motivation-144

എന്തുകാര്യത്തിലും വിജയിക്കണമെങ്കിൽ ശരിയായ വിധത്തിലുള്ള പരിശ്രമം ആവശ്യമാണ്.നമ്മൾക്കുണ്ടായ പരാജയത്തിന്റെ കാരണങ്ങൾ കണ്ടെത്താനും ശരിയായ വിധത്തിൽ പരിഹരിക്കാനും സാധിച്ചെങ്കിൽ മാത്രമേ വിജയം നേടാൻ കഴിയുകയുള്ളു.

പരാജയങ്ങൾ നമ്മൾക്ക് മുന്നോട്ടുള്ള യാത്രക്ക് ഒത്തിരിയേറെ തടസ്സം സൃഷ്ടിച്ചേക്കാം. ചെയ്യേണ്ട കാര്യങ്ങൾ ചെയ്യേണ്ടതുപോലെ ചെയ്തില്ലെങ്കിൽ പരാജയം നമ്മളിൽ പലർക്കും പലപ്പോഴും ഏറ്റുവാങ്ങേണ്ടി വന്നേക്കാം.

പരാജയത്തിന്റെ കാരണങ്ങൾ കണ്ടെത്തി വേണ്ടതുപോലെ പരിഹരിക്കാൻ ശ്രമിച്ചില്ലെങ്കിൽ വിജയം നമ്മളിൽ നിന്നും അകന്നുപോയേക്കാം.

പണത്തിന്റെ, സൗകര്യങ്ങളുടെ, കഴിവുകളുടെ കുറവുകൊണ്ട് പലയിടങ്ങളിലും നമ്മൾ പരാജയപ്പെട്ടേക്കാം. ഒരാൾ വിജയിച്ച മാർഗത്തിലൂടെ പിന്തുടർന്ന് കഴിഞ്ഞാൽ പോലും എല്ലാവർക്കും വിജയം നേടാൻ കഴിഞ്ഞെന്ന് വരില്ല. വിജയത്തിനായി വ്യത്യസ്തമായ മാർഗങ്ങൾ ഉചിതം പോലെ ഓരോരുത്തരും സാഹചര്യം അനുസരിച്ചു സ്വീകരിക്കേണ്ടതായിട്ടുണ്ട്.

പരാജയം ആർക്കും എപ്പോൾ വേണമെങ്കിലും വരാം. പരാജയപ്പെട്ടതിനെയോർത്തു സങ്കടപ്പെട്ടിരുന്നാൽ, പരിശ്രമിക്കാതിരുന്നാൽ നമ്മൾക്ക് വിജയം നേടാൻ ഒരുപക്ഷെ കഴിഞ്ഞെന്ന് വരില്ല.

വിജയം നേടാൻ പരിശ്രമിക്കാതെ മറ്റു മാർഗങ്ങളില്ല. നിരവധി തവണ പരാജയപ്പെട്ട വ്യക്തികൾ നമ്മൾക്ക് ചുറ്റിലുമുണ്ട് അവരൊക്കെ നേരിട്ട പരാജയങ്ങളിൽ തളരാതെ മുന്നേറിയതുകൊണ്ടാണ് പിന്നീട് ഒത്തിരി നേട്ടങ്ങൾ അവരിൽ പലർക്കും സ്വന്തമാക്കാൻ സാധിച്ചത്.

വിജയങ്ങൾ സ്വന്തമാക്കാൻ നമ്മൾക്കുണ്ടായ ഓരോ പരാജയത്തിന്റെയും കാരണങ്ങൾ കണ്ടെത്തികൊണ്ട് ശരിയായ വിധത്തിൽ പരിഹരിക്കാൻ ഇനിയുള്ള നാളുകളിൽ സാധിക്കട്ടെ.