motivation-146

ഒത്തിരിയേറെ ആഗ്രഹങ്ങൾ നമ്മളിൽ പലർക്കുമുണ്ട്. ആഗ്രഹിച്ചത് ലഭിക്കാതെയാകുമ്പോൾ നമ്മളിൽ പലർക്കും സങ്കടങ്ങൾ ഉണ്ടാവുക സ്വാഭാവികമാണ്.

നമ്മളുടെ ആഗ്രഹം എല്ലാം തന്നെ സാധ്യമാവണമെന്നില്ല. നമ്മുടെ ആഗ്രഹങ്ങൾ ഒരിക്കലും ദുരാഗ്രഹങ്ങൾ ആവാതിരിക്കട്ടെ.നമ്മൾ വളരുന്തോറും ഒരുപക്ഷെ ആഗ്രഹങ്ങളിൽ മാറ്റങ്ങൾ സംഭവിച്ചെന്ന് വന്നേക്കാം.

പണം നമ്മൾ ആഗ്രഹിക്കുമ്പോൾ നമ്മളുടെ പക്കലേക്ക് എത്തിച്ചേരണമെന്നില്ല. വെറുതെ പണം കിട്ടണമെന്ന് ആഗ്രഹിച്ചതുകൊണ്ട് മാത്രം കാര്യമില്ലല്ലോ. പണം ലഭിക്കുന്നതിനായി നല്ലതുപോലെ ശരിയായ മാർഗത്തിലൂടെ കഷ്ടപ്പെടേണ്ടതായിട്ടുണ്ട്.

പണമില്ലാത്ത അവസ്ഥ, കഴിവില്ലാത്ത അവസ്ഥയൊക്കെ പലപ്പോഴും നമ്മുടെ നല്ല ആഗ്രഹങ്ങളെ ഒഴിവാക്കാൻ പ്രേരിപ്പിച്ചേക്കാം. പണം നമ്മുടെ പക്കലേക്ക്

വരികയും, വന്ന പണത്തെ സൂക്ഷിച്ചു കൈകാര്യം ചെയ്തില്ലെങ്കിൽ നമ്മളിൽ നിന്നും എളുപ്പം തന്നെ പണം വിട്ടുപോകുകയും ചെയ്തേക്കാം.

ഏതൊരു ആഗ്രഹവും നിറവേറ്റാൻ സാധിക്കണമെങ്കിൽ അതിന്റെതായ യോഗ്യതകൾ പൂർത്തിയാക്കേണ്ടതായിട്ടുണ്ട്.

ചെറുപ്പത്തിൽ ആഗ്രഹിച്ചത്, ആ നാളുകളിലെ ബുദ്ധിമുട്ട് കാരണം സാധിക്കാതെ വന്നെങ്കിൽ പോലും അവരുടെയൊക്കെ ചെറുപ്പത്തിലേ ആഗ്രഹത്തെ, അവർ വളർന്നു വലുതായപ്പോഴും ഉപേക്ഷിക്കാൻ തയ്യാറായില്ല, അതുകൊണ്ടുതന്നെ ഒത്തിരി കഷ്ടപ്പെട്ടിട്ട് ആണെങ്കിൽ കൂടിയും ചെറുപ്പത്തിൽ ആഗ്രഹിച്ചതിൽ ചിലതെങ്കിലും നേടാൻ അവരിൽ പലർക്കും പിൽകാലത്ത് കഴിഞ്ഞിട്ടുണ്ട്.

നമ്മൾ ആഗ്രഹിച്ചത് നല്ലതെങ്കിൽ, ആഗ്രഹിച്ചത് നമ്മൾക്ക് അർഹതപ്പെട്ടതാണെങ്കിൽ, നല്ലതുപോലെ പരിശ്രമിച്ചാൽ നമ്മൾക്ക് കിട്ടാനുള്ള സാധ്യത വളരെ കൂടുതലാണ്.

നമ്മുടെ ഓരോ ആഗ്രഹങ്ങളും, സാഹചര്യവും, സമയവും മാറുന്നത് അനുസരിച്ചു ഒരുപക്ഷെ മാറിയേക്കാം.

നമ്മൾ ആഗ്രഹിച്ചതുപോലെ എല്ലാം സംഭവിക്കണമെന്നില്ലായെന്ന യാഥാർഥ്യം ഉൾകൊള്ളാൻ ഇനിയെങ്കിലും സാധിക്കട്ടെ.ആഗ്രഹിച്ചത് കിട്ടാതെ പോയതിൽ വിഷമിച്ചിരിക്കാതെ മറ്റു നല്ല ആഗ്രഹങ്ങൾ നേടിയെടുക്കാനായി നല്ലതുപോലെ പരിശ്രമിക്കാൻ സാധിക്കട്ടെ.