motivation-85

നമ്മൾക്ക് ഏതു കാര്യത്തിലും മുന്നേറാൻ ആത്മവിശ്വാസം ആവശ്യമാണ്. പല സാഹചര്യങ്ങളിലും നമ്മൾക്ക് ആത്മവിശ്വാസം തരുന്നത് പല ഘടകങ്ങളാണ്.

പണം ഉണ്ടെങ്കിൽ, കഴിവ് ഉണ്ടെങ്കിൽ, വിജയം നേടിയാൽ അങ്ങനെ ഒത്തിരി നേട്ടങ്ങൾ നമ്മൾക്ക് ലഭിച്ചു കഴിഞ്ഞാൽ ഒരു പരിധി വരെ ആത്മവിശ്വാസം വർധിപ്പിച്ചേക്കാം.

മോശം സാഹചര്യത്തിലൂടെയൊക്കെ ഒരുപക്ഷെ നമ്മളിൽ പലർക്കും കടന്നുപോകേണ്ടി വന്നേക്കാം, നെഗറ്റീവ് ചിന്തകൾ മനസ്സിലേക്ക് കടന്നുകൂടിയേക്കാം, നിരാശകൾ കടന്നുവന്നേക്കാം, ചുറ്റിലുമുള്ള വേണ്ടപ്പെട്ടവരിൽ നിന്നും വേദനിപ്പിക്കുന്ന അനുഭവങ്ങൾ ഉണ്ടായേക്കാം ഇതെല്ലാം ഒരുപക്ഷെ നമ്മളിലെ ആത്മവിശ്വാസത്തെ ഒരു പരിധിവരെയെങ്കിലും ഇല്ലാതാക്കിയേക്കാം.

നമ്മൾ പരിശ്രമിച്ചാൽ മാത്രമേ ആത്മവിശ്വാസത്തെ ഉയർത്തികൊണ്ടുവരാൻ സാധിക്കുകയുള്ളു.

പണം, സുഖസൗകര്യങ്ങൾ എല്ലാം ഉണ്ടെങ്കിൽ പോലും ആത്മവിശ്വാസം ഉണ്ടാവണമെന്നില്ല.

നമ്മൾക്ക് ഇന്നുള്ള പലതും നാളെകളിൽ നഷ്ടപ്പെട്ടേക്കാം, അപ്പോഴെല്ലാം തളരാതെ പൊരുതാൻ നമ്മൾക്ക് കഴിയേണ്ടതുണ്ട്.

ആത്മവിശ്വാസം നഷ്ടപ്പെടുത്തുന്ന പ്രവർത്തികളിൽ നിന്നും വിട്ടുമാറുക. മുന്നോട്ടു ആത്മവിശ്വാസം വർധിപ്പിക്കുന്ന കാര്യങ്ങൾക്ക് വേണ്ട ശ്രദ്ധ നൽകുക.

ഒന്നുമില്ലായ്‌മയിൽ പോലും പലർക്കും മുന്നേറാൻ സാധിച്ചിട്ടുള്ളത്, സ്വന്തം കഴിവിൽ ആത്മവിശ്വാസം ഉള്ളതുകൊണ്ടാണ്.

എല്ലാവർക്കും ആത്മവിശ്വാസത്തോടെ നല്ല നേട്ടങ്ങൾ സ്വന്തമാക്കാൻ സാധിക്കട്ടെ.