motivation-204

നമ്മുടെ ചുറ്റിലും നല്ലതും, മോശമായതും നടക്കുന്നുണ്ട്. മോശമായതിനെ ഒഴിവാക്കിയില്ലെങ്കിൽ നമ്മൾക്ക് വിലപ്പെട്ട സമയം നഷ്ടപ്പെടുത്തേണ്ടി വന്നേക്കാം.

സമയം നമ്മൾ എങ്ങനെ വിനിയോഗിക്കുന്നു എന്നതനുസരിച്ചിരിക്കും നമ്മൾ ഓരോരുത്തർക്കും ലഭിക്കുന്ന ഫലങ്ങൾ.

സമയം പാഴാക്കുന്ന കാര്യങ്ങൾ കണ്ടെത്തി ഒഴിവാക്കേണ്ടത് നമ്മുടെ ഓരോരുത്തരുടെയും ഉത്തരവാദിത്തമാണ്.

അനാവശ്യ കാര്യങ്ങൾക്കായി സമയം ചിലവഴിക്കാതിരിക്കുക. നമ്മൾക്ക് ലഭിക്കുന്ന സമയം പാഴാക്കിയാൽ ഒരിക്കലും നഷ്ടപ്പെട്ട സമയം തിരികെ കിട്ടില്ലായെന്ന യാഥാർഥ്യം ഇനിയെങ്കിലും തിരിച്ചറിയുക.

സമയം പാഴാക്കുന്ന കാര്യങ്ങളോട്, ആരോഗ്യത്തെ നശിപ്പിക്കുന്ന കാര്യങ്ങളോട്, സമാധാനം ഇല്ലാതാക്കുന്ന കാര്യങ്ങളോട് എല്ലാം തന്നെ എതിർക്കാൻ നമ്മൾ ഓരോരുത്തർക്കും കഴിയേണ്ടതുണ്ട്.

നമ്മൾ ചിലവഴിക്കുന്ന സമയത്തിന്റെ കാര്യങ്ങളെല്ലാം തന്നെ നമ്മുടെ നിയന്ത്രണത്തിൽ കൊണ്ടുവരാൻ കഴിയണം.

നമ്മുടെ ഭാഗത്തു നിന്നും വേണ്ടതുപോലെ പരിശ്രമം ഉണ്ടെങ്കിൽ മാത്രമേ സമയം പാഴാക്കുന്ന കാര്യങ്ങളിൽ നിന്നും ഒരുപക്ഷെ വിട്ടുനിൽക്കാൻ കഴിയുകയുള്ളു.

നമ്മുടെ സന്തോഷം നഷ്ടപ്പെടാതിരിക്കാൻ നമ്മൾക്ക് കിട്ടുന്ന ഓരോ നിമിഷവും പ്രയോജനകരമായ കാര്യങ്ങൾ ചിലവഴിക്കുന്നതിൽ ശ്രദ്ധിക്കുക.

ഒത്തിരിയേറെ നല്ല കാര്യങ്ങൾ ചെയ്യാനുള്ള വിലപ്പെട്ട സമയങ്ങളാണ് നമ്മളിൽ പലരും ഒരുപക്ഷെ അനാവശ്യ കാര്യങ്ങൾക്ക് സമയം മാറ്റിവെച്ചുകൊണ്ട് പാഴാക്കുന്നത്.

സമയം വേണ്ട രീതിയിൽ ചിലവഴിക്കാൻ അലസത കൈവെടിയേണ്ടതുണ്ട്. നമ്മുടെ ദാരിദ്ര്യവും, കഷ്ടപ്പാടുകളും, ദുരിതങ്ങളുമെല്ലാം നമ്മളെ വിട്ടകലണ മെങ്കിൽ നല്ലതുപോലെ സമയത്തെ ഉപയോഗപ്പെടുത്തേണ്ടതുണ്ട്.

സമയം പാഴാക്കുന്ന കാര്യങ്ങളിൽ നിന്നും വിട്ടു നിൽക്കാൻ നമ്മൾ ഓരോരുത്തർക്കും ഇനിയുള്ള നാളുകളിൽ സാധിക്കട്ടെ.