motivation-141

തെറ്റുകൾ നമ്മുടെ ഭാഗത്തു നിന്നും പലപ്പോഴും സംഭവിക്കാറുണ്ട്. തെറ്റുകൾ എത്രയും പെട്ടെന്ന് തന്നെ തിരുത്തിയില്ലെങ്കിൽ ഒരുപക്ഷെ ഒത്തിരി നഷ്ടങ്ങൾ സംഭവിച്ചേക്കാം.

ശരികൾ കണ്ടെത്താൻ നമ്മൾ ഓരോരുത്തരും വളരെയേറെ ശ്രദ്ധിക്കേണ്ടതുണ്ട്. തെറ്റുകൾ നമ്മുടെ ജീവിതത്തിൽ ഉണ്ടാവാതെ നോക്കേണ്ടത് നമ്മുടെ ഉത്തരവാദിത്തമാണ്.

തെറ്റുകൾ ഒരിക്കലും ആവർത്തിക്കാതിരിക്കാൻ ശ്രദ്ധിക്കുക. നമ്മുടെ അറിവില്ലായ്മ കൊണ്ടാകാം ഒരുപക്ഷെ നമ്മുടെ ഭാഗത്തുനിന്നും തെറ്റുകൾ സംഭവിക്കാനുള്ള പ്രധാന കാരണം.

തെറ്റാണെന്നു മനസ്സിലായിട്ടും തിരുത്താൻ തയ്യാറാവുന്നില്ലെങ്കിൽ തെറ്റിന്റെ ഫലം നമ്മൾ അനുഭവിക്കേണ്ടി വന്നേക്കാം.

നമ്മുടെ ചുറ്റിലും എത്രയധികം ആളുകളാണ് തെറ്റിന്റെ ഫലമായിട്ട് ദുരിതം അനുഭവിച്ചുകൊണ്ടിരിക്കുന്നത്. ഒരുപക്ഷെ തുടക്കത്തിൽ തന്നെ തെറ്റ് തിരുത്തി തരാൻ ആരെങ്കിലും ഉണ്ടായിരുന്നെങ്കിൽ, തെറ്റ് മനസ്സിലാക്കി തിരുത്താൻ തയ്യാറായിരുന്നെങ്കിൽ ഒരുപക്ഷെ അവരിൽ പലർക്കും ദുരിതങ്ങളും, വേദനയും, നഷ്ടങ്ങളും സഹിക്കേണ്ടി വരില്ലായിരുന്നു.

ഒരുപക്ഷെ നമ്മളിൽ പലരും തെറ്റിലേക്ക് ആകർഷിക്കപ്പെടുന്നത് തെറ്റ് നൽകുന്ന സുഖം നമ്മൾ വളരെയേറെ ആസ്വദിക്കുന്നത് കൊണ്ടാകാം. കുറെ കാലം തെറ്റിൽ തുടർന്നു കഴിഞ്ഞാൽ നമ്മുടെ സുഖമുള്ള അവസ്ഥകൾ മാറി ഒരുപക്ഷെ ദുരിതങ്ങളിലേക്ക് കടന്നേക്കാം.

ദുരിതം നിറഞ്ഞ ജീവിതം നമ്മൾ ആഗ്രഹിക്കുന്നില്ലെങ്കിൽ തീർച്ചയായും നമ്മൾ ചെയ്യേണ്ടത് തെറ്റിനെ പിന്തുടരാതിരിക്കുക, തെറ്റിൽ തുടരാതിരിക്കുക എന്നതാണ്.

നമ്മൾ ഇന്ന് അനുഭവിക്കുന്ന സങ്കടങ്ങൾക്കുള്ള പ്രധാന കാരണങ്ങൾ നമ്മൾ പരിശോധിച്ചാൽ നമ്മൾക്ക് കിട്ടുക ഇന്നലെകളിലെ തെറ്റുകളാണ്.

തെറ്റുകളെ നിസ്സാരമായി ഒരിക്കലും കാണാതിരിക്കുക. തെറ്റുകൾ നമ്മുടെ ജീവിതത്തിൽ വരുത്താതെ നോക്കുക.

തെറ്റുകൾ മൂലം ഉണ്ടാവുന്ന നഷ്ടങ്ങൾ ഒരുപക്ഷെ തിരിച്ചെടുക്കാൻ നമ്മൾക്കു കഴിയണം എന്നില്ല.

തെറ്റുകൾ കണ്ടെത്തി എത്രയും പെട്ടെന്ന് തന്നെ തിരുത്താൻ നമ്മൾ ഓരോരുത്തരും തയ്യാറാവേണ്ടതുണ്ട്.

അവരവരുടെ തെറ്റുകൾ കണ്ടെത്തി വേണ്ട രീതിയിൽ പരിഹരിക്കാൻ എല്ലാവർക്കും സാധിക്കട്ടെ.