motivation-133

തെറ്റുകൾ ആർക്കും എപ്പോൾ വേണമെങ്കിലും സംഭവിക്കാം.അറിഞ്ഞുകൊണ്ടും അറിയാതെയും നമ്മുടെ ഭാഗത്തുനിന്നും തെറ്റുകൾ പലപ്പോഴും സംഭവിക്കാറുണ്ട്. മുന്നോട്ടുള്ള നാളുകളിൽ നമ്മുടെ ഭാഗത്തുനിന്നും ഉണ്ടായിട്ടുള്ള തെറ്റുകൾ തിരുത്താൻ നമ്മൾ ഒരുക്കമാകേണ്ടതുണ്ട്.

കൃത്യമായി തന്നെ തെറ്റുകൾ തിരുത്തിയില്ലെങ്കിൽ ഭാവിയിൽ ഏതെങ്കിലും തരത്തിൽ ദോഷം ചെയ്തേക്കാം.

തെറ്റുകൾ കണ്ടെത്തി പരിഹരിക്കേണ്ടത് മുന്നോട്ടുള്ള യാത്രക്ക് വളരെ ആവശ്യമാണ്. തെറ്റുകളിലൂടെയുള്ള യാത്ര ഒരിക്കലും ലക്ഷ്യത്തിൽ നമ്മളെ കൊണ്ടെത്തിക്കില്ല.

തെറ്റുകൾ കണ്ടെത്തിയാൽ ഉടനെ തന്നെ പരിഹാരം തേടേണ്ടതുണ്ട്.

ചെറിയ തെറ്റുകൾ തുടക്കത്തിൽ തന്നെ പരിഹരിച്ചില്ലെങ്കിൽ ഭാവിയിൽ വലിയ തെറ്റുകൾ സംഭവിക്കാൻ ഒരുപക്ഷെ കാരണമായേക്കാം.

ഇന്നലെകളിൽ വരുത്തിയ തെറ്റിന്റെ പരിണിതഫലം നാളുകൾ കഴിഞ്ഞായിരിക്കും നമ്മളിൽ പലർക്കും ഒരുപക്ഷെ അനുഭവപ്പെടുക.

പലപ്പോഴും മറ്റുള്ളവർ പറയുമ്പോഴായിരിക്കും നമ്മുടെ തെറ്റുകൾ എന്തെല്ലാമാണെന്ന് നമ്മളിൽ പലർക്കും ഒരുപക്ഷെ ശരിക്കും ബോധ്യമാകുക.

തെറ്റുകൾ ഒഴിവാക്കാൻ വേണ്ട ശ്രദ്ധ നൽകേണ്ടതുണ്ട്. ചെറിയ തെറ്റ് മതി വലിയൊരു അപകടത്തിന് കാരണമാകുവാൻ.

തെറ്റുകൾ തിരുത്തി മുന്നേറാൻ ശ്രദ്ധിക്കുക. തെറ്റാണെന്നു തിരിച്ചറിഞ്ഞിട്ടും തെറ്റിൽ തുടരുന്നത് നമ്മുടെയൊക്കെ ജീവിതത്തിൽ വളരെയേറെ സങ്കടത്തിന് കാരണമായേക്കാം.

തെറ്റിന്റെ പരിണിതഫലം എന്തായിരിക്കുമെന്ന് നമ്മളിൽ പലർക്കും ഊഹിക്കാൻ പോലും ഒരുപക്ഷെ സാധിക്കണമെന്നില്ല.

ഇന്നലെകളിൽ ആരെങ്കിലും വരുത്തിയ തെറ്റിന്റെ ഫലമാണ് ഒരുപക്ഷെ നമ്മളിൽ പലരും ഇന്നിപ്പോൾ ദുരിതമായിട്ട് അനുഭവിക്കുന്നത്.

ശരിയായ അറിവുകളുടെ അഭാവമാണ് നമ്മളിൽ പലരും ഇപ്പോഴും തെറ്റിൽ തന്നെ തുടർന്നുകൊണ്ടിരിക്കുന്നത്.

നമ്മുടെ ആരോഗ്യം ഇല്ലാതായാൽ മറ്റാരേക്കാളും നമ്മൾക്ക് തന്നെയാണ് അതിന്റെതായ ബുദ്ധിമുട്ട് ഉണ്ടാവുക എന്നത് തിരിച്ചറിയുക.

നമ്മളെ നേർവഴിക്ക് നടത്താൻ മറ്റുള്ളവരുടെ സഹായം എപ്പോഴും കിട്ടികൊള്ളണമെന്നില്ല. നമ്മുടെ അറിവും കഴിവും ഉപയോഗിച്ചുകൊണ്ട് സ്വന്തം ആയി തെറ്റുകളിൽ നിന്നും ഒഴിഞ്ഞുമാറാൻ വളരെയേറെ ശ്രദ്ധിക്കുക.

നമ്മൾ നമ്മുടെ തെറ്റുകളെക്കുറിച്ച് ബോധമുള്ളവരായിരിക്കണം. ഭാവിയിൽ തെറ്റുകൾ സംഭവിക്കാതിരിക്കാൻ ആവശ്യമായ മുൻകരുതൽ നമ്മൾ ഓരോരുത്തരും സ്വീകരിക്കേണ്ടതുണ്ട്.

നമ്മൾ വരുത്തിയ തെറ്റുകൾ എത്രയും പെട്ടെന്ന് തന്നെ പരിഹരിക്കാനുള്ള ആത്മാർത്ഥമായ ശ്രമങ്ങൾ നമ്മുടെ ഓരോരുത്തരുടെയും ഭാഗത്തുനിന്നും ഉണ്ടാവട്ടെ.