motivation-197

ഒത്തിരിയേറെ ചിന്തകൾ നമ്മുടെയൊക്കെ മനസ്സിലൂടെ ദിനംപ്രതി കടന്നുപോയി കൊണ്ടിരിക്കുന്നുണ്ട്.

നമ്മളുടെ മനസ്സിൽ ചിലപ്പോഴൊക്കെ അനാവശ്യ ചിന്തകൾ കടന്നുവന്നേക്കാം. നമ്മളിലേക്ക് കടന്നുവരുന്ന അനാവശ്യ ചിന്തകൾ നമ്മളെ മോശപ്പെട്ട പ്രവർത്തികൾ ചെയ്യാൻ ഒരുപക്ഷെ പ്രേരിപ്പിച്ചേക്കാം.

അനാവശ്യ ചിന്തകളെ ഒഴിവാക്കികൊണ്ട് നല്ല ചിന്തകളെ കൂടെ കൂട്ടാൻ നമ്മൾക്ക് കഴിയേണ്ടതുണ്ട്.

നമ്മൾ അനുവദിക്കാതെ നമ്മളിലേക്ക് അനാവശ്യ ചിന്തകൾ എല്ലായ്‌പോഴും കടന്നുവരണമെന്നില്ല. അനാവശ്യ ചിന്തകൾ നമ്മളിലേക്ക് കടന്നുവരാതിരിക്കാൻ നല്ലതുപോലെ പരിശ്രമിക്കേണ്ടതായിട്ടുണ്ട്.

അനാവശ്യ ചിന്തകളെ ഒഴിവാക്കിയില്ലെങ്കിൽ നമ്മളിൽ നിന്നും സന്തോഷവും, സമാധാനവുമെല്ലാം ഒരുപരിധി വരെ അകന്നുപോയേക്കാം.

നമ്മൾ കണ്ടും കേട്ടും അനുഭവിച്ചുമുള്ള കാര്യങ്ങളാണ് ഒട്ടുമിക്കപ്പോഴും നമ്മളിലേക്ക് അനാവശ്യ ചിന്തകൾ കടന്നുവരുന്നതിനു കാരണമാകുന്നത്.

നമ്മൾ എത്ര പരിശ്രമിച്ചാലും ഒരുപക്ഷെ പൂർണ്ണമായ തോതിൽ അനാവശ്യ ചിന്തകളെ ഒഴിവാക്കാൻ സാധിച്ചെന്ന് വരില്ല.

അനാവശ്യ ചിന്തകൾ കടന്നുവരുമ്പോൾ എത്രയും പെട്ടെന്ന് തന്നെ മനസ്സിനെ നല്ല ചിന്തകളിലേക്ക് കടത്തി വിടാൻ പരിശ്രമിച്ചുകൊണ്ടിരിക്കുക.

നല്ല ചിന്തകളെ കൂടെ കൂട്ടിയാൽ ഒരുപക്ഷെ ഒരു പരിധി വരെയെങ്കിലും അനാവശ്യ ചിന്തകളെ ഒഴിവാക്കാൻ സാധിച്ചേക്കും.

എല്ലാവർക്കും അനാവശ്യ ചിന്തകളെ പൂർണ്ണമായി ഒഴിവാക്കികൊണ്ട് നല്ല ചിന്തകളുമായി മുന്നേറാൻ സാധിക്കട്ടെ.