരമായ പരിശ്രമം ആവശ്യമാണ്.

ഇരുട്ടിൽ കഴിയാനല്ല നമ്മൾ ഓരോരുത്തരും ഇനിയുള്ള കാലം ആഗ്രഹിക്കേണ്ടത്.

ഇരുട്ട് നമ്മളിൽ നിന്നും അകലാൻ അതിന്റെതായ സമയം ആവശ്യമാണ്. ക്ഷമയോടെ പരിശ്രമിച്ചെങ്കിൽ മാത്രമാണ് ഇരുട്ടിനെ ഒരു പരിധിവരെയെങ്കിലും നമ്മൾക്ക് അകറ്റി നിർത്താൻ കഴിയുകയുള്ളു.

പണവും, സുഖ സൗകര്യങ്ങളും, ആരോഗ്യവും ഒന്നും തന്നെ എല്ലാ കാലവും നമ്മോടൊപ്പം ഉണ്ടാവണമെന്നില്ലല്ലോ.

അലസതയെ വേണ്ടതുപോലെ ഒഴിവാക്കിയാൽ മാത്രമാണ് പലപ്പോഴും നമ്മൾക്ക് മുന്നേറാൻ കഴിയുകയുള്ളു.

സാഹചര്യങ്ങളെ ഉൾക്കൊണ്ട് മുന്നേറാൻ, ഇരുട്ടിനു അപ്പുറം പ്രകാശമുണ്ടെന്നുള്ള തിരിച്ചറിവ് നേടാനും, മുന്നോട്ടുള്ള നാളുകളിൽ പ്രകാശം കണ്ടെത്താനായിട്ട് ശരിയായ വഴികളിലൂടെ മാത്രം സഞ്ചരിക്കാനും നമ്മൾ എല്ലാവർക്കും കഴിയട്ടെ