motivation-125

അലസത നമ്മുടെയൊക്കെ ജീവിതത്തിൽ ഉണ്ടെങ്കിൽ നേട്ടങ്ങൾ സ്വന്തമാക്കാൻ കഴിയാതെ പോകും. അലസത എത്ര നേരത്തെ ഒഴിവാക്കാൻ സാധിക്കുമോ അത്രയും നേരത്തെ വിജയം നേടിയെടുക്കാൻ നമ്മൾക്ക് സാധിച്ചേക്കാം.

ഇന്നലെകളിലെ അലസതകൾ മൂലം നമ്മൾക്കുണ്ടായ പരാജയങ്ങളും, നഷ്ടങ്ങളും നമ്മൾക്ക് ഇന്നിപ്പോൾ ഒത്തിരിയേറെ വേദനകൾ സമ്മാനിക്കുന്നുണ്ട്.

പല കാരണങ്ങൾ കൊണ്ടാണ് നമ്മൾ അലസതയെ കൂട്ടുപിടിക്കുന്നത്. അലസത നമ്മളുടെ കഴിവുകളെ വേണ്ട രീതിയിൽ പുറത്തെടുക്കുന്നതിനു ഒത്തിരിയേറെ തടസ്സം സൃഷ്ടിക്കുന്നുണ്ട്.

അലസത മൂലം നമ്മൾക്കുണ്ടായ നഷ്ടങ്ങൾ എല്ലാം തന്നെ തിരിച്ചെടുക്കാൻ എല്ലായ്പോഴും അത്ര എളുപ്പം ആയിരിക്കില്ല.

നമ്മൾക്ക് ജീവിക്കാൻ പണം ആവശ്യമാണ്, പണം നമ്മളിലേക്ക് എത്തിച്ചേരണമെങ്കിൽ അലസതയെ ഒഴിവാക്കിയാൽ മാത്രമാണ് സാധിക്കുകയുള്ളു.

അലസതയെ ഒഴിവാക്കികൊണ്ട് നല്ലതുപോലെ അധ്വാനിക്കാൻ നമ്മൾ ഓരോരുത്തർക്കും കഴിയേണ്ടതുണ്ട്.

അലസതയെ ഒരിക്കലും ഇഷ്ടപ്പെടാതിരിക്കുക. അലസത നമ്മൾക്ക് ഒരുപക്ഷെ ആദ്യമൊക്കെ ഒത്തിരി സന്തോഷം നൽകിയേക്കാം, പിന്നീട് പതിയെ പതിയെ നമ്മളെ നിരാശയിലേക്ക് കൊണ്ടുചെന്നെത്തിച്ചേക്കാം.

അലസതയെ ശരിയായ വിധത്തിൽ ഉപേക്ഷിക്കാൻ നമ്മൾ ഓരോരുത്തരും തയ്യാറാവേണ്ടതുണ്ട്. നമ്മൾ നാളെകൾ സ്വപ്നം കാണുക, നല്ല ലക്ഷ്യങ്ങൾ കണ്ടെത്തുക അങ്ങനെയെങ്കിൽ നല്ലതുപോലെ ലക്ഷ്യം നേടിയെടുക്കാൻ പരിശ്രമിക്കാൻ ആഗ്രഹം നമ്മളിൽ ഉണ്ടാകും.

നമ്മളിൽ പലർക്കും മുന്നോട്ടു എന്തു നേടണമെന്ന് വ്യക്തമായ ആഗ്രഹം ഇല്ലാത്തതാണ് അലസതയുണ്ടാവാനുള്ള പ്രധാന കാരണം.

നമ്മുടെ ചുറ്റിലുമുള്ളവരുടെ വിജയം നോക്കിയാൽ നമ്മൾക്ക് മനസ്സിലാക്കാൻ കഴിയും അവരൊക്കെ എത്രമാത്രം കഷ്ടപ്പെടാൻ തയ്യാറായിയെന്ന്.

സമയം പാഴാക്കാതെ ഓരോ നിമിഷവും എന്തെല്ലാം കാര്യങ്ങളാണ് ചെയ്യേണ്ടതെന്ന് വ്യക്തമായ പദ്ധതി മുന്നോട്ടു തയ്യാറാക്കുക, അങ്ങനെ ആണെങ്കിൽ പരമാവധി സമയം പാഴാക്കാതെ ഉപകാരപ്പെടുത്തുവാൻ നമ്മളിൽ പലർക്കും ഒരുപക്ഷെ സാധിച്ചേക്കും.

ഏതൊരു കാര്യത്തിലും വിജയം നേടാൻ അലസത ഉപേക്ഷിച്ചാൽ മാത്രമാണ് കാര്യമുള്ളു.

നമ്മളുടെ ഓരോരുത്തരുടെയും അധ്വാനത്തിന് വളരെയധികം വിലയുണ്ട്, നമ്മുടെ അധ്വാനത്തിന് വില നൽകാൻ നമ്മൾ സ്വയം തയ്യാറാകണം.നമ്മുടെ കഴിവിൽ വിശ്വസിക്കുക. നമ്മുടെ കുറവുകൾ മനസ്സിലാക്കി ആവശ്യമായ തിരുത്തൽ നടത്തുക.

ജീവിതത്തിൽ വിജയം നേടാൻ അലസതയെ ഉപേക്ഷിക്കാതെ മറ്റൊരു മാർഗവും ഇല്ല. ഭാവിയിൽ സങ്കടപ്പെടാതിരിക്കാൻ നമ്മൾക്ക് കിട്ടിയ സമയത്തെ പാഴാക്കാതെ നേട്ടങ്ങൾക്കായി അലസതയെ ഉപേക്ഷിച്ചുകൊണ്ട് ഇനിയുള്ള നാളുകളിൽ നല്ലതുപോലെ കഷ്ടപ്പെടാൻ സാധിക്കട്ടെ.