motivation-181

എന്തുകാര്യത്തിലും നമ്മൾക്ക് ഒരു പരിധിയിൽ കൂടുതൽ അധ്വാനിക്കാൻ ഒരുപക്ഷെ സാധിച്ചെന്നു വരില്ല. നമ്മുടെ ശരീരത്തിന് അതിന്റെതായ വിശ്രമം ഓരോ കാലഘട്ടത്തിലും ആവശ്യമാണ്.കുഞ്ഞു പ്രായത്തിൽ നമ്മൾക്ക് വിശ്രമിക്കേണ്ട സമയം അല്ലല്ലോ പ്രായം കൂടുന്തോറും നമ്മൾക്ക് വിശ്രമിക്കാൻ വേണ്ടി ആവശ്യമായി വരിക.

ശരീരത്തിന് ആവശ്യത്തിന് വിശ്രമം നൽകിയില്ലെങ്കിൽ നാളെകളിൽ നമ്മുടെ ശരീരത്തിനു ആരോഗ്യപ്രശ്നങ്ങൾ ഒരുപക്ഷെ നേരിടേണ്ടി വന്നേക്കാം.

വിശ്രമം നമ്മൾക്ക് ശരീരത്തിന്റെ ആവശ്യത്തിന് അനുസരിച്ചു മതി.കൂടുതൽ നേരം വിശ്രമിച്ചുകഴിഞ്ഞാൽ നമ്മൾക്ക് പല കാര്യങ്ങളും സമയത്തു തന്നെ ചെയ്തു തീർക്കാൻ കഴിയാതെ പോയേക്കാം.

ആവശ്യത്തിന് വിശ്രമിച്ചാൽ മാത്രമാണ് മുന്നോട്ടു കൂടുതൽ ഊർജസ്വലതയോടെ പ്രവർത്തിക്കാൻ കഴിയുകയുള്ളു. വിശ്രമം നമ്മൾ കൃത്യമായി സ്വീകരിക്കുന്നുണ്ടെന്ന് ഉറപ്പ് വരുത്തേണ്ടതുണ്ട്.

നമ്മുടെ ശരീരത്തിൽ പല തരത്തിലുള്ള രോഗങ്ങൾ വരുമ്പോൾ, അതെല്ലാം വിട്ടു മാറണമെങ്കിൽ മരുന്നിനോടൊപ്പം ആവശ്യമായിട്ടുള്ളത് വിശ്രമമാണ്. വിശ്രമം ഇല്ലാതെ മുന്നോട്ടു പോയാൽ ഒരുപക്ഷെ രോഗം പൂർണ്ണമായി സമയത്ത് തന്നെ ഭേദമാകണമെന്നില്ല.

വിശ്രമം ഇല്ലാതെ കഠിനാധ്വാനം ചെയ്യുന്നവർക്ക് ഒരുപക്ഷെ അതിന്റേതായ ബുദ്ധിമുട്ട് അനുഭവിക്കേണ്ടി വരിക പിന്നിടായിരിക്കാം. നമ്മൾ എത്ര സമ്പത്ത് നേടിയാലും നമ്മൾക്ക് വേണ്ടത്ര ആരോഗ്യം ഇല്ലെങ്കിൽ നമ്മുടെ സമ്പത്തുകൊണ്ട് നമ്മൾക്ക് ഒരുപക്ഷെ കാര്യമായി ഒന്നും തന്നെ തൃപ്തികരമായി ചെയ്യാൻ കഴിഞ്ഞെന്ന് വരില്ല.

നിശ്ചിത പ്രായം വരെയാണ് ജോലി ചെയ്യാൻ ചിലയിടങ്ങളിൽ അനുവദിക്കുകയുള്ളൂ.വർഷങ്ങളായി ജോലി ചെയ്തതിൽ നിന്നും ഒരു പ്രായം ആകുമ്പോൾ വിശ്രമം നമ്മൾക്ക് ആവശ്യമായതുകൊണ്ടും, പ്രായമാകുന്തോറും പല കാര്യങ്ങളിലും വേണ്ടത്ര കാര്യക്ഷമത ഇല്ലാതാകുന്നതുകൊണ്ടുമൊക്കെ പലയിടങ്ങളിലും ജോലി ചെയ്യാൻ വേണ്ടി പരമാവധി പ്രായം നിശ്ചയിച്ചിട്ടുണ്ട്.

കൂടുതൽ ഊർജസ്വലതയോടെ മുന്നേറാൻ ആവശ്യത്തിന് വിശ്രമത്തിന് സമയം കണ്ടെത്താൻ നമ്മൾ എല്ലാവർക്കും സാധിക്കട്ടെ.