motivation-200

വേദന ഏതൊരാൾക്കും വളരെയേറെ ബുദ്ധിമുട്ട് സൃഷ്ടിക്കുന്ന കാര്യമാണ്. ഒരാൾ അനുഭവിക്കുന്ന വേദനക്ക് പകരമായി ആ വേദന സ്വീകരിക്കാൻ മറ്റാർക്കും കഴിയില്ലല്ലോ.

നമ്മൾക്കുണ്ടായ വേദനകൾ ഒന്നും തന്നെ നമ്മൾക്ക് എളുപ്പം മറക്കാൻ കഴിയുന്നവയല്ലല്ലോ. ഒരു കുഞ്ഞു ജനിക്കണമെങ്കിൽ കുഞ്ഞിന്റെ അമ്മ എന്തെല്ലാം വേദനകളിലൂടെ കടന്നുപോകേണ്ടതായിട്ട് വരും. അവരവർ അനുഭവിക്കുന്ന വേദന എത്രത്തോളം ആണെന്ന് ഒരുപരിധിവിട്ടു ആരെയും മനസ്സിലാക്കിക്കാൻ കഴിയണമെന്നില്ല.

വേദനകളെ ശരിയായ വിധത്തിൽ നേരിടാൻ പഠിക്കേണ്ടതുണ്ട്.വേദനകൾ നമ്മളിൽ നിന്നും വിട്ടകലാൻ അതിന്റെതായ സമയം ആവശ്യമാണ്.

ഇന്നലെകളിൽ പലരും അനുഭവിച്ച വേദനകൾ അവരുടെ കഴിവിന്റെ പരമാവധി ശ്രമിച്ചതിലൂടെ കുറയ്ക്കാൻ സാധിച്ചതുകൊണ്ടാണ്, പിന്നീട് അതേ വേദനകളിലൂടെ കടന്നുപോയവർക്ക് വളരെയേറെ ആശ്വാസം ആയിതിർന്നിട്ടുള്ളത്.

നമ്മൾ എത്ര വേദന അനുഭവിക്കേണ്ടി വന്നാൽ പോലും നമ്മൾ ആയിട്ട് ആരെയും മനഃപൂർവം വേദനിപ്പിക്കാതിരിക്കുക. 

കുഞ്ഞു നാൾ തൊട്ട് നമ്മൾ അനുഭവിച്ച വേദനകൾ, ഒരുപക്ഷെ നാളെകളിൽ മറ്റുള്ളവരെ ഉപദ്രവിക്കാൻ കാരണമായേക്കാം. നമ്മൾക്കുണ്ടായ മോശം അനുഭവങ്ങളെ വേണ്ട രീതിയിൽ പരിഹരിക്കാൻ ശ്രമിക്കുക വളരെയേറെ ആവശ്യമാണ്.

നമ്മൾ ആഗ്രഹിച്ചതൊക്കെ സമയാസമയങ്ങളിൽ നമ്മൾക്ക് ലഭിക്കണമെന്നില്ല.

ഇന്നലെകളിലെ വേദനകളെ ശരിയായ വിധത്തിൽ കൈകാര്യം ചെയ്യാൻ നമ്മൾക്ക് സാധിച്ചതുകൊണ്ടാണ് ഇന്നിപ്പോൾ ആ വേദനകളെ ഒരു പരിധി വരെയെങ്കിലും അതിജീവിക്കാൻ സാധിച്ചത്.

ഇനിയുള്ള കാലം ആരെയും വേദനിപ്പിക്കാതിരിക്കാൻ വളരെയേറെ ശ്രദ്ധിക്കാൻ നമ്മൾ ഓരോരുത്തർക്കും കഴിയട്ടെ.