motivation-145

ഏതൊരു മനുഷ്യനും പലപ്പോഴും മുന്നോട്ടു പോകുന്നത് ചുറ്റുമുള്ള മനുഷ്യരുടെ സഹായം കൊണ്ടാണ്.ചില കാര്യത്തിൽ മുന്നോട്ട് പോകണമെങ്കിൽ ചുറ്റുമുള്ള മനുഷ്യരുടെ സഹായം വളരെ ആവശ്യമാണ്.

നമ്മുടെ ഓരോരുത്തരുടെയും മുന്നോട്ടുള്ള യാത്ര സുഖകരമാക്കുന്നതിൽ മറ്റുള്ളവരുടെ പങ്ക് വളരെ വലുതാണ്.

നമ്മൾക്ക് ഒത്തിരിയേറെ ആവശ്യങ്ങൾ നേടിയെടുക്കാൻ ഉണ്ടെങ്കിൽ പോലും എല്ലായ്പോഴും അതിനായി മറ്റുള്ളവരെ ഒരുപക്ഷെ ആശ്രയിക്കാൻ സാധിച്ചെന്നു വരില്ല.

നമ്മുടെ ആവശ്യങ്ങൾ മറ്റുള്ളവർക്ക് ഒരുപക്ഷെ എപ്പോഴും സ്വീകാര്യം ആവണമെന്നില്ല.

നമ്മളെ ആവശ്യസമയത്ത് സഹായിക്കുന്നതിൽ ഓരോരുത്തർക്കും അവരവരുടേതായ ബുദ്ധിമുട്ട് ഉണ്ടായെന്നു വരാം.നമ്മളിൽ പലർക്കും വളരെയേറെ വേദന ഉളവാക്കുന്നത്, നമ്മൾക്ക് ആശ്രയം ആയിരുന്നവർ, ആകേണ്ടവർ നമ്മളുടെ വേണ്ടപ്പെട്ട സമയത്തു നമ്മളെ വേണ്ടതുപോലെ സഹായിക്കാതെയാകുമ്പോഴാണ്.

നമ്മൾക്ക് സ്വന്തം ആയിട്ടു ചെയ്യാൻ സാധിക്കുന്ന എല്ലാ കാര്യത്തിനും നമ്മൾ മറ്റുള്ളവരെ ആശ്രയിക്കുന്നത് അത്ര നല്ലതല്ലല്ലോ.

നമ്മൾക്ക് കുഞ്ഞുനാൾ മുതൽ ഇന്ന് ഈ നിമിഷം വരെ വളരാനും, നേട്ടങ്ങൾ സ്വന്തമാക്കാനും സാധിച്ചതിനു പിന്നിൽ ഒത്തിരി നല്ലവരായ മനുഷ്യരുടെ സഹായമുണ്ടെന്നത് മറക്കാതിരിക്കുക.

രോഗം വന്നാൽ അതു മാറാൻ ആ രോഗത്തെ ചികിൽസിക്കുന്ന ഡോക്ടറുടെ സഹായവും, രോഗം ഭേദമാക്കാനുള്ള മരുന്നിനെയും നമ്മൾക്ക് ആശ്രയിക്കേണ്ടി വന്നേക്കാം.

സാഹചര്യം അനുസരിച്ചു ആശ്രയിക്കേണ്ട കാര്യങ്ങൾ നമ്മളിൽ പലർക്കും വ്യത്യസം വന്നുകൊണ്ടിരിക്കും.

പണത്തെ ആശ്രയിക്കേണ്ട സമയത്തു പണം തന്നെ കിട്ടിയാലാണ്, പണം നമ്മൾക്ക് ആവശ്യനേരത്ത് സഹായമായി മാറുകയുള്ളൂ.

എല്ലാത്തിനും മറ്റുള്ളവർ എപ്പോഴും നമ്മൾക്ക് ആശ്രയമായി മാറില്ലായെന്ന ഉത്തമബോധ്യം ഉണ്ടാവട്ടെ. നമ്മളാൽ ചെയ്യാൻ പറ്റുന്ന നല്ല സഹായങ്ങൾ, സഹായത്തിനു അർഹതപ്പെട്ടവർക്ക് ചെയ്തുകൊടുത്തുകൊണ്ട് ഏതെങ്കിലും തരത്തിൽ അവർക്കൊരു സഹായമാകാൻ സാധിക്കട്ടെ.