motivation-86

എതൊരു മനുഷ്യനും ചുറ്റിലുമുള്ളവരിൽ നിന്നും പരിഗണന ആഗ്രഹിക്കുന്നുണ്ട്. നമ്മളെ പരിഗണിക്കാത്തവരെ നമ്മൾ പരിഗണിക്കാൻ പൊതുവിൽ താല്പര്യപ്പെടാറില്ലല്ലോ.

പരിഗണന നമ്മൾക്ക് പല സാഹചര്യത്തിലും ആവശ്യമാണ്. പരിഗണിക്കേണ്ട സമയത്തു പരിഗണിക്കേണ്ട വിഷയങ്ങൾ പരിഗണിച്ചില്ലായെങ്കിൽ പിന്നിടുള്ള കാലം ഒരുപക്ഷെ അതിന്റെ പേരിൽ വിഷമിക്കേണ്ടി വന്നേക്കാം.

മറ്റുള്ളവരെ വേണ്ടതുപോലെ പരിഗണിച്ചില്ലെങ്കിൽ പിന്നീട് നമ്മൾക്ക് അവരിൽ നിന്നും ഒരുപക്ഷെ അവഗണന നേരിടേണ്ടി വന്നേക്കാം.

മറ്റുള്ളവരിൽ നിന്നും കിട്ടുന്ന അവഗണനകൾ ഒരുപക്ഷെ നമ്മളെ ഒത്തിരിയധികം വിഷമിപ്പിച്ചേക്കാം.

മറ്റുള്ളവർ നമ്മളെ പരിഗണിക്കാത്തതിന് ഒത്തിരി കാരണങ്ങൾ ഉണ്ടായേക്കാം, നമ്മൾ അതിന്റെ പേരിൽ വിഷമിച്ചിരിക്കാതിരിക്കുക.

ആരൊക്കെ നമ്മളെ അവഗണിച്ചാലും നമ്മൾ, നമ്മളെ തന്നെ സ്നേഹിക്കാൻ പഠിക്കുക.

മറ്റുള്ളവർ ഒരുപക്ഷെ നമ്മളെ അവഗണിക്കുന്നതിന് ഒത്തിരിയധികം കാരണങ്ങൾ ഉണ്ടാവാം.

നമ്മൾക്ക് കഴിവില്ലാത്തത് ആകാം, സൗന്ദര്യം ഇല്ലാത്തത് ആകാം, ജോലി ഇല്ലാത്തതാകാം, സാമ്പത്തികം ഇല്ലാത്തത് ആകാം അങ്ങനെ ഒത്തിരിയേറെ കാരണങ്ങൾ ഉണ്ടായെന്നു വരാം നമ്മളെ അവഗണിക്കാനായിട്ട്.

പലരുടെയും അവഗണന ഒരുപക്ഷെ മനസ്സിൽ ഒത്തിരിയേറെ വേദനകൾ സമ്മാനിച്ചിട്ടുണ്ടാവാം.

നമ്മൾക്ക് കിട്ടിയ ഓരോ അവഗണനയും നമ്മൾ കൂടുതൽ കരുത്തോടെ മുന്നേറാനുള്ള ഊർജമായി കരുതേണ്ടതുണ്ട്. നമ്മളെ അവഗണിച്ചവർ, നമ്മളെ പരിഗണിക്കുന്ന സമയങ്ങൾ ഒരുപക്ഷെ നമ്മുടെ ഉയർച്ച സമയത്ത് കടന്നുവരാം.

ആരൊക്കെ നമ്മളെ അവഗണിച്ചാലും അതിൽ വിഷമിച്ചിരിക്കാതെ നേട്ടങ്ങൾ സ്വന്തമാക്കാനായി കരുത്തോടെ മുന്നേറണ്ടതുണ്ട്.

അവഗണനകൾ പലപ്പോഴായി ഒരുപക്ഷെ നേരിടേണ്ടി വന്നേക്കാം, അതിലൊന്നും തളരാതെ മുന്നേറാൻ നമ്മൾ എല്ലാവർക്കും സാധിക്കട്ടെ.