motivation-128

നമ്മൾ എപ്പോഴും ആഗ്രഹിക്കുന്ന കാര്യം എങ്ങനെയാണ് സന്തോഷം കണ്ടെത്താൻ കഴിയുക എന്നതാണ്.ജീവിതത്തിൽ സന്തോഷം കണ്ടെത്താൻ എന്തൊക്കെയാണ് നമ്മുടെ മുൻപിലുള്ള ശരിയായ മാർഗങ്ങൾ?.

ഇന്നിപ്പോൾ നിരവധി വിനോദ മാർഗങ്ങൾ നമ്മുടെ ചുറ്റിലുമുണ്ട്. പണ്ട് ഉണ്ടായിരുന്ന വിനോദങ്ങൾ അല്ല ഇന്നിപ്പോൾ നമ്മൾക്ക് മുന്നിലുള്ളത്. ലോകത്തിന്റെ ഏതു കോണിൽ നിന്നും ഇന്നിപ്പോൾ ഇന്റർനെറ്റിന്റെ സഹായത്തോടെ വിവിധ വിനോദ പരിപാടികൾ ആസ്വദിക്കാൻ സാധിച്ചേക്കും.

ഏതൊരു വിനോദപരിപാടിക്ക് ആണെങ്കിൽ പോലും അതിന് പിന്നിൽ ഒത്തിരി കഷ്ടപ്പാടുണ്ട്. നിരവധി കലാകാരന്മാരുടെ കൂട്ടായ പരിശ്രമങ്ങളാണ് നമ്മൾക്ക് ഇന്നിപ്പോൾ ലഭിച്ചുകൊണ്ടിരിക്കുന്ന നിരവധിയായ വിനോദപരിപാടികൾ.

സോഷ്യൽ മീഡിയ വന്നതോടുകൂടി ഇന്നിപ്പോൾ നിരവധി അവസരങ്ങളാണ് അതിലുടെ തുറന്നു കിട്ടിയിരിക്കുന്നത്. സ്വന്തം കഴിവ് സമൂഹത്തിന്റെ മുൻപിൽ എത്തിക്കാൻ ഇന്നിപ്പോൾ സോഷ്യൽ മീഡിയ വഴി വളരെ എളുപ്പത്തിൽ തന്നെ സാധിക്കുന്നു.

വിനോദം മനുഷ്യർ ആഗ്രഹിക്കുന്നത് അവരുടെ ജീവിതത്തിലെ തിരക്കുകൾക്കിടയിൽ നിന്നും അൽപ്പമൊക്കെ ആശ്വാസം കണ്ടെത്തുന്നതിനുവേണ്ടിയാണ്‌.

അധ്വാനിക്കുന്നതിനോടൊപ്പം തന്നെ വിശ്രമിക്കാനും, വിനോദങ്ങൾക്കുമായി സമയം മാറ്റിവെക്കാൻ കഴിയേണ്ടതുണ്ട്.

മറ്റുള്ളവർക്ക് ബുദ്ധിമുട്ട് സൃഷ്ട്ടിക്കുന്ന തരത്തിൽ വിനോദങ്ങൾ പ്രോത്സാഹിപ്പിക്കാൻ പാടുള്ളതല്ല.

ഉപദ്രവം ആകുന്ന തരത്തിൽ ഇന്നിപ്പോൾ പല വിനോദ പരിപാടികളും മാറുന്നത് വളരെയേറെ ദുഃഖകരമായ കാര്യമാണ്.

മറ്റുള്ളവരെ കളിയാക്കിയും, അപമാനിച്ചും, പറ്റിച്ചുകൊണ്ടും വിനോദപരിപാടി നടത്തുന്നവർ ഒരുപക്ഷെ തിരിച്ചറിയുന്നുണ്ടാവില്ല അവരൊക്കെ അനുഭവിക്കുന്ന വേദനകൾ എത്രത്തോളമാണെന്ന്.

നമ്മൾക്ക് പൂർണ്ണമായി സന്തോഷവും സമാധാനവും കിട്ടുന്ന തരത്തിലുള്ള നല്ല വിനോദമാർഗങ്ങൾ മാത്രം കണ്ടെത്താനും അതിനായി മാത്രം വിനോദത്തിനായുള്ള സമയം മാറ്റിവെക്കാനും നമ്മൾ ഓരോരുത്തർക്കും കഴിയട്ടെ.