motivation-164

നമ്മൾ ഓരോരുത്തർക്കും പല നിമിഷത്തിലും ദുഃഖങ്ങൾ കടന്നുവരാം. ദുഃഖത്തിന്റെ നിമിഷങ്ങൾ വേണ്ടതുപോലെ കൈകാര്യം ചെയ്യാൻ കഴിയേണ്ടതുണ്ട്.

ഓരോ ദുഃഖത്തിന് പിന്നിലും ഒത്തിരിയേറെ കാരണങ്ങൾ ഉണ്ടായെന്നു വരാം. ദുഃഖത്തിന്റെ കാരണങ്ങൾ കണ്ടെത്തി ശരിയായ വിധത്തിൽ പരിഹരിക്കേണ്ടതുണ്ട്.

ദുഃഖങ്ങൾ മാറാൻ അതിന്റെതായ സമയം ആവശ്യമാണ്. നഷ്ടങ്ങളും, പരിഹസിക്കലുകളും,ഒഴിവാക്കലുകളും, പരാജയങ്ങളും, ഏകാന്തതയും,സാമ്പത്തിക ബുദ്ധിമുട്ടുകളും, രോഗാവസ്ഥയും, മറ്റുള്ളവരുടെ ഭാഗത്തു നിന്നുള്ള മോശമായ പെരുമാറ്റങ്ങളും എന്നു തുടങ്ങി ഒത്തിരിയേറെ കാരണങ്ങൾ എല്ലാം തന്നെ നമ്മൾക്ക് ദുഃഖങ്ങൾക്ക് ഒരുപക്ഷെ കാരണമായേക്കാം.

ദുഃഖം നമ്മിൽ നിന്നും അകലാൻ നമ്മുടെ ഭാഗത്തു നിന്നും അതിനുള്ള ശ്രമങ്ങൾ ആവശ്യമാണ്.

ഏതൊരു ദുഃഖം ആണെങ്കിൽ പോലും അതെല്ലാം ശരിയായ വിധത്തിൽ പരിഹരിക്കാൻ ശ്രമിക്കുക.

അലസത ഒഴിവാക്കിയില്ലെങ്കിൽ ദുഃഖം നമ്മളെ വിട്ടുപോകുകയില്ല. ദുഃഖത്തിൽ തന്നെ ആയിരുന്നാൽ നമ്മുടെ വിലപ്പെട്ട സമയങ്ങൾ ആയിരിക്കും നഷ്ടപ്പെടുക.

ഇന്നലെകളിൽ നമ്മൾക്കുണ്ടായ ദുഃഖങ്ങൾ നൽകിയ തിരിച്ചറിവുകളാണ് ഇന്ന് നമ്മളിൽ പലർക്കും സന്തോഷിക്കാൻ കാരണമായിട്ടുള്ളത്.

പരിശ്രമിക്കാതെ നേട്ടങ്ങൾ സ്വന്തമാക്കാൻ ഒരിക്കലും കഴിയില്ല. വേണ്ടതുപോലെ പരിശ്രമിച്ചില്ലെങ്കിൽ ദുഃഖിക്കാൻ ഇടവന്നേക്കാം.

ഇന്നിന്റെ ദുഃഖങ്ങൾ നമ്മുടെ കഴിവിന്റെ പരമാവധി ശ്രമിച്ചാൽ മാറുക തന്നെ ചെയ്യുമെന്ന് ഉറച്ചു വിശ്വസിക്കുക.ദുഃഖങ്ങളെ ശരിയായ വിധത്തിൽ അകറ്റാൻ ആത്മാർത്ഥമായി പരിശ്രമിക്കാൻ ഇനിയുള്ള നാളുകളിൽ കഴിയട്ടെ.