motivation-121

സമയം ഓരോരുത്തർക്കും വളരെയേറെ പ്രധാനപ്പെട്ടതാണ്. സമയം നഷ്ടപ്പെടുത്തി കളയാതെ നോക്കേണ്ടത് നമ്മുടെ ഓരോരുത്തരുടെയും ഉത്തരവാദിത്തമാണ്. നമ്മൾ, നമ്മൾക്ക് ലഭിച്ച സമയത്തെ എങ്ങനെ വിനിയോഗിക്കുന്നു എന്നത് അനുസരിച്ചിരിക്കും അതിന്റെ അനന്തരഫലങ്ങൾ.

നമ്മൾ എത്ര തിരക്കു പിടിച്ചാലും കാര്യമില്ല, ചില കാര്യങ്ങൾ പൂർത്തിയാക്കാൻ അതിന്റെതായ സമയം ആവശ്യമാണ്, അതിനായി ഒരുപക്ഷെ ക്ഷമയോടെ കാത്തിരിക്കേണ്ടി വരും.

ക്ഷമയോടെ സാവധാനം ചെയ്തു തീർക്കേണ്ട കാര്യങ്ങൾ തിടുക്കത്തിൽ ചെയ്തുകഴിഞ്ഞാൽ അതിന്റെതായ പൂർണ്ണത ഒരുപക്ഷെ നഷ്ടപ്പെട്ടേക്കാം.

സമയം മാത്രം ഉണ്ടായതുകൊണ്ട് കാര്യമില്ല, എന്തുകാര്യമായാലും അതിനുവേണ്ട കാര്യങ്ങൾ എല്ലാം തന്നെ കൃത്യമായി നമ്മുടെ പക്കൽ ഉണ്ടാവേണ്ടതുണ്ട്.

പല സാഹചര്യങ്ങളിലും ആവശ്യത്തിന് സമയം കിട്ടുന്നില്ലായെന്ന് പരാതിപ്പെടാതെ, എങ്ങനെയെല്ലാം സമയത്തെ ഉപയോഗപ്പെടുത്തികൊണ്ട് നേട്ടങ്ങൾ കൈവരിക്കാൻ കഴിയുമെന്നാണ് നോക്കേണ്ടത്.

ഓരോ കാര്യവും പൂർത്തിയാക്കാൻ അതിന്റെതായ സമയം ആവശ്യമാണെന്നുള്ള ഉത്തമബോധ്യത്തോടെ മുന്നേറാൻ നമ്മൾ എല്ലാവർക്കും സാധിക്കട്ടെ.